پەتروپاۆلدا «حالىق ماركاسى» جوباسى تانىستىرىلدى

پەتروپاۆل. 3 مامىر. سولتۇستىك قازاقستان وبلىسىندا جەرگىلىكتى كاسىپكەرلەرگە «حالىق ماركاسى» جوباسى تانىستىرىلدى. بۇل تۋرالى تۋريزم جانە كاسىپكەرلىك باسقاراماسىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. استانا قالاسىنان ارنايى كەلگەن «حالىق ماركاسى» جوباسىنىڭ اۆتورى ريمما تاجىباەۆا جەرگىلىكتى كاسىپكەرلەرمەن كەزدەسىپ, وتاندىق تاۋار وندىرۋشىلەردى قولداۋ ماقساتىندا ۇيىمداستىرىلاتىن جارمەڭكە-كورمەنىڭ وتكىزىلۋ بارىسىنا كەڭىنەن توقتالدى. جوبانىڭ باستى ماقساتى – وتاندىق تاۋار وندىرۋشىلەردى قولداۋ جانە ءوز ءونىمىمىزدىڭ باسەكەگە قابىلەتتىلىگىن ارتتىرۋ. ريمما تاجىباەۆانىڭ ايتۋىنشا, ۇستىمىزدەگى جىلدىڭ 6 شىلدەسى كۇنى استانا قالاسىندا مەملەكەت باسشىسىنىڭ قاتىسۋىمەن جارمەڭكە-كورمە وتەدى. وتاندىق كاسىپكەرلەردىڭ فارماتسەۆتيكا, تۇرمىستىق زاتتار مەن تۋريزم, ازىق-ت ۇلىك, قولونەر بۇيىمدارى بويىنشا 7 سەكتسيادا ءوز ونىمدەرىن جۇرتشىلىق نازارىنا ۇسىنۋعا مۇمكىندىكتەرى بار. قاتىسۋعا نيەتتى كومپانيالار «حالىق ماركاسى» بەلگىسىن الۋى ءتيىس. جارمەڭكە-كورمەدە ساتىلاتىن ونىمدەر قازاقستاندىق تۇتىنۋشىلارعا قولجەتىمدى بولماق. كورمە ءبىر جىل بويى وتەدى. سولتۇستىكقازاقستاندىق كاسىپكەرلەردى كورمەگە شاقىرا كەلگەن جوبا اۆتورى بۇگىنگى تاڭدا ءبىزدىڭ وڭىردەن 50 كومپانيا بۇل شاراعا ىنتا بىلدىرگەنىن, نەگىزىنەن, جەڭىل ونەركاسىپ پەن ازىق-ت ۇلىك ونىمدەرىن وندىرەتىن, جيھاز جاساۋمەن اينالىساتىن كومپانيالار تاراپىنان قىزىعۋشىلىق باسىم ەكەنىن جەتكىزدى. ءومىر ەسقالي. دەرەك: سولتۇستىك قازاقستان وبلىسى تۋريزم جانە كاسىپكەرلىك باسقارماسىنىڭ ءباسپاسوز قىزمەتى. فوتو: etoday.kz.