ارمانىمىز اسقاقتاي بەرسىن

مەملەكەت باسشىسى نۇرسۇلتان نازارباەۆ قازاقستاننىڭ 2050 جىلعا دەيىنگى وركەندەپ دامۋ جولىن بەلگىلەپ, قۋاتتى ەل بولۋدىڭ ۇلت جوسپارىن بەكىتىپ بەرگەنى بارشاعا ايان. تاۋەلسىزدىكتىڭ 25 جىلىندا ەلىمىز تالاي اسۋلاردى باعىندىرىپ, تالاي بەلەستەردى ارتتا قالدىردى. ءسويتىپ, ماڭگىلىك ەل بولۋدىڭ جولىندا ۇلت بولىپ ۇيىسىپ, ىنتىماق پەن بىرلىگىمىزدىڭ ارقاسىندا الەۋەتى مىقتى مەملەكەت اتانۋعا باعىت الدىق. ەندىگى مۇراتىمىز دا, ارمان-تىلەگىمىز دە وسى. ەلباسىنىڭ ۆاشينگتوندا وتكەن يادرولىق قاۋىپسىزدىك ءجو­نىن­­دەگى IV سامميت اياسىندا ءدۇ­نيە­­جۇزى حالىقتارىنا جاسا­عان «الەم. ءححى عاسىر» اتتى ماني­فەسى قازاق­ستاندىق قوعام­دى بىرىكتىرەتىن فاك­تور رە­تىندە ءوز مەملەكەتىمىزدى تاري­حي-مادەني تۇرعىدان دامىتۋ­دى شوعىرلاندىرۋ يدەيالارىن جۇزەگە اسىرادى. ال بۇعان قازاق­ستان حالقى اسسامبلەياسى مەن قازاق­س­تان رەسپۋبليكاسى ۇلتتىق مۋ­زەيىنىڭ اتقارعان ىستەرى دالەل بولا الادى. ۇلتتىق مۋزەي ەلباسىنىڭ «قا­زاقستان حالقى اسسامب­لەيا­سى­نىڭ جانە قازاقستاننىڭ كوپ­ ۇلىستىعىنىڭ تاريحى» اتتى تاريحي-دەرەكتى كورمە زالىن جا­ساۋ باستاماسىن قولداي كەلە, مەم­لەكەتتىك حاتشى گۇلشارا ءابدى­قالىقوۆانىڭ 2015 جىلعى 26 قا­زانداعى وكىمىنە ساي قحا مۇشەلەرىمەن ءتيىستى تاقىرىپتاعى زال ەكسپوزيتسياسىنىڭ جوباسى جاساقتالدى. ۇلتتىق مۋزەي قازاقستان حالقى اسسامبلەياسىنىڭ حاتشى­لى­عىمەن بىرگە اعىمداعى جىل­دىڭ 16 قاڭتارى مەن 4 اقپانى ارالىعىندا قازاقستان حالقى اسسامبلەياسىنىڭ زالى ءۇشىن مۋزەي بۇيىمدارىن جيناۋ ماقساتىندا وبلىستاعى ايماقتىق ەتنومادەني بىرلەستىكتەردى ارالادى. اتاپ ايتساق, عىلىمي قىزمەتكەرلەر, ەكسپوزيتسيونەرلەر جانە قور ساق­تاۋشىلار 3 ەكسپەديتسيالىق توپ قۇرىپ, جۇمىس ىستەدى. 1-ەكسپەديتسيا شىعىس قازاق­ستان, الماتى, جامبىل, وڭتۇستىك قازاقستان جانە قىزىلوردا وبلىستارىنان 216 ەكسپونات جينادى. ولاردىڭ 74-ءى ەكسپوزيتسياعا قويىلدى. ال 2-ەكسپەديتسيا پاۆ­لودار, قوستاناي, قاراعاندى, اقمولا, سولتۇستىك قازاقستان وبلىستارىنان 339 ەكسپونات اكەلدى. ولاردىڭ 50-ءى ەكسپوزيتسياعا قو­يىلدى. 3-ەكسپەديتسيا باتىس قازاقستان, ماڭعىستاۋ, اتىراۋ جانە اقتوبە وبلىستارىندا جۇ­مىس جاساپ, 263 مۋزەي ەكسپونا­تىن جينادى. ولاردىڭ 75-ءى ەكس­پوزيتسياعا قويىلدى. جالپى ايت­قاندا, ءاربىر ايماق قحا بويىن­شا تاريحي-مادەني جوباعا ءوز ۇلە­سىن قوستى. بارلىعى 818 ەكسپو­نات جينالىپ, ولاردىڭ 191-ءى ەكس­پوزيتسياعا قويىلدى. ايماقتاردان الىنعان ەكسپو­زي­تسيالىق ماتەريالداردان بولەك: – مادەنيەت جانە سپورت مي­نيستر­لىگىنىڭ مۇراعاتتىق ءىس جانە قۇجاتتاما دەپارتامەنتى­نىڭ «قازاقستان رەسپۋبليكاسى ۇلتتىق مۇراعاتى»; – مادەنيەت جانە سپورت مي­نيستر­لىگىنىڭ مۇراعاتتىق ءىس جانە قۇجاتتاما دەپارتامەنتىنىڭ «ور­تا­­لىق مەملەكەتتىك مۇراعاتى»; – استانا قالاسىنىڭ مەملە­كەتتىك مۇراعاتى; – مادەنيەت جانە سپورت مي­نيستر­لىگىنىڭ مۇراعاتتىق ءىس جانە قۇجاتتاما دەپارتامەنتىنىڭ «ورتالىق مەملەكەتتىك كينو­فوتوقۇجاتتار مەن دىبىس جازبا­لار مۇراعاتى, رەسپۋبلي­كا­لىق «كازاحستانسكايا پراۆدا» گازەتى» اق ۇسىنعان مۇراعاتتىق قۇ­جات­تار دا پايدالانىلدى. بۇگىنگى تاڭدا ۇلتتىق مۋزەي قالا تۇرعىندارى مەن قوناق­تا­رىنا ەلىمىزدىڭ باستى جەتىس­تىكتەرىن, ونىڭ تاريحىنداعى ەڭ ماڭىزدى كەزەڭدەرىن ناسيحاتتاۋمەن كەلەدى. دالامىز قان­شالىقتى كەڭ بولسا, وتكەنىمىز دە تاريح پاراعىندا قاتپار-قاتپار بولىپ ساقتالعان. ءوز تاريحىمىزدى تاني بىلمەسەك, زەرتتەمەسەك بۇگىنىمىز دە, بولاشاعىمىز دا ب ۇلىڭعىر بولارى ءسوزسىز. سوندىقتان دا ۇكىمەت وسى ىسكە ايرىقشا كوڭىل ءبولىپ, قولداپ وتىر. بۇل – قۋانارلىق جايت. ەندىگى كەزەكتە قحا زالىن ودان ءارى جانداندىرا ءتۇسۋ ءۇشىن جۇمىس ىستەيتىن بولامىز. قالاي دەسەك تە, ەلباسىنىڭ توراعالىعىمەن وتكەن قحا-نىڭ ءححىV سەسسياسىندا قابىلدانعان «ماڭگىلىك ەل – پاتريوتتىق اكتىسىندە» اتاپ كورسەتىلگەندەي, «حالىق ءومىرى ونىڭ ۇرپاعىمەن جالعاسىپ وتىرادى. سوندىقتان حالىقتىڭ ماڭگىلىگى تۋرالى ارماننان اسقاق ارمان جوق». ءبىرتۇتاس ەلىمىز – ماڭگىلىك ەل قۋاتتى بولسىن! ال وسى ورايدا ايتارىم, قازاقستانداعى ۇلتارالىق جانە دىنارالىق تاتۋلىقتى ساقتاي وتىرىپ, سول جولدا ەڭبەك ەتۋ – مەملەكەتىمىزدىڭ كوزى اشىق, كوكىرەگى وياۋ ءار ازاماتىنىڭ باستى مىندەتى. سەبەبى, تۇراقتىلىق سالتانات قۇرعان جەردە اتقارىلعان شارۋالاردىڭ ناتيجەسى جوعارى بولادى. تيىسىنشە, ونىڭ بەرەر جەمىسى دە وراساندىعىمەن ەرەك­شەلەنەدى. ال الەمدەگى سوڭ­عى وقيعالارعا قاراساق, ۇلت­ارا­لىق قاقتىعىستار, قارا­ما-قايشىلىقتار, ساياسي كۇرەستەر شارىقتاۋ شەگىنە جەتىپ وتىر. جازىقسىز جاپا شەگىپ جات­قان­داردا دا ەسەپ جوق. ولاردىڭ وبالى كىمگە؟! كەزىندە مەملەكەت باسشىسى: «ءبىزدىڭ ساياساتىمىزدىڭ ەڭ باستى وزەگى بارلىق ۇلتتار مەن ۇلىستار وكىلدەرىنىڭ ورتاق قۇن­دىلىقتارىن تاۋىپ, ولاردىڭ بىرىگە وتىرىپ, دەربەس دامۋى­نا قاجەتتى العىشارتتاردى انىق­تاي بىلۋىمىزدە بولدى», دەپ اتاپ كورسەتكەن ەدى. سوندىقتان دا اتا-بابا­لارىمىز ارمانداپ وتكەن ماڭگىلىك ەلگە جەتۋىمىزدىڭ داڭعىل جولى وسى بىرەگەيلىك پەن بىرلىكتە, ياعني تاتۋلىق پەن تۇسىنىستىكتە جاتىر. ال ماڭگىلىك ەل يدەياسى قازاقستاندى جاھاندىق سىن-قاتەرلەردەن امان الىپ شىعادى دەپ سەنەمىز. جازيرا كۇلباەۆا, قازاقستان رەسپۋبليكاسى ۇلتتىق مۋزەيى ديرەكتورىنىڭ ءبىرىنشى ورىنباسارى