National Geographic

 تىلشىسى قازاقستاندى جاياۋ شارلاپ وتەدى پۋليتتسەر سىيلىعىنىڭ ەكى مارتە يەگەرى, دۇنيە-­جۇزىنىڭ 30-دان استام تىلىندە جارىق كورەتىن اقش-تىڭ National Geographic Magazine باسىلىمىنىڭ ءتىلشىسى, جازۋشى, جيھانگەر پول سالوپەك قازاقستانعا جاياۋ كەلدى. ول الدىنا ماقسات ەتىپ قويعان ۇزاق ساياحاتىنا 2013 جىلى شىققان. ءوز جوس­پارى بويىنشا 7 جىل ىشىندە 35 مىڭ شاقىرىم قاشىقتىقتى ءجۇرىپ ءوتىپ, ادامزاتتىڭ 60 مىڭ جىل­دىق كوشى-قون تاريحىن قاي­تالاماققا بەكىنىپتى. بۇل ساياحاتىن ايگىلى جۋرناليست «جۇماقتان سەرۋەندەپ شى­عۋ» دەپ اتاعان ەكەن. جەر-جاھاندى بەتكە العان ساياحاتشىنىڭ ساپارى افريكا قۇرلىعىنداعى ەفيوپيا ەلىنەن باستالعان. مىنە, اراعا بىرنەشە جىل سالىپ, قازاقستانعا دا جەتكەن. پول سالوپەك ەلىمىزدە ەكى ايداي بولۋدى جوسپارلاپ وتىر. ءوزى قىزمەت ەتەتىن جۋرنالعا قازاقستاننىڭ تاريحى مەن سۇلۋ تابيعاتى جايلى ماقالالار جاريا­لاماق. ساياحات بارىسىندا حالىقتىڭ تۇرمىس-ءتىر­شىلىگىمەن جا­قىنىراق تانىسۋ ءۇشىن قا­را­پايىم تۇر­عىنداردىڭ ءۇي­لەرىنە قو­نىپ, ولارمەن سىرلاسپاق. قالالار مەن اۋىلداردى, ءشولدى ايماقتاردى, سوزىلىپ جاتقان تاۋ-تاس, بەلەستەردى كەسىپ ءوتىپ, قازاق­تىڭ دالاسى, ونداعى جانۋارلار دۇنيەسى جانە وزگە دە تابيعي بايلىعىنا دا كوز سالا ءجۇ­رۋدى مادەني ساپارىنىڭ اياسىنداعى مىندەتتەرىمەن ورايلاستىرسا كەرەك. ايتا كەتەيىك, ايگىلى باسى­لىمنىڭ ءجۋرناليسى ساپا­رىنىڭ ءاربىر 1160 شاقى­رىمىن باسىپ وتكەن سوڭ, ەستىگەن-بىلگەندەرىن, كورگەن-تۇيگەندەرىن قاعازعا ءتۇسىرىپ, ايالداعان جەرلەرىنە بەلگى رەتىندە «جول تاسىن» قويىپ وتىرۋدى ادەتكە اينالدىرىپ كەلەدى ەكەن. ايان ءابدۋالي, «ەگەمەن قازاقستان»