ەSCAP-تىڭ الماتىداعى باسقوسۋى

ءال-فارابي اتىنداعى قازۇۋ-ءدىڭ «عىلىمي كىتاپحاناسىندا» قازاقستان رەسپۋبليكاسى تۇڭعىش پرەزيدەنتى – ەلباسىنىڭ قورى مەن ءال-فارابي اتىنداعى قازاق ۇلتتىق ۋنيۆەرسيتەتىنىڭ قولداۋىمەن بۇۇ-نىڭ ازيا جانە تىنىق مۇحيت ايماعىنداعى ەكونوميكالىق جانە الەۋمەتتىك كەڭەسىنىڭ (ەSCAP): «ازيا جانە تىنىق مۇحيت ايماقتارىندا ەكونوميكالىق جانە الەۋمەتتىك زەرتتەۋدى ىسكە قوسۋ: 2016 جىل»  اتتى دوڭگەلەك ۇستەل ءوتتى. ەكونوميكالىق تۇرعىدان ما­ڭىزدى بۇل ءىس-شارا, تەك ءبىزدىڭ ەلىمىزدە عانا ەمەس, بۇعان دەيىن ازيا­نىڭ بىرقاتار ەلدەرىندە وتكىزىل­گەنىن اتاپ وتۋگە ءتيىستىمىز. ەSCAP بۇۇ-نىڭ الەمدىك ايماق­تار­داعى ەكونوميكالىق جانە الەۋ­مەت­تىك سالانى قامتيتىن بەس ۇيى­مىنىڭ ءبىرى سانالادى.  شتاب-پاتەرلەرى بانگكوكتا (تايلاند) ورنالاسقان. جيىن بارىسىندا, قازاقستان رەسپۋبليكاسى تۇڭعىش پرەزيدەنتى – ەلباسى قورىنىڭ اتقارۋشى ديرەك­تورى الماتى بولىمشەسىنىڭ ورىن­باسارى سەرگەي توكتاروۆ,  بىرىككەن ۇلتتار ۇيىمىنىڭ جالپى جانە ەSCAP-تىڭ حاتشىسى شاح­ماد اكتار ارنايى دايىن­دالعان بەينەماتەريالدار الەم جانە ازيا ايماعىنداعى ەلدەر­دىڭ بۇگىنگى ەكونوميكالىق حال-احۋا­لى تۋرالى باياندادى. ءسولتۇس­تىك جانە ورتالىق ازيا ايماعىن­داعى ەSCAP بيۋروسىنىڭ كەڭەس­ش­ىسى نيكولاي پوموششنيكوۆ, قازاق­ستان رەسپۋبليكاسى سىرتقى ىستەر مينيسترلىگىنىڭ الما­تى قالاسىنداعى وكىلى ديدار ءجا­كەنوۆ, الماتى قالاسى اكىمدىگىنىڭ «ال­ماتى قالاسىن دامىتۋ ورتا­لىعى» اق-تىڭ ۆيتسە-توراعاسى ايدوس جەكسەنباي, قازاقستان رەس­پۋب­ليكاسىنىڭ ۇلتتىق بانكى زەرتتەۋ جانە ستاتيستيكا دەپارتامەنتىنىڭ ديرەكتورى ۆيتالي تۋتۋشكين  بايانداما جاساپ, ەسەپ بەردى. قازىرگى قازاقستان ەكونو­مي­كاسىنىڭ قارىشتى العا باسۋىنا الەمدىك داعدارىس كەرى اسەرىن تيگىز­بەي جاتقان جوق. وسى تۋرالى ورتاق پىكىرلەر نازارعا ۇسى­نىلدى. كورشىلەس قىتاي جانە رەسەي مەملەكەتتەرىمەن ەكونو­مي­كالىق بايلانىستاردىڭ كوكجيە­گىنە شولۋ جاسالدى. سونىمەن قاتار, ازيا ەلدەرىنىڭ مادەني جانە ەكونوميكالىق تىعىز بايلا­نىستا بولۋى قانداي دا ءبىر قيىن­شى­لىقتاردى جويۋعا مۇمكىندىك بەرەتىندىگى تۋرالى دا كەلەلى ويلار ورتاعا سالىندى. قىمبات تويلىباي, جۋرناليست