كۇي كەشى

كۇيشى, حالىقارالىق جانە رەسپۋبليكالىق بايقاۋلاردىڭ لاۋرەاتى ايتولقىن توقتاعاننىڭ ۇلتتىق مۋزەيدە وتكەن «بۇلبۇل» لەكتسيا-كونتسەرتى دينا نۇرپەيىسوۆانىڭ 155 جىلدىق مەرەيتويىنا ارنالدى. كۇي اناسى دينانىڭ مەرەيتويى قۇرمەتىنە وراي وتكىزىلگەن شارادا ءسوز سويلەگەن ۇلتتىق مۋ­زەيدىڭ ديرەكتورى دارحان مىڭ­باي قۇدىرەتتى كۇي ونەرىنىڭ كەيىنگى جاس بۋىنى اراسىندا وزىندىك قولتاڭباسىمەن تانىلعان ايتولقىن توقتاعاننىڭ شىعار­ماشىلىق جولىنا ساتتىلىك تىلەي كەلىپ: «دينا – كەشەگى حالىق ساز­­گەرلەرىنىڭ شىعارمالارىن بىزگە دەيىن جەتكىزگەن شەبەر ورىن­داۋشى, قۇرمانعازىنىڭ شاكىرتى, قازاقتىڭ كۇيشىلىك ونە­رىنە وشپەس ءىز قالدىرعان تۇلعا. 8-9 جاسىنان باستاپ ورىندالۋى قيىن كۇيلەردى مەڭگەرىپ العان دەسەك, مىنەكي, ءبىزدىڭ ونەر جولىن­دا جۇرگەن تالانتتى اي­تولقىنداي جاستارىمىز دا وسى انامىزدان قالعان اسىل مۇرانى جالعاستىرۋشىلار. سوندىق­تان دا, جاس ونەرپازداردىڭ شى­عار­­ماشىلىق شابىتىنىڭ شارىقتاي بەرۋىنە تىلەكتەسپىن», – دەدى. مەرەكەلىك شارا بارىسىندا ايتولقىن توقتاعان دينا نۇر­­پەيىسوۆانىڭ «كوگەنتۇپ», «جاڭا بوزشولاق», «ون التىنشى جىل», «بۇلبۇل», ت.ب. كۇي­لەرىن بايىرعى ۇلگىسىمەن, بابىنا كەلتىرە ورىندادى. ءار كۇي­دىڭ شىعۋ تاريحى مەن تارتىلۋ ەرەكشەلىگى جايىنداعى تۇشىمدى اڭگىمەلەر كەش مازمۇنىن ارتتىردى. سونىمەن قاتار, ونەرسۇيەر قا­ۋىم قۇرمانعازى, تاتتىمبەت, ءداۋ­­لەتكەرەي, بايجىگىت, سۇگىر, سەي­تەك سىندى بەلگىلى حالىق كوم­پو­زي­تورلارىنىڭ تۋىندىلارىنا قانىقتى. كۇي كەشىن قازاقستان رەس­پۋبليكاسى تۇڭعىش پرە­زيدەنتى قورى سىيلىعىنىڭ لاۋرەاتى, ءداستۇرلى ءانشى ەرلان رىسقالي اسەم انىمەن اسپەتتەدى. شارا نەگىزىنەن ۇلتتىق مۋزەي جانىنان قۇرىلعان «حالىق قازىناسى» عىلىمي-زەرتتەۋ ينستيتۋتىنىڭ قازاق حالقىنىڭ ءداستۇرلى مۋ­زى­كالىق ونەرىن جاڭعىرتۋ مەن ناسيحاتتاۋعا ارنالعان «ءداستۇرلى مۋزىكالىق مۇرا» باعدارلاماسى اياسىندا ۇيىمداستىرىلعانىن اتاپ وتكەن ءجون.  «ەگەمەن-اقپارات»