تەاترلار ماسەلەسى ارنايى تالقىلانادى

تەاتردىڭ قۇرىلىمدىق جانە ونىڭ شىعارماشىلىق ەرەكشەلىكتەرىنە قاتىستى ماسەلە جەكە قارالادى. ءما­جىلىستىڭ الەۋمەتتىك-مادەني دامۋ كوميتەتىندە قۇرىلعان جۇمىس توبىنىڭ مۇشەلەرى وسىنداي شەشىمگە كەلدى. ايتا كەتۋ كەرەك, جۇمىس توبىنىڭ وتىرىسىندا «قازاق­ستان رەسپۋبليكاسىنىڭ كەيبىر زاڭنامالىق اكتىلەرىنە مادەنيەت ءما­سەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى تالقىعا سالىن­دى. اتالعان زاڭ جوباسى بو­يىنشا «مادەنيەت تۋرالى» قول­دانىستاعى زاڭنىڭ «تەاترلار» دەپ اتالاتىن 22-بابىنا وزگەرىستەر ەنگىزۋ كوزدەلگەن بولاتىن. دەپۋتاتتار زاڭ جوباسى بو­يىنشا ازىرلەنگەن سالىستىر­ما كەستەدەگى ساۋىتبەك ابدراحمانوۆ, مايرا ايسينا, گۇلميرا ءيسىم­باەۆا, بەكبولات تىلەۋحان, فاح­ريد­دين قاراتاەۆ ۇسىنعان تۇزە­تۋلەردى قارادى. بەكبولات ءتى­لەۋ­حان جەتەكشىلىك ەتكەن جۇمىس تو­بىنىڭ وتىرىسىندا نۇرتاي سا­بيليانوۆ, نۇرلان دۋلاتبەكوۆ, كارىباي مۇسىرمان, مايرا ايسينا جانە باسقا دا دەپۋتاتتار ءوز پىكىرلەرىن ءبىلدىردى. وتىرىستا مەملەكەتتىك تاپسىرىسپەن شىعارىلاتىن كىتاپتاردى ەلىمىزدەگى كىتاپ­حانا­لارعا تابىس ەتۋ ماسەلەسى دە تالقىعا سالىن­دى. جۇمىس توبىنىڭ مۇشەلەرى بۇل ماسەلە ءالى دە زەرتتەي ءتۇسۋدى قاجەت ەتەدى دەگەن توقتامعا كەلدى. سونداي-اق, «قازاقستان تەاتر قايراتكەرلەرى وداعى» رقب توراعاسى تۇڭعىشباي جا­مان­قۇلوۆ قازاقستان جازۋشىلار, كومپوزيتورلار, سۋرەت­شى­لەر سياقتى شىعارما­شىلىق وداق­تاردى ۇكىمەتتىك ەمەس ۇيىمداردىڭ قاتارىنا قوس­پاۋ كەرەكتىگىن ايتتى. دەپۋتاتتار تەاترلاردىڭ بۇگىنگى وزەكتى ماسەلەلەرىن ەسكەرە كەلىپ, قولدانىستاعى زاڭعا جاڭا تۇزە­تۋلەر ەنگىزەدى دەگەن سەنىمىن جەت­كىزدى. جۇمىس توبىنىڭ كەلەسى وتىرىسىندا تەاترعا قاتىستى ماسەلە تاعى دا تالقىعا سانىلاتىن بولدى.  «ەگەمەن-اقپارات»