باتىس قازاقستان وبلىسى اقجايىق اۋدانى ورال-اتىراۋ تاسجولىنىڭ بويىندا اقسۋات اۋىلىنىڭ تۇسىندا ورنالاسقان وسى كافەنىڭ اشىلعانىنا ون بەس جىلداي ۋاقىت بولدى. باسىندا جۇرگىنشىلەر ءۇشىن شاعىن شايحانا بولعان وسى تاماقتانۋ ورنى كەيىن ءوزىنىڭ جايلىلىعىن كەڭەيتىپ, كەلۋشىلەرگە جان-جاقتى قىزمەت كورسەتۋىمەن اينالاعا اتى تانىلا باستادى. مۇندا ۇلتتىق تاعامدار دايارلانادى. ءار كەز باۋىرساق, قايماق, كۇرەڭ شايىمەن قوسا ءدامدى قۋىرداعى قىزىقتىرماي قويمايدى. ءسويتىپ, قالاعانىڭدى الىپ, ءشولىڭىزدى باسا الاسىز.
– مارقۇم, جولداسىم تەڭەلباي دۇيسەعاليەۆ اۋعان سوعىسىنىڭ ارداگەرى ەدى. سول ەلدەگى سالانگ تاۋ شاتقالىندا تالاي كەڭەس جاۋىنگەرلەرى ەرلىكپەن شايقاستى, قازا تاپتى. سونداعى دوستارىن ءار كەز ەسىنە الىپ جۇرەتىن. كەيىن وسى تاماقتانۋ ورنىن جاڭعىرتىپ, قايتا اشقاندا سوزگە كەلمەستەن اتىن «سالانگ» قويدى. ءارلى-بەرلى ءجۇرگەن سول سوعىس ارداگەرلەرى ءجيى سوعىپ تۇراتىن. وسىندا اڭگىمە-ءدۇكەن قۇراتىن. تاعدىردىڭ قاتالدىعىن قارا! ءوزى 2008 جىلى جول اپاتىنان وقىستا قايتىس بولدى, – دەيدى ءدامحانانىڭ مەڭگەرۋشىسى, تەڭەلبايدىڭ جارى ءلاززات سەيتكەرەەۆا.
ءۇش بالامەن قالعان ءلاززات تاعدىردىڭ سالعانىنا كونسە دە باستاعان ىستەرىن اياقسىز قالدىرۋعا ءبىر جاعىنان نامىستانسا, ەكىنشىدەن, «ايەلدىڭ قولىنان نە كەلەر دەيسىڭ» دەگەن مۇسىركەۋشىلىكتى مويىنداعىسى كەلمەدى. ءسويتىپ, بەلىن بەكەم بۋىپ, جولاۋشىلارعا ۇلگىلى قىزمەت كورسەتۋدى ودان ءارى جالعاستىردى. تيىنعا تيىن قوستى. ءدامحاناعا كۇردەلى جوندەۋ ءجۇرگىزدى. كەڭىتتى. قابىرعالارىن تالعامعا ساي ارلەدى. جاڭا جابدىقتار الدى. ىدىس-اياقتىڭ ادەمىسىن دە وسىننان تاباسىز. ءار ءبولمەنىڭ ءتوبەسىنە شاشىراي جارىق بەرەتىن شامدار ءىلدى. ويۋ-ءورنەكتى ءتوسەنىشتەر كوزگە كورىك بەردى. بۇل شارۋادا ءىنى-كەلىندەرى ازامات, الماگۇل, كۇيەۋبالاسى مەن ءسىڭىلىسى جانبولات, جاناردىڭ قولعابىستارى مول ەدى.
2013 جىلى شاعىن جانە ورتا بيزنەستى ودان ءارى نىعايتۋ ءۇشىن «جۇمىسپەن قامتۋدىڭ جول كارتاسى-2020» باعدارلاماسىنا سۇيەنىپ 3 ملن. تەڭگە نەسيەگە يە بولدى. ءساندى ەتىپ دامحاناعا جالعاستىرىپ, ناۋبايحانا سالدى. بارلىق قۇرال-جابدىقتارىن ساتىپ الدى. بۇرىن ناندى ورال قالاسىنان تاسيتىن. مۇنىڭ ءوزى كوڭىلدەگىدەي بولمايتىن. وسى جايسىزدىقتان قۇتىلدى. قاشاندا تاپ-تازا, ىستىق نان ءازىر تۇراتىن. جاز كەزىندەگى ناۋقاندى جۇمىستاردا جۇرەتىن توڭىرەكتەگى شارۋا قوجالىقتارىنىڭ ازاماتتارى مەن جۇرگىنشىلەر, سونداي-اق, توي وتكىزەتىن شاڭىراقتار نانعا تاپسىرىس بەرە باستادى. دەمەك, شارۋانىڭ ىڭعايى كەلىپ, ءيىنى ورىن تەبەدى. ىستىق تاماققا سويىس مالداردى دا «الىستان اربالاماي, جاقىننان دوربالاپ» جۇرگەن جايى بار. ياعني, كورشىلەس مالدى اۋىلداردان, شارۋا قوجالىقتارىنان تاڭداپ ساتىپ الادى. بۇل ەكى جاققا دا ءتيىمدى ەدى.
ءلاززات مۇراتقىزى قازىر اۋىلدىڭ ون ەكى جاسىن جۇمىسپەن قامتىپ وتىر. ولار ەكى اۋىسىمدا جۇمىس ىستەيدى. سەبەبى, ەلىمىزدىڭ باتىسىنداعى ماڭىزدى كۇرە جولدا كورشىلەس ەلدەر تۇگىلى, الىس شەتەلدەردىڭ اۆتوماشينالارى دا اعىلۋدا. ولارعا قاي ۋاقىتتا بولماسىن تاماق كەرەگى انىق. ءسويتىپ, ۋاقىتپەن ساناسۋ جوق. جىلدىڭ قاي مەزگىلىندە دە ءوز ءىستەرىنە جاۋاپتى قارايتىن ءدامحانا قىزمەتكەرلەرى انارگۇل شوناەۆا, دانيل وتەگەنوۆ, امانعالي قىدىراليەۆ سياقتى جانداردى ءلاززات ورىندى ماقتان ەتەدى.
– ءلاززات مۇراتقىزى – اقسۋات اۋىلدىق وكرۋگىنىڭ بەلسەندى كاسىپكەرى. كوپشىلىك شارالار مەن ءتۇرلى اكتسيالارعا قولداۋ كورسەتۋدەن جالىققان ەمەس. جاقىندا تاۋەلسىزدىكتىڭ 25 جىلدىعىنا وراي س.وشانوۆ اتىنداعى ورتا مەكتەپتە وتكەن «جىرلايمىن قازاقستاندى» اتتى جىر كەشىنىڭ جۇلدەگەرلەرىن ماراپاتتاۋعا اتسالىستى. سونداي-اق, اۋدان ورتالىعىندا سالىنىپ جاتقان جاڭا مەشىت ءۇيىنىڭ قۇرىلىسىنا قوماقتى ۇلەس قوستى, – دەيدى اتالعان اۋىلدىق وكرۋگتىڭ اكىمى دامەلى بەكەن.
ونىڭ بيزنەستىڭ الەۋمەتتىك جاۋاپكەرشىلىگى جونىندەگى رەسپۋبليكالىق «پارىز-2014» بايقاۋىنىڭ ديپلومانتى اتانۋى دا, وبلىس, اۋدان اكىمىنىڭ العىس حاتتارىنا يە بولۋى دا وسىنداي ەل تانىعان ەڭبەگىنىڭ ارقاسى.
تىلەس جازىقباي,
قازاقستان جۋرناليستەر وداعىنىڭ مۇشەسى
باتىس قازاقستان وبلىسى,
اقجايىق اۋدانى
باتىس قازاقستان وبلىسى اقجايىق اۋدانى ورال-اتىراۋ تاسجولىنىڭ بويىندا اقسۋات اۋىلىنىڭ تۇسىندا ورنالاسقان وسى كافەنىڭ اشىلعانىنا ون بەس جىلداي ۋاقىت بولدى. باسىندا جۇرگىنشىلەر ءۇشىن شاعىن شايحانا بولعان وسى تاماقتانۋ ورنى كەيىن ءوزىنىڭ جايلىلىعىن كەڭەيتىپ, كەلۋشىلەرگە جان-جاقتى قىزمەت كورسەتۋىمەن اينالاعا اتى تانىلا باستادى. مۇندا ۇلتتىق تاعامدار دايارلانادى. ءار كەز باۋىرساق, قايماق, كۇرەڭ شايىمەن قوسا ءدامدى قۋىرداعى قىزىقتىرماي قويمايدى. ءسويتىپ, قالاعانىڭدى الىپ, ءشولىڭىزدى باسا الاسىز.
– مارقۇم, جولداسىم تەڭەلباي دۇيسەعاليەۆ اۋعان سوعىسىنىڭ ارداگەرى ەدى. سول ەلدەگى سالانگ تاۋ شاتقالىندا تالاي كەڭەس جاۋىنگەرلەرى ەرلىكپەن شايقاستى, قازا تاپتى. سونداعى دوستارىن ءار كەز ەسىنە الىپ جۇرەتىن. كەيىن وسى تاماقتانۋ ورنىن جاڭعىرتىپ, قايتا اشقاندا سوزگە كەلمەستەن اتىن «سالانگ» قويدى. ءارلى-بەرلى ءجۇرگەن سول سوعىس ارداگەرلەرى ءجيى سوعىپ تۇراتىن. وسىندا اڭگىمە-ءدۇكەن قۇراتىن. تاعدىردىڭ قاتالدىعىن قارا! ءوزى 2008 جىلى جول اپاتىنان وقىستا قايتىس بولدى, – دەيدى ءدامحانانىڭ مەڭگەرۋشىسى, تەڭەلبايدىڭ جارى ءلاززات سەيتكەرەەۆا.
ءۇش بالامەن قالعان ءلاززات تاعدىردىڭ سالعانىنا كونسە دە باستاعان ىستەرىن اياقسىز قالدىرۋعا ءبىر جاعىنان نامىستانسا, ەكىنشىدەن, «ايەلدىڭ قولىنان نە كەلەر دەيسىڭ» دەگەن مۇسىركەۋشىلىكتى مويىنداعىسى كەلمەدى. ءسويتىپ, بەلىن بەكەم بۋىپ, جولاۋشىلارعا ۇلگىلى قىزمەت كورسەتۋدى ودان ءارى جالعاستىردى. تيىنعا تيىن قوستى. ءدامحاناعا كۇردەلى جوندەۋ ءجۇرگىزدى. كەڭىتتى. قابىرعالارىن تالعامعا ساي ارلەدى. جاڭا جابدىقتار الدى. ىدىس-اياقتىڭ ادەمىسىن دە وسىننان تاباسىز. ءار ءبولمەنىڭ ءتوبەسىنە شاشىراي جارىق بەرەتىن شامدار ءىلدى. ويۋ-ءورنەكتى ءتوسەنىشتەر كوزگە كورىك بەردى. بۇل شارۋادا ءىنى-كەلىندەرى ازامات, الماگۇل, كۇيەۋبالاسى مەن ءسىڭىلىسى جانبولات, جاناردىڭ قولعابىستارى مول ەدى.
2013 جىلى شاعىن جانە ورتا بيزنەستى ودان ءارى نىعايتۋ ءۇشىن «جۇمىسپەن قامتۋدىڭ جول كارتاسى-2020» باعدارلاماسىنا سۇيەنىپ 3 ملن. تەڭگە نەسيەگە يە بولدى. ءساندى ەتىپ دامحاناعا جالعاستىرىپ, ناۋبايحانا سالدى. بارلىق قۇرال-جابدىقتارىن ساتىپ الدى. بۇرىن ناندى ورال قالاسىنان تاسيتىن. مۇنىڭ ءوزى كوڭىلدەگىدەي بولمايتىن. وسى جايسىزدىقتان قۇتىلدى. قاشاندا تاپ-تازا, ىستىق نان ءازىر تۇراتىن. جاز كەزىندەگى ناۋقاندى جۇمىستاردا جۇرەتىن توڭىرەكتەگى شارۋا قوجالىقتارىنىڭ ازاماتتارى مەن جۇرگىنشىلەر, سونداي-اق, توي وتكىزەتىن شاڭىراقتار نانعا تاپسىرىس بەرە باستادى. دەمەك, شارۋانىڭ ىڭعايى كەلىپ, ءيىنى ورىن تەبەدى. ىستىق تاماققا سويىس مالداردى دا «الىستان اربالاماي, جاقىننان دوربالاپ» جۇرگەن جايى بار. ياعني, كورشىلەس مالدى اۋىلداردان, شارۋا قوجالىقتارىنان تاڭداپ ساتىپ الادى. بۇل ەكى جاققا دا ءتيىمدى ەدى.
ءلاززات مۇراتقىزى قازىر اۋىلدىڭ ون ەكى جاسىن جۇمىسپەن قامتىپ وتىر. ولار ەكى اۋىسىمدا جۇمىس ىستەيدى. سەبەبى, ەلىمىزدىڭ باتىسىنداعى ماڭىزدى كۇرە جولدا كورشىلەس ەلدەر تۇگىلى, الىس شەتەلدەردىڭ اۆتوماشينالارى دا اعىلۋدا. ولارعا قاي ۋاقىتتا بولماسىن تاماق كەرەگى انىق. ءسويتىپ, ۋاقىتپەن ساناسۋ جوق. جىلدىڭ قاي مەزگىلىندە دە ءوز ءىستەرىنە جاۋاپتى قارايتىن ءدامحانا قىزمەتكەرلەرى انارگۇل شوناەۆا, دانيل وتەگەنوۆ, امانعالي قىدىراليەۆ سياقتى جانداردى ءلاززات ورىندى ماقتان ەتەدى.
– ءلاززات مۇراتقىزى – اقسۋات اۋىلدىق وكرۋگىنىڭ بەلسەندى كاسىپكەرى. كوپشىلىك شارالار مەن ءتۇرلى اكتسيالارعا قولداۋ كورسەتۋدەن جالىققان ەمەس. جاقىندا تاۋەلسىزدىكتىڭ 25 جىلدىعىنا وراي س.وشانوۆ اتىنداعى ورتا مەكتەپتە وتكەن «جىرلايمىن قازاقستاندى» اتتى جىر كەشىنىڭ جۇلدەگەرلەرىن ماراپاتتاۋعا اتسالىستى. سونداي-اق, اۋدان ورتالىعىندا سالىنىپ جاتقان جاڭا مەشىت ءۇيىنىڭ قۇرىلىسىنا قوماقتى ۇلەس قوستى, – دەيدى اتالعان اۋىلدىق وكرۋگتىڭ اكىمى دامەلى بەكەن.
ونىڭ بيزنەستىڭ الەۋمەتتىك جاۋاپكەرشىلىگى جونىندەگى رەسپۋبليكالىق «پارىز-2014» بايقاۋىنىڭ ديپلومانتى اتانۋى دا, وبلىس, اۋدان اكىمىنىڭ العىس حاتتارىنا يە بولۋى دا وسىنداي ەل تانىعان ەڭبەگىنىڭ ارقاسى.
تىلەس جازىقباي,
قازاقستان جۋرناليستەر وداعىنىڭ مۇشەسى
باتىس قازاقستان وبلىسى,
اقجايىق اۋدانى
سوڭعى جاڭالىقتار
استانادا وليمپيادا چەمپيونى ميحايل شايدوروۆتى سالتاناتتى تۇردە قارسى الدى
ەلوردا • بۇگىن, 02:45
قوعام • كەشە
«اتىراۋ» فۋتبول كلۋبى ساتىلىمعا شىعارىلدى
فۋتبول • كەشە
مويىنقۇم اۋدانىندا ءورت ءسوندىرۋ ءبولىمى اشىلدى
ايماقتار • كەشە
25 اقپانعا دەيىن سالىقتاردى تولەپ ۇلگەرىڭىز
سالىق • كەشە
«رەال» باس باپكەرگە بايلانىستى شەشىم قابىلدادى
فۋتبول • كەشە
