مىنا دۇنيەنىڭ تىرەگى – مەيىرىم. ەگەردە ادامدار بويىنان مەيىرىم مەن ىزگىلىك جويىلار بولسا, وندا جالعاندا تابان تىرەيتىن ەشتەڭە قالمايدى. بارلىق قۇندىلىقتاردىڭ قادىرى كەتەدى. ال مەيىرىمنىڭ ۇلكەن-كىشىسى بولمايدى. كىسىگە جاقسى ءسوزىڭىزدى ارناساڭىز, قۇلاپ جاتقانىندا قولتىعىنان دەمەسەڭىز, دۇرىس جولدى باعىتتاساڭىز, جەتىم-جەسىردىڭ ماڭدايىنان سيپاپ, كومەك قولىن سوزساڭىز, بايلىعىڭىزدان ءبولىپ بەرمەسەڭىز دە, قارجىلاي كومەك قىلساڭىز, وسى سەكىلدى دۇنيەلەردىڭ ارعى جاعىندا مەيىرىم تۇر. ادامگەرشىلىك تۇر. بايلىعىڭىزدى ءبولىپ بەرمەسەڭىز دەگەننەن شىعادى, وتكەندە بارلىق مەڭدىعاليەۆ اتتى كاسىپكەر ءوزىنىڭ 40 مىڭ دوللار قارجىسىن قاراماعىنداعى 117 جۇمىسشىسىنا تەڭدەي ءبولىپ بەردى دەگەن اقپارات وقىدىق. وقىدىق تا, ونىڭ جىگەرى مەن ەرلىگىنە تاڭعالدىق. دۇنيە سۇرلانىپ تۇرعان مىنا زاماندا مۇنداي اتىمتاي جومارتتىڭ بولۋى, ونىڭ قازاق اراسىنان شىعۋى قايران قالدىردى. ەرلىك دەمەسكە لاج جوق. ويتكەنى, مۇنداي قادامعا ەكىنىڭ ءبىرى بارا المايدى.
بارلىق مەڭدىعاليەۆتەي بول دەپ ەشكىمگە اقىل ايتا المايمىز. بىراق اباي اتامنىڭ «بولماساڭ دا ۇقساپ باق» دەگەن ءسوزىن قاپەرگە سالعىمىز كەلەدى. بىلتىر قىزىلوردا وبلىسىندا ءبىر ءىزگىلىكتى شارا باستالدى. ول – «جۇرەك جىلۋىمەن» دەپ اتالادى. قايىرىمدىلىق اكتسياسىنىڭ اتى ايتىپ تۇرعانداي, بۇل – مۇقتاج, از قامتىلعان وتباسىلارعا ۇلتجاندى ازاماتتار, بيزنەس قۇرىلىمدارى مەن مەملەكەتتىك, قوعامدىق ۇيىم وكىلدەرى, جومارت جۇرشىلىقتىڭ كومەك كورسەتۋى ەدى. وسى ورايدا, «مەيىرىم-قىزىلوردا» قوعامدىق قورىنا ءبىرىنشى بولىپ وبلىس اكىمى قىرىمبەك كوشەرباەۆتىڭ ءوزى ۇلەس قوسقانىن ايتا كەتۋ كەرەك. اتالعان شارا اياسىندا 7 ميلليون تەڭگە جينالدى. جينالعان قارجىعا 1200 وتباسىنا ماتەريالدىق كومەك كورسەتىلدى. جالپى, قايىرىمدىلىق اكتسياسى بارىسىندا ءبىرىنشى قاجەتتىلىكتەگى ازىق-ت ۇلىك جانە باسقا دا كەرەكتى زاتتار تيەلگەن 22 اۆتوكولىك تۇرمىسى تومەن وتباسىلارىن ارالاپ, تاراتىپ بەردى. مۇنداي اۋقىمدى قايىرىمدىلىق اكتسياسى سىر وڭىرىندە العاش رەت ۇيىمداستىرىلىپ وتىرعانىن دا ءسوز اراسىنا سىنالاي كەتەيىك.
سونىمەن اكتسيا ءبىر كۇندىك بولىپ قانا قالدى ما؟ جوق. يگىلىكتى شارا بيىل دا ءوز جالعاسىن تاپتى. اسىرەسە, اتالعان اكتسياعا قىزىلوردا قالالىق ءماسليحاتىنىڭ دەپۋتاتتارى بەلسەنە اتسالىسۋدا. ءماسليحات حاتشىسى روزا بوحانوۆا ارىپتەستەرىن «جۇرەك جىلۋىمەن» اكتسياسىنا قاتىسىپ, ءوز وكرۋگتەرىندەگى الەۋمەتتىك جاعىنان از قامتىلعان وتباسىلارعا كومەكتەسۋگە شاقىردى. سولايشا, قالاداعى 19 سايلاۋ وكرۋگىندەگى مۇقتاج وتباسىلاردىڭ ءتىزىمى جاسالىپ, دەپۋتاتتار اكتسيانى قولداۋدى باستاپ كەتتى. بۇل شارانىڭ ءبىر رەتتىك ەمەس, جىل سوڭىنا دەيىن جالعاساتىنىن ايتقان ابزال.
«جۇرەك جىلۋىمەن» اكتسياسىنا ەڭ الدىمەن اجىبەك مامپاەۆ, باقداۋلەت ىسقاقوۆ, يللاريون لي, ءانۋار ناقىپ, ءسابيت پازىلوۆ, تالعات ماقاشوۆ, نۇربولات يبراەۆ, جاسۇلان جاراسباەۆ سەكىلدى دەپۋتاتتار بەلسەنە اتسالىستى. «ءبىر قولىڭنىڭ بەرگەنىن, ەكىنشى قولىڭ ءبىلمەسىن» دەگەن ءتامسىل بار. حالىق سايلاعان دەپۋتاتتار جاساعان جاقسىلىعىن, كورسەتكەن كومەگىن ايداي الەمگە جار سالىپ ايتىپ جاتقان جوق. دەگەنمەن, مۇنداي ىستەن ەل حاباردار دا بولۋى كەرەك قوي دەپ ويلايمىز. شارا بارىسىندا تۇرمىستا قاجەتتى, ەڭ ءبىرىنشى تۇتىناتىن ازىق-ءتۇلىك جينالدى. ول قالاداعى 16 وتباسىنا تاراتىلىپ بەرىلدى. ءار دەپۋتات ۇيلەردى ءوزى ارالاپ, حالىقتىڭ تۇرمىس-تىرشىلىگىمەن تانىسىپ, مۇقتاجدىقتارىن ءبىلىپ, كومەگىن كورسەتىپ كەتتى. قاراپايىم جۇرتشىلىق حالىق قالاۋلىلارىنىڭ وزدەرىنە كوڭىل ءبولىپ, مۇڭ-ارىزىن تىڭداپ, قولدان كەلگەنشە جاردەم ەتكەنىنە شىن نيەتىمەن العىسىن ايتتى. بۇل دا بولسا ادامگەرشىلىك, مەيىرىم اتتى قاسيەتتەردىڭ جوعالماعانىنان, ادامداردىڭ ءبىر-بىرىنە بولىسۋ نيەتىنەن تۋعان شارا دەر ەدىك.
ەرجان بايتىلەس,
«ەگەمەن قازاقستان»
قىزىلوردا
مىنا دۇنيەنىڭ تىرەگى – مەيىرىم. ەگەردە ادامدار بويىنان مەيىرىم مەن ىزگىلىك جويىلار بولسا, وندا جالعاندا تابان تىرەيتىن ەشتەڭە قالمايدى. بارلىق قۇندىلىقتاردىڭ قادىرى كەتەدى. ال مەيىرىمنىڭ ۇلكەن-كىشىسى بولمايدى. كىسىگە جاقسى ءسوزىڭىزدى ارناساڭىز, قۇلاپ جاتقانىندا قولتىعىنان دەمەسەڭىز, دۇرىس جولدى باعىتتاساڭىز, جەتىم-جەسىردىڭ ماڭدايىنان سيپاپ, كومەك قولىن سوزساڭىز, بايلىعىڭىزدان ءبولىپ بەرمەسەڭىز دە, قارجىلاي كومەك قىلساڭىز, وسى سەكىلدى دۇنيەلەردىڭ ارعى جاعىندا مەيىرىم تۇر. ادامگەرشىلىك تۇر. بايلىعىڭىزدى ءبولىپ بەرمەسەڭىز دەگەننەن شىعادى, وتكەندە بارلىق مەڭدىعاليەۆ اتتى كاسىپكەر ءوزىنىڭ 40 مىڭ دوللار قارجىسىن قاراماعىنداعى 117 جۇمىسشىسىنا تەڭدەي ءبولىپ بەردى دەگەن اقپارات وقىدىق. وقىدىق تا, ونىڭ جىگەرى مەن ەرلىگىنە تاڭعالدىق. دۇنيە سۇرلانىپ تۇرعان مىنا زاماندا مۇنداي اتىمتاي جومارتتىڭ بولۋى, ونىڭ قازاق اراسىنان شىعۋى قايران قالدىردى. ەرلىك دەمەسكە لاج جوق. ويتكەنى, مۇنداي قادامعا ەكىنىڭ ءبىرى بارا المايدى.
بارلىق مەڭدىعاليەۆتەي بول دەپ ەشكىمگە اقىل ايتا المايمىز. بىراق اباي اتامنىڭ «بولماساڭ دا ۇقساپ باق» دەگەن ءسوزىن قاپەرگە سالعىمىز كەلەدى. بىلتىر قىزىلوردا وبلىسىندا ءبىر ءىزگىلىكتى شارا باستالدى. ول – «جۇرەك جىلۋىمەن» دەپ اتالادى. قايىرىمدىلىق اكتسياسىنىڭ اتى ايتىپ تۇرعانداي, بۇل – مۇقتاج, از قامتىلعان وتباسىلارعا ۇلتجاندى ازاماتتار, بيزنەس قۇرىلىمدارى مەن مەملەكەتتىك, قوعامدىق ۇيىم وكىلدەرى, جومارت جۇرشىلىقتىڭ كومەك كورسەتۋى ەدى. وسى ورايدا, «مەيىرىم-قىزىلوردا» قوعامدىق قورىنا ءبىرىنشى بولىپ وبلىس اكىمى قىرىمبەك كوشەرباەۆتىڭ ءوزى ۇلەس قوسقانىن ايتا كەتۋ كەرەك. اتالعان شارا اياسىندا 7 ميلليون تەڭگە جينالدى. جينالعان قارجىعا 1200 وتباسىنا ماتەريالدىق كومەك كورسەتىلدى. جالپى, قايىرىمدىلىق اكتسياسى بارىسىندا ءبىرىنشى قاجەتتىلىكتەگى ازىق-ت ۇلىك جانە باسقا دا كەرەكتى زاتتار تيەلگەن 22 اۆتوكولىك تۇرمىسى تومەن وتباسىلارىن ارالاپ, تاراتىپ بەردى. مۇنداي اۋقىمدى قايىرىمدىلىق اكتسياسى سىر وڭىرىندە العاش رەت ۇيىمداستىرىلىپ وتىرعانىن دا ءسوز اراسىنا سىنالاي كەتەيىك.
سونىمەن اكتسيا ءبىر كۇندىك بولىپ قانا قالدى ما؟ جوق. يگىلىكتى شارا بيىل دا ءوز جالعاسىن تاپتى. اسىرەسە, اتالعان اكتسياعا قىزىلوردا قالالىق ءماسليحاتىنىڭ دەپۋتاتتارى بەلسەنە اتسالىسۋدا. ءماسليحات حاتشىسى روزا بوحانوۆا ارىپتەستەرىن «جۇرەك جىلۋىمەن» اكتسياسىنا قاتىسىپ, ءوز وكرۋگتەرىندەگى الەۋمەتتىك جاعىنان از قامتىلعان وتباسىلارعا كومەكتەسۋگە شاقىردى. سولايشا, قالاداعى 19 سايلاۋ وكرۋگىندەگى مۇقتاج وتباسىلاردىڭ ءتىزىمى جاسالىپ, دەپۋتاتتار اكتسيانى قولداۋدى باستاپ كەتتى. بۇل شارانىڭ ءبىر رەتتىك ەمەس, جىل سوڭىنا دەيىن جالعاساتىنىن ايتقان ابزال.
«جۇرەك جىلۋىمەن» اكتسياسىنا ەڭ الدىمەن اجىبەك مامپاەۆ, باقداۋلەت ىسقاقوۆ, يللاريون لي, ءانۋار ناقىپ, ءسابيت پازىلوۆ, تالعات ماقاشوۆ, نۇربولات يبراەۆ, جاسۇلان جاراسباەۆ سەكىلدى دەپۋتاتتار بەلسەنە اتسالىستى. «ءبىر قولىڭنىڭ بەرگەنىن, ەكىنشى قولىڭ ءبىلمەسىن» دەگەن ءتامسىل بار. حالىق سايلاعان دەپۋتاتتار جاساعان جاقسىلىعىن, كورسەتكەن كومەگىن ايداي الەمگە جار سالىپ ايتىپ جاتقان جوق. دەگەنمەن, مۇنداي ىستەن ەل حاباردار دا بولۋى كەرەك قوي دەپ ويلايمىز. شارا بارىسىندا تۇرمىستا قاجەتتى, ەڭ ءبىرىنشى تۇتىناتىن ازىق-ءتۇلىك جينالدى. ول قالاداعى 16 وتباسىنا تاراتىلىپ بەرىلدى. ءار دەپۋتات ۇيلەردى ءوزى ارالاپ, حالىقتىڭ تۇرمىس-تىرشىلىگىمەن تانىسىپ, مۇقتاجدىقتارىن ءبىلىپ, كومەگىن كورسەتىپ كەتتى. قاراپايىم جۇرتشىلىق حالىق قالاۋلىلارىنىڭ وزدەرىنە كوڭىل ءبولىپ, مۇڭ-ارىزىن تىڭداپ, قولدان كەلگەنشە جاردەم ەتكەنىنە شىن نيەتىمەن العىسىن ايتتى. بۇل دا بولسا ادامگەرشىلىك, مەيىرىم اتتى قاسيەتتەردىڭ جوعالماعانىنان, ادامداردىڭ ءبىر-بىرىنە بولىسۋ نيەتىنەن تۋعان شارا دەر ەدىك.
ەرجان بايتىلەس,
«ەگەمەن قازاقستان»
قىزىلوردا
سوڭعى جاڭالىقتار
استانادا وليمپيادا چەمپيونى ميحايل شايدوروۆتى سالتاناتتى تۇردە قارسى الدى
ەلوردا • بۇگىن, 02:45
قوعام • كەشە
«اتىراۋ» فۋتبول كلۋبى ساتىلىمعا شىعارىلدى
فۋتبول • كەشە
مويىنقۇم اۋدانىندا ءورت ءسوندىرۋ ءبولىمى اشىلدى
ايماقتار • كەشە
25 اقپانعا دەيىن سالىقتاردى تولەپ ۇلگەرىڭىز
سالىق • كەشە
«رەال» باس باپكەرگە بايلانىستى شەشىم قابىلدادى
فۋتبول • كەشە
