اقتوبەدە افريكا تۇيەقۇسى وسىرىلەدى

ءاليا اۋىلىنىڭ تۇرعىنى سايلاۋ ما­تاەۆ كوپشىلىككە تاڭسىق, بۇرىن-سوڭدى وڭىردە بولماعان تۇيەقۇستى وبلىسقا ءبى­رىنشى بولىپ اكەلمەك. – تۇيەقۇستىڭ بالاپاندارىن رەسەيدىڭ سامارا قالا­سىنان الۋدى جوسپارلاپ وتىرمىز. سامارامەن ينتەرنەت ارقى­لى بايلانىسقا شىعۋىما اقتوبە قالاسىنداعى جيەنىم كومەكتەستى. بيىل مامىر ايىنىڭ سوڭىندا تۇيەقۇستىڭ ءبىر ايلىق بالاپاندارىن اۋىلعا الىپ كەلەمىز, – دەيدى ول. ونىڭ ايتۋىنشا, تۇيەقۇس كۇتىمدى, قامقورلىقتى ونشا قاجەت ەتپەيدى, اشىق الاڭقايدا, تابيعات اياسىندا جۇرە بەرەدى. اۋا رايى جاۋىن-شاشىندى, سۋىق بولعان كۇندەرى جىلى جەردە تۇرعاندى ۇناتادى. سوندىقتان, كاسىپكەر بيىل جازدا اۋلاسىنا تۇيەقۇس تۇراتىن قورا سالۋدى كوزدەپ وتىر. سايلاۋ ماتاەۆ بيىل «جۇمىسپەن قامتۋ-2020» مەملەكەتتىك باعدارلاماسى ارقىلى تۇيەقۇس ءوسىرۋ ءۇشىن 1 ملن. 700 مىڭ تەڭگە كولەمىندە نەسيە العان. – ازىرگە 20 بالاپان الۋدى جوسپارلاپ وتىرمىز. سەبەبى, سامارالىق فەرمەرلەردىڭ ايتۋىنشا, تۇيەقۇستىڭ بالاپانىن ەركەك-ۇرعاشىسىن كىشكەنتايىندا اجىراتۋ مۇمكىن ەمەس. وسە كەلە, ياعني 6-8 ايلىعىندا عانا ولاردى اجىراتۋعا بولادى. سوندىقتان, بالاپاندى نەعۇرلىم كوبىرەك الۋ كەرەك, – دەيدى ول. تۇيەقۇس جوڭىشقانىڭ تارتىلعان ءتۇرىن ءسۇيسىنىپ جەيدى. بۇل قۇسقا ارپا, بيدايدى دا ۋاتىپ بەرۋ كەرەك. سول ءۇشىن سايلاۋ ەرتە كوكتەمدە جوڭىشقانىڭ تۇقىمدىق ءدانىن اۋلاعا سەۋىپ تاستاعاندى ءجون كورىپتى. سىرت كەلبەتى سۇستى بولىپ كورىنەتىن بۇل قۇستىڭ ابدەن تولىسىپ-جەتىلگەن شا­عىندا بيىكتىگى 1 مەتر 70 سانتيمەترگە جەتەدى. جۇمىرتقاسىنىڭ سالماعى ورتاشا ەسەپپەن – 1-1,5 كيلو. ءبىر ايلىق بالاپانى 10-12 كيلوعا جەتەدى. تۇيەقۇس 1,5 جاسىندا جۇمىرتقالاي باستايدى. ازىرگە تۇيەقۇستى ءوسىرىپ, سانىن كوبەي­تۋدى عانا ماقسات ەتىپ وتىرعان سايلاۋ بۇل قۇس­­تىڭ پايداسى شاش ەتەكتەن ەكەنىن ايتادى. ارايلىم نۇرباەۆا, جۋرناليست اقتوبە وبلىسى, قوبدا اۋدانى