بىزدە ىرگەتاسى مىقتى بىرلىك بار

ءار مەرەكەنىڭ ءوزىن­دىك ەرەكشەلىگى بار. ءبىز­دىڭ بالا كەزىمىز­دە 1 ما­مىر ەڭبەكشىلەر­دىڭ حالىقارالىق ىن­تى­ماقتاستىعى كۇنى رەتىن­­دە اتالىپ وتەتىن ەدى. بەيبىت شەرۋلەر وتكىزۋ ءداستۇرى قالىپ­تاسقان-تىن. ال ەلىمىز تاۋەل­سىزدىگىن العان سوڭ, مەيرامدار مەن ەلەۋلى داتالار جاڭا تۇرعىدا الىنىپ, ارنايى زاڭ قابىلداندى. ايتالىق, 2001 جىلعى 13 جەل­توقساندا قابىلدانعان «قازاقستان رەسپۋبليكاسىنداعى مەرەكەلەر تۋرالى» زاڭنىڭ 3-بابىندا مەملەكەتتىك مەرەكەلەر اتاپ كورسەتىلگەن. سونىڭ ىشىندە 1 مامىر – قازاقستان حالقىنىڭ ءبىر­لىگى كۇنى مەرەكەسى ەكەنى ناقتى جازۋلى تۇر. مەن مۇنى دوستىق پەن ىنتىماقتىڭ, بايلىق پەن بەرەكەنىڭ, ۇلتارالىق تاتۋلىق پەن قوعامدىق كەلىسىمنىڭ مەيرامى دەپ ەسەپتەيمىن. ويتكەنى, وسى ۇعىمنىڭ ءبارى ەلدىڭ بىرلىگىنەن تۋىندايدى. جالپى, ءار وتباسى ءۇشىن قازاق­ستان حالقىنىڭ بىرلىگى مەرەكەسىنىڭ ورنى بولەك. بۇل – جانىمىزعا شۋاق, بويىمىزعا قۋات سىيلايتىن, ءاربىر ازاماتتىڭ پاتريوتتىق سەزىمىن ارتتىراتىن مەيرام. بىرلىك كۇنى دەگەننىڭ ماعىناسىن قازىر تىپتەن تەرەڭىرەك ۇعىنا تۇستىك. ويتكەنى, ءبىز – 130-دان استام ۇلت پەن ۇلىستى ءبىرتۇتاس حالىققا اينالدىرا بىلگەن مەملەكەتتىڭ ازاماتتارىمىز. ەلباسىمىز ەل­دىڭ بىرلىگى بارلىق باستامانىڭ, جەتىستىكتەردىڭ, ەرەن ەڭبەكتەردىڭ ەڭ باستى نەگىزى, ىرگەتاسى ەكەنىن ۇنەمى اتاپ وتەدى. نەگىزىنەن ءبىر ۇلتتىڭ وكىلدەرى تۇراتىن ەلدەردە كوپ قيىندىق تۋا قويمايتىنى بەلگىلى. سول ەلدەگى حالىقتىڭ ءتىلى, سالت-ءداستۇرى, ءدىنى قالىپتاسقان جاعدايدا دامي بەرەدى. مىسالى, كورەيادا سولاي. ال بىزدە 130-دان استام ۇلت پەن ۇلىستىڭ وزىندىك سالت-ءداستۇرى, ءدىني كوزقاراستارى ءارتۇرلى, ءدىلى باسقا, ءتىپتى, ءومىردىڭ بولمىسىن قابىلداۋدا وزىندىك ەرەكشەلىكتەرى بار, نانىم-سەنىمدەرى ارقالاي, مىنەز-ق ۇلىقتارى دا ءبىر-بىرىنە ۇق­سامايدى. سونداي الۋان ءتۇرلى ۇلتتى ءبىر شاڭىراقتىڭ استىنا جيناپ, قازاق ەلىنىڭ ءبىرتۇتاس حالقىنا اينالدىرۋ وڭاي شارۋا ەمەس. بۇل – ۇلكەن ەڭبەكپەن, تەرەڭ زەردەلەنگەن يدەولوگيا­نىڭ نەگىزىندە قول جەت­كىزىلەتىن تابىس. قازاقستان پرەزيدەنتى ن.ءا.نازارباەۆ ۇسىن­عان «ماڭگىلىك ەل» يدەياسىنىڭ نەگىزگى ماق­ساتى – بولاشاعى ءبىرتۇتاس ەلدى قالىپ­تاستىرۋ. بىزدە بەيبىتشىلىك, كەلىسىم, بىرلىك بار, ءبىر وتباسىنداي تاتۋ ءومىر ءسۇرىپ جاتىرمىز. ەل تاريحى ءۇشىن ەلەۋلى بارلىق مەرەيتويلاردى, حالىقتىق جانە مەملەكەتتىك مەرەكەلەردى بىرگە اتاپ وتەمىز. سوندىقتان ءبىز ءۇشىن حالىق بىرلىگى كۇنى ەرەكشە مەيرام. مامىردىڭ جايماشۋاعىنداي جىلىلىق سىيلايتىن وسى مەرەكەنىڭ جۇرەككە قۋانىش قۇياتىن قاسيەتىن سەزىنە ءبىلۋىمىز قاجەت. قازىر جۇمىس ورنىمىزدا ءارتۇرلى ۇلت وكىلدەرى سىيلاستىقپەن بىرگە قىزمەت جاسايمىز. داستارقاندا بىرگە وتىرامىز. بالالارىمىزدى دا كەڭپەيىلدى, ۇلكەندى سىيلاۋعا, ادامدى قۇرمەتتەۋگە تاربيەلەپ كەلەمىز. ۇرپاعىمىز وركەنيەتتى ەلدە باقىتتى ءومىر سۇرگەنىن قالايمىز. بىرلىك, تاتۋلىق وزىنەن ءوزى كەلە قالمايدى. ەل تىنىشتىعىن ساقتاۋعا باعىتتالعان جۇمىستار اي سايىن, كۇن سايىن, ساعات سايىن توقتاۋسىز جۇرگىزىلە بەرۋى كەرەك. ول ءۇشىن بىزدە مىقتى قالانعان ىنتىماقتىڭ ىرگەتاسى بار. سول ىرگەتاسىمىزعا ەشقاشاندا سىزات تۇسپەسىن دەپ تىلەيمىز. تاۋەلسىز مەملەكەتىمىزدىڭ جار­قىن بولاشاعى جولىندا ءبىر­تۇتاس حالقىمىز ايانباي ەڭبەك ەتىپ, بىرلىگى ارقىلى جاسامپازدىعىن دالەلدەپ, شىن مانىندە 2050 جىلعا قاراي الەمنىڭ دامىعان 30 ەلىنىڭ قاتارىنا قوسىلۋىنا ىزگى تىلەگىمىزدى بىلدىرەمىز. ءبىزدىڭ ارمانىمىز دا, ماقساتىمىز دا – وسى! رومان كيم, پارلامەنت ءماجىلىسىنىڭ دەپۋتاتى, «قازاقستان كورەيلەرى قاۋىمداستىعى» رقب پرەزيدەنتى, قازاقستان حالقى اسسامبلەياسى كەڭەسىنىڭ مۇشەسى