قازاقستاندىق اسپازشىلار

اقش-تا وتكەن ۇلتتىق تاعامدار فەستيۆالىنە قاتىستى اقش-تىڭ نيۋ-يورك قالا­سىندا ۇلتتىق تاعامدار فەستيۆالى ۇيىمداستىرىلىپ, شاراعا ەلىمىز­دىڭ بارماعىنان بال تامعان اسپازشىلارى قاتىسىپ قايتتى. ولار فەستيۆالدا قازاقتىڭ ءدامدى ءارى قۇنارلى الۋان ءتۇرلى ۇلتتىق تاعام­دارىن دايىنداعان. قازى-قارتا مەن جال-جايا اسقان. سونداي-اق, باۋىرساق ءپىسىرىپ, شەتەلدىكتەرگە ۇسىنعان. ءتىپتى, ولار قازان-قازان قۋىرداق تا جاساپتى. دەگەنمەن, اسپازدارمىزدىڭ بۇل ساپارى سىناققا تولى بولعانعا ۇقسايدى. – اقش پەن قازاقستانداعى ازىق-ت ۇلىك پەن كوكونىستەردىڭ اراسىن­دا ايىرماشىلىق جەتەرلىك ەكەن. تۇزى تاتىمسىز, قانتى ءدامدى, بۇرىشى اششى ەمەس. ال ەت پەن بالىقتان شوپتەردىڭ ءدامى شىعادى. بىزدە ەتتىڭ دە, بالىقتىڭ دا ءدامى باسقاشا. ءبىز ءۇشىن باستىسى ۇن بولدى. بۇل جاقتىڭ ۇنى دا بولەك. قينالعانىمىزدى بىلسەڭىزدەر! اقىرىندا ۇننىڭ بىرنەشە ءتۇرىن الىپ باۋىرساق پەن شەلپەك, ەتتىڭ قامىرىن يلەپ كوردىك. تىرىسىپ باقتىق, – دەيدى سىرتقى ىستەر مينيسترلىگىنىڭ باس اسپازى ەلمۇرات ىسقاقوۆ. اسپازشىلارىمىز بايقاۋدا 8 ءتۇرلى ىستىق, 12 سالقىن تاماق, سالاتتىڭ 4 ءتۇرىن ازىرلەگەن. سو­نىمەن قاتار, سىرنە, ىستالعان قوزى­نىڭ ەتى, بەكىرە دايىنداپ, قا­زاقتىڭ قوناقجايلىلىعىن, ۇلت­تىق تاعامدارعا باي ەكەنىن كور­سەتكەن. ايتپاقشى, ولار قۇرت, جەنت, ىرىمشىك سەكىلدى ءسۇت ءونىم­دەرىن دە كوپشىلىككە ۇسىنۋدى ۇمىت قالدىرماپتى. ءبىر قىزىعى, شەت­ەلدىكتەر قازاقستاندىقتاردىڭ قولىمەن ازىرلەنگەن تاعامدارىنا ءسۇيسىنىپ, 2017 جىلى ەلىمىزدە وتەتىن ەكسپو كورمەسىنە كەلىپ, قازاقستاندى كوزىمەن كورەتىندەرىن جاسىرماپتى. تالعات رايىمبەك, «ەگەمەن قازاقستان»