ءۇش ءتىلدى تەل ەمگەن

جەرلەس جازۋشىعا ارناپ مۇراجاي اشىلدى قازاق جۇرتشىلىعىنا جازۋشى, پۋبليتسيست, اۋدارماشى گەرولد بەلگەردى تانىستىرۋ ار­تىق بولار. كوزى تىرىسىندە ءۇل­كەن دە, كىشى دە «گەر-اعا» اتاپ كەتكەن قوعام قايراتكەرىنىڭ انا تىلىمىزگە قاتىستى تەرەڭ­نەن قوزعاعان تول­عامدى ويلارى جۇرت­­­شىلىقتىڭ قىزۋ ۇنقا­تى­­­سۋلارىنا ۇلاسىپ, تالاي رەت قو­عام­دىق پىكىرلەر تۋدىرعان. سول­­­تۇس­­­تىك­قازاقستاندىقتار ونى ءار­­كەز ماقتان تۇتادى. سو­نىڭ ءبىر ايعاعى پەتروپاۆل گۋ­ما­نيتارلىق-تەحنيكالىق كول­لەدجىندە وعان ار­نالعان  مۇرا­جايدىڭ بوي كوتەرۋى دەر ەدىك. ونىڭ اشىلۋ سالتاناتىنا وبلىس باسشىسى ەرىك سۇلتانوۆ قا­تىسىپ, ءۇش بىردەي ادەبيەتتىڭ دامۋى­نا زور ۇلەس قوسقان گەر-اعا جايلى جۇرەكجاردى لەبىزىن ءبىل­دىردى. ءوز سوزىندە  گەرولد كار­لو­ۆيچپەن ىسقاق ىبىراەۆ اۋىلىنداعى قازاق مەكتەبىندە بىرگە وقىعانىن, كوپ ءتالىم-تاربيە العانىن, جوعارعى كەڭەس دەپۋتاتى بولىپ جۇرگەندە ىنتىماقتاسا قىزمەت اتقارعانىن, مۋزەيدىڭ اشى­لۋى بيىل كەڭىنەن اتاپ ءوتى­لەتىن وبلىستىڭ 80 جىلدى­عى قار­ساڭىنداعى ايشىقتى مادەني وقيعا ەكەنىن اتاپ ءوتتى.  اباي جىر­­لارىن گەتە تىلىندە جىرلاتۋ ارقىلى ۇلتىمىزدى وزگەلەرگە تانىتۋدا دا ولشەۋسىز ەڭبەك ءسى­ڭىرگەنى دە تىلگە تيەك ەتىلدى. كوللەدج ديرەكتورى الەك­ساندر مەركتىڭ  باستا­ما­سى­مەن قۇ­رىلعان مۇراجايعا جۇزگە جۋىق قۇندى ەكسپونات قو­يىل­عان. ولاردىڭ اراسىندا جا­زۋشىنىڭ جەكە تۇ­تىنعان زاتتارى, جارى مەن قىزى تابىستاعان ءجا­دىگەرلەر ەرەكشە ىستىق. توعىز تاقىرىپتىق بولىمنەن تۇراتىن مۇراجايدا شى­عارماشىلىعى مەن ءومىرى جايلى الۋان سىر شەرتەتىن اق­پاراتتار دا توپ­تاستىرىلعان. اكەسى كارل كوپ جىل اۋىلدىق فەل­دشەر بول­عان. سۋرەت ءتۇسىرۋ ءىسى­مەن دە اي­نالىسقان.  ومىر ەسقالي, «ەگەمەن قازاقستان» سولتۇستىك قازاقستان وبلىسى