ەلىمىزدە ەڭبەك قورعالادى

تاياۋدا استاناداعى «كور­مە» ورتالىعىندا دەن­ساۋ­لىق ساقتاۋ جانە الەۋمەتتىك دامۋ مينيسترلىگىنىڭ قولداۋىمەن دۇنيەجۇزىلىك ەڭبەكتى قورعاۋ كۇنىنە وراي VI قازاقستاندىق حالىقارالىق كونفەرەنتسياسى ءوتىپ, ەڭبەكتى قورعاۋ جانە ءوندىرىس قاۋىپسىزدىگى جونىندەگى «KIOSH-2016» كورمەسى اشىلدى. كونفەرەنتسيا بارىسىندا دەنساۋلىق ساقتاۋ جانە الەۋمەتتىك دامۋ ءمينيسترى تامارا دۇيسەنوۆا ەلدەگى جۇمىس ورىندارىندا قاۋىپ­سىز ءارى دەنساۋلىققا زيانى جوق ەڭبەك جاعدايلارىن جاساۋ­عا ايرىقشا ءمان بەرى­لىپ وتىرعانىن اتاپ ءوتتى. «رەسمي دەرەكتەرگە سۇيەن­سەك, 2015 جىلى تەكسەرۋدەن وتكەن 1,6 ملن. ءوندىرىس جۇمىس­شىلارىنىڭ 367 مىڭى, ياعني ءار­بىر ءتورتىنشى ازامات قاۋىپتى ءارى زياندى ەڭبەك جاعداي­لارىندا جۇمىس ىستەگەن. وتكەن جىلدىڭ ناتيجەلەرى بويىنشا 675 مىڭ ادام زياند­ى ەڭبەك جاعدايلارىندا جۇمىس ىستەگەنى ءۇشىن قوسىمشا دەمالىس, ۇستەماقىلار, قىسقارتىلعان جۇمىس كۇنى جانە ت.ب. تۇرىندەگى وتەماقى الدى. اتالعان ماقساتقا جۇمىس بەرۋشىلەر 103 ملرد. تەڭگە كولەمىندە قارجى بولگەن. بۇل 2014 جىلمەن سالىستىرعاندا 7 پايىزعا ۇلعايعان», – دەدى تامارا دۇيسەنوۆا. سونداي-اق, مينيستر وتكەن جىلى ەلىمىزدىڭ ءوندىرىس ورىندارىندا ەڭبەكتى قورعاۋ مەن ونىڭ قاۋىپسىزدىگىن باسقارۋدىڭ زاماناۋي جۇيەسىن قۇرۋعا باعىتتالعان جاڭا ەڭبەك كودەكسى ازىرلەنىپ, 2016 جىلعى 1 قاڭتاردان باستاپ كۇشىنە ەنگەنىن ەسكە سالدى. ول سونىمەن قاتار, قازاق­ستاندا ەىدۇ جانە حا­لىق­ارالىق ەڭبەك ۇيىمىنىڭ قاۋىپسىزدىك ستاندارتتارىنا ساي كاسىبي قاۋىپ-قاتەرلەردى باس­قارۋ تەتىكتەرى كەزەڭ-كە­زەڭىمەن ەنگىزىلەتىنىن اتاپ ايت­تى. مينيستر 2030 جىلعا قاراي وندىرىستىك جاراقاتتانۋ مەن كاسىبي سىرقاتتانۋ كورسەت­كىشتەرى ايتارلىقتاي ازايىپ, الەمنىڭ دامىعان ەلدەرىندەگى وزىق دەڭگەيگە جەتەتىن ۇمىتتە ەكەندىگىن دە جاسىرمادى.