راديو – كوڭىل كۇي بارومەترى

كەشە استاناداعى ۇلتتىق اكادەميالىق كىتاپحانادا قازاق راديوسىنىڭ 95 جىلدىعى مەن «شالقار» راديوسىنىڭ 50 جىلدىعىنا ارنالعان سالتاناتتى شارا ءوتتى. شاراعا قوعام قايراتكەرلەرى, زيالى قاۋىم وكىلدەرى, اقىن-جازۋشىلار, راديو ارداگەرلەرى قاتىسىپ, بەينەتاسپا ارقىلى راديو تاريحىنىڭ وتكەنى مەن بۇگىنىن وي ەلەگىنەن وتكىزدى. باسقوسۋدا قازاق راديوسى مەن «شالقار» راديوسىنىڭ قوعامداعى ورنى, مادەنيەت پەن ونەردى دامىتۋداعى ءرولى تۋرا­لى تۇشىمدى ءسوز قوزعالدى. سودان سوڭ قازاق راديوسىنىڭ ديرەكتورى ماحات سادىق, ۇلتتىق اكادەميالىق كىتاپحانانىڭ باس ديرەكتورى ءۇمىتحان مۇڭالباەۆا, سەناتور ءادىل احمەتوۆ, پارلامەنت دەپۋتاتى الدان سمايىل, زيالى قاۋىم وكىلدەرى سۇلتان ورازالين, عادىلبەك شالاحمەتوۆ, نەسىپ­بەك ايت­ ۇلى, ت.ب. قايراتكەر­لەر مەن راديو ارداگەرلەرى اتالعان مەرەيتويلارعا بايلانىستى ءوز پىكىرلەرى مەن جىلى لەبىزدەرىن ءبىلدىردى. شارا بارىسىندا قا­زاق راديوسى مەن «شالقار» راديو­سىنىڭ ونەرپاز قىز-جىگىتتەرى ءوز ونەرلەرىن ورتاعا سالدى. سونداي-اق, شارا اياسىندا «قازاقتىڭ ءۇنى – قازاق راديوسى» اتتى تاقىرىپتا كىتاپ-يلليۋس­تراتسيا كورمەسى ءوتتى. ايتا كەتەيىك, قازاقستاننىڭ ەڭبەك سىڭىرگەن قايراتكەرى, پروفەسسور نامازالى وماشەۆتىڭ «قا­زاق راديوسىنا قانشا جىل؟» اتتى زەرتتەۋ ماقالاسىندا: «قا­­زاق اكسر حالىق كوميسسار­لار كەڭەسىنىڭ 1921 جىلعى 29 قىركۇيەكتەگى شەشىمىنىڭ رەس­پۋبليكالىق راديونىڭ دۇنيەگە كەلۋىنە تىكەلەي اسە­رى بولدى. وندا قازان ايىنان باس­تاپ ورىنبورداعى راديو­ستانتسيا ارقىلى كۇن سايىن 1600 سوزدەن تۇراتىن وزدەرى دا­يىنداعان راديوبيۋللەتەندى رەس­پۋبليكاعا تاراتۋعا قۇقىق بەرىلەدى. ەندەشە, 1921 جىلدىڭ قازان ايىن رەسپۋبليكالىق قازاق راديوسىنىڭ تۋعان كۇنى دەپ اتاۋعا تولىق نەگىز بار», – دەپ جازادى. ال 1966 جىلى 1 قاڭتاردا دا­ۋىلپاز ديكتور انۋاربەك بايجانباەۆ اقپاراتتى-سازدى «شالقار» باعدارلاماسىنىڭ دۇنيەگە كەلگەنىن ەفيردەن قۋانا حابارلاعان بولاتىن. راۋشان تاۋىرحانقىزى, «ەگەمەن قازاقستان»