ستاتيستيكالىق مالىمەتتەر ءدال بولۋى كەرەك

كەشە پرەمەر-مينيستر كارىم ءماسىموۆتىڭ قاتىسۋىمەن ستاتيستيكا اگەنتتىگىنىڭ كەڭەيتىلگەن القا وتىرىسى بولىپ ءوتتى. ماجىلىستە اگەنتتىكتىڭ وتكەن جىلعى جۇمىس قورىتىندىلارى تالقىلانىپ, بيىلعى جىلعا بەلگىلەنگەن نەگىزگى باعىتتارى مەن مىندەتتەرى انىقتالدى. اتالعان جيىندا نەگىزگى باياندامانى ستاتيستيكا اگەنتتىگىنىڭ توراعاسى ءاليحان سمايىلوۆ جاسادى. 2010 جىلى اگەنتتىكتە ءما­لى­مەتتەردى پايدالانۋشىلاردىڭ ستاتيستيكالىق اقپاراتتارعا ءجا­نە دامۋدىڭ ستراتەگيالىق ماق­ساتتارىنا قول جەتكىزۋگە قا­جەت­تىلىكتەرىن قاناعاتتاندىرۋعا با­عىت­تالعان اۋقىمدى جۇمىستار اتقارىلعان. سونداي-اق وتكەن جىلى 189 ستاتيستيكالىق بايقاۋ وتكىزىلدى. ەل پرەزيدەنتىنىڭ «جاڭا ون­جىلدىق – جاڭا ەكونوميكالىق ورلەۋ – قازاقستاننىڭ جاڭا مۇمكىندىكتەرى» اتتى جولداۋى جانە ەلىمىزدىڭ 2010-2014 جىل­دارعا ارنالعان ۇدەمەلى ين­دۋستريالىق-يننوۆاتسيالىق دامۋ باعدارلا­ما­سىنىڭ ىسكە اسى­رى­لۋىن مونيتورينگىلەۋ ماق­ساتىن­دا اگەنتتىك اتال­عان باعدارلاما­نىڭ ماقساتتى ين­ديكاتورىن بىلدىرەتىن ستاتيس­تي­كا­لىق كورسەت­كىش­تەر تىزبەسىن ءازىر­لە­گەن. سونى­مەن بىرگە توق­سان سا­يىن «قازاق­ستان رەس­پۋب­ليكا­سى­نىڭ 2010-2014 جىل­دار­عا ارنالعان ۇدە­مەلى ين­دۋستريا­لىق-يننوۆاتسيا­لىق دامۋى­نىڭ كور­سەت­كىشتەرى» بيۋللەتەنى قا­لىپ­تاستىرى­ل­ماق. ەل ۇكىمەتىنىڭ قولداۋىمەن اگەنت­تىك «ە- ستاتيستيكا» جۇيەسىن ىسكە اسىرۋ بويىنشا جۇمىستار جۇرگىزسە, بۇل ستاتيستيكالىق دەرەكتەردى جيناۋ, وڭدەۋ جانە تاراتۋ بارىسىن اۆتوماتتاندىرۋدىڭ جاڭا دەڭگەيىن قامتاماسىز ەتۋگە مۇمكىندىك بەرىپ وتىر. «دەرەكتەردى ون-لاين رەجىمىندە جيناۋ», «اقپاراتتىق تالدامالى جۇيە», «اكىمشىلىك دەرەكتەر قورى» اقپا­رات­تىق جۇيەلەرىن جاساۋ كە­زەڭ-كەزەڭمەن ەنگىزۋ باستالعان. وسى رەتتە وتكەن جىلدا بولعان ماڭىزدى وقيعالاردىڭ ءبىرى – 2009 جىلعى حالىق ساناعىنىڭ سوڭعى قورىتىندىلارىن شىعارۋ جانە 2010 جىلى 16 جەلتوقساندا 16 جيناقتىڭ جاريا­لا­نۋى بولدى. قا­زىرگى تاڭدا جيناق­تاردىڭ ەلەكترون­دى نۇسقالارى اگەنتتىك سايتىندا ورنالاسقان. اگەنتتىك 2011 جىلعا جاھان­دىق حالىقارالىق سالىستىرۋ­لار­دىڭ كەزەكتى راۋندىنىڭ دايىندىق ءىس-شارالارىن ىسكە اسىرۋ, كوم­مەرتسيالىق جىلجىمايتىن م ۇلىك­تى جالعا بەرۋ باعالارىنا ستا­تيس­تيكالىق ەسەپتىلىك ەنگىزۋ سەكىلدى جۇمىستاردى جوسپارلاسا, بيىل­عى 1 شىلدەدەن باستاپ كەدەن وداعى اياسىندا كەدەندىك رەسىمدەۋدى جويۋ جاعدايىندا ءوزارا ساۋدا بويىنشا جاڭا ستاتيستيكالىق بايقاۋ ءجۇر­گىزۋ دە اگەنتتىكتىڭ الداعى ۋاقىتتا اتقارار جۇمىستارى قاتارىندا تۇر. سونىمەن قاتار «مۋلتي-ين­ديكاتورلىق كلاستەرلىك زەرت­تەۋدىڭ» 4-ءشى راۋندىنىڭ قورى­تىن­دىلارىن شىعارۋ جۇمىس­تارىن اياقتاۋ مەن وزگە دە ما­ڭىزدى مىندەتتەرگە قول جەتكىزۋ جوسپارلانعان. باسقوسۋدا ۆەدومستۆو باسشىسى ءا.سمايىلوۆ ەلىمىزدىڭ ستاتيستي­كا­لىق جۇيەسىن جەتىلدىرۋ ءۇشىن 2010 جىلى بۇكىلالەمدىك بانكتەن 20 ملن. دوللار كولەمىندە زاەم الۋ بويىنشا جۇمىستار باس­تالعا­نىن, سونداي-اق جوبا­نىڭ نەگىزگى ماقساتى رەسپۋبلي­كانىڭ بارلىق ستاتيستي­كا­لىق جۇيەسىن, ونىڭ ءىشىن­دە ستاتيس­تيكالىق جۇمىس­تارىن حالىقارا­لىق تاجىريبە­لەر­گە سايكەس جەتىلدىرۋ بولىپ تا­بى­لاتىنىن ايت­تى. اگەنتتىك ءتور­اعاسىنىڭ اي­تۋىنشا, وسى كۇن­دەرى جوبا ەكونوميكالىق دامۋ جانە ساۋدا, بايلانىس جانە اقپا­رات مينيسترلىكتەرىنىڭ ەكونو­مي­­كا­لىق وڭ باعالاۋىن العان. قار­جى مي­نيسترلىگىنىڭ بارلىق ەسكەرتپەلەرى جويىلسا, ەندى بۇكىل­الەمدىك بانكپەن كەلىسسوزدەردى باستاۋ ءۇشىن رەسپۋبليكالىق بيۋدجەتتىك كو­ميس­سيا­نىڭ شەشىمى قاجەت ەكەن. ستاتيستكا اگەنتتىگىنىڭ القا وتى­رىسىن قورىتىندىلاعان پرە­مەر-مينيستر كارىم ءماسىموۆ قازىرگى تاڭدا ەلدە «ەلەكتروندى ۇكىمەتتى» دامىتۋ ماسەلەسىنە باسا كوڭىل ءبولىنىپ وتىرعانىن جانە بۇعان قاجەتتى رەسۋرستار دا جەتكىلىكتى ەكەنىن ايتا كەلە, ستاتيستيكا اگەنتتىگى بۇل رەتتە بازالىق ءمالى­مەتتەردىڭ بىركەلكى بولۋىن نازاردا ۇستاۋى قاجەت ەكەنىن جەتكىزدى. سونىمەن بىرگە ول اگەنتتىك وكىل­دەرىنىڭ ستاتيس­تيكالىق مالىمەتتىڭ بارىنشا ءدال جانە بىركەلكى بو­لۋىنا كۇش جۇمىلدىرعاندارى ابزال دەگەندى دە قاپەرگە سالا كەلىپ, ستاتيس­تيكالىق مالىمەت نەعۇرلىم ءدال بولسا, باسقارۋ شەشىمى دە سوعۇر­لىم تۋرا بولادى دەگەندى دە نازاردان تىس قالدىرمادى. وتىرىستا ۇكىمەت باسشىسى ستاتيستيكا اگەنتتىگىنىڭ ايماق­تارداعى وكىلدىكتەرىنىڭ جەرگىلىكتى اتقارۋشى ورگاندار تاراپى­نان قىسىم كورىپ وتىرعانىن , وسى تۇستا ولاردىڭ جەرگىلىكتى بيلىك تاراپىنان ءسوز ەستىگىسى كەل­مەيتىنىن ايتا كەلە, سوعان قا­راماستان اگەنتتىك وكىلدەرىنە وتە ءدال جانە تۋرا اقپارات بەرۋ­دىڭ ماڭىزدى ەكەنىن مىندەتتەدى. ويتكەنى ەلىمىزدىڭ قانداي دا ءبىر ايماعىندا, ماسەلەن, باعانىڭ ءوسۋ جاعدايلارى ورىن العان كەزدەردە ءبىز اتالعان ماسەلە بويىن­شا جەدەل شەشىم قابىلداي الۋى­مىز كەرەك, دەدى كارىم قا­جىمقان ۇلى. القا ءماجىلىسىنىڭ قورىتىن­دىسىندا ۇكىمەت باسشىسى مەن اگەنتتىك توراعاسى اراسىنداعى 2011 جىلى اگەنتتىكتىڭ الدىنا قويعان ماقساتتارى مەن مىندەتتەرىنە قول جەتكىزۋىنە باعىتتال­عان مەموراندۋمعا قول قويىلدى. ءابدىراحمان قىدىربەك.