نۇرلى جۇرەكتەر پارتياسى

كەشە «نۇر وتان» حالىقتىق-دەموكراتيالىق پارتياسى الما­تى قالالىق فيليالىنىڭ كەزەكتى ءىح ەسەپ بەرۋ-سايلاۋ كونفەرەن­تسياسى بولىپ ءوتتى. ونىڭ جۇمىسىنا پارتيا توراعاسىنىڭ ءبىرىنشى ورىنباسارى نۇرلان نىعماتۋلين قاتىسىپ, ءسوز سويلەدى. بۇگىن تاڭدا 70 مىڭنان استام پارتيا مۇشەسىن بىرىكتىرىپ وتىر­عان «نۇر وتاننىڭ» الماتى قا­لا­لىق فيليالى بارلىق الەۋمەت­تىك ءماندى جوبالاردى جۇزەگە اسى­رۋعا بەلسەندى قاتىسىپ كەلەدى. فيليال كو­كەيكەستى ماسەلەلەردى شەشۋگە جاڭا كوزقاراس تۇرعىسى­نان كەلەتىندىگىمەن ەرەكشەلەنەدى. قازاق­ستاننىڭ بارلىق وڭىرلەرىن­دەگى 2 ميلليون ادام­مەن قاتار, رەسپۋب­ليكالىق «وتان­داستار» اك­تسيا­سىنا زور ىقى­لاسپەن قاتىس­قان الماتى­لىق نۇر­وتاندىقتار پارتيانىڭ 2020 جىل­عا دەيىنگى باعدارلاما­سىن ازىرلەۋگە دە ءوز­دەرىنىڭ ايتار­لىقتاي ۇلەسىن قوسا ءبىلدى. وسى جاي­لارعا ءوزىنىڭ ەسەپتى بايانداما­سىندا الماتى قالاسى­نىڭ اكىمى, پارتيا قالالىق في­ليالىنىڭ ءتور­اعاسى احمەتجان ەسىموۆ كەڭىنەن توقتالىپ, فيليال ساياسي كەڭەسىنىڭ وتكەن جىلدا ات­قارعان جۇمىسى­نىڭ قورىتىن­دى­لارىن جان-جاقتى سارالاي ايتتى, سونىمەن بىرگە, «نۇر وتان» حدپ-نىڭ 2020 جىل­عا دەيىنگى كە­زەڭگە ارنالعان باع­دار­لا­ماسى­نىڭ جوبا­سى جونىندە پايىم­دى پىكىرلەر تولعادى. الماتى قالاسىنداعى الەۋ­مەت­تىك-ەكونوميكالىق جەتىستىكتەردى «نۇر وتان» فيليالىنىڭ يگى ىستەرىنەن ءبولىپ قاراۋعا بولماي­دى. وتكەن جىلى وڭتۇستىك استانا بيۋدجەتكە رە­كوردتى سوما – 757 ميلليارد تەڭگە قار­جى قۇيدى. ۇلتتىق عىلىم اكا­دە­مياسىنىڭ پرەزيدەنتى مۇرات جۇ­رىنوۆ مۇ­نىڭ ءوزى بۇكىل قىرعىز­ستاننىڭ مەملەكەتتىك بيۋد­جەتىمەن تەڭ ەكەن­دىگىن اتاپ كور­سەت­تى. وسىنىڭ ءبارى, سايىپ كەلگەندە, ەلباسىنىڭ ەكونوميكالىق جانە باس­قا باعىت­تاردا دۇرىس ساياسات ۇس­تانىپ كەلە جاتقاندىعىن پاش ەتەدى. بۇل ساياسات –  حالقىمىزدىڭ ءجۇ­رەگىن نۇرعا تولتى­راتىن ساياسات. ونى كونفەرەنتسيادا ءسوز العان قۇر­مان­عازى اتىن­داعى قازاق ۇلتتىق كونسەرۆاتوريا­سىنىڭ رەكتورى ج.اۋباكىروۆا, «نۇر وتان» حدپ تۇركسىب اۋداندىق فيليالىنىڭ توراعاسى, تۇركسىب اۋ­دانىنىڭ اكىمى ۆ.ۋستيۋگوۆ, قازاق­ستان حالقى اس­سامبلەياسى توراعا­سىنىڭ ورىنبا­سارى, «الماتى كوپىر كونسترۋكتسيا­لارى» اق باستىعى, الماتى قالاسى ءماسليحاتىنىڭ ءتور­اعاسى ا.ءشار­دينوۆ جانە باس­قالار قاداپ ايتتى. پارتيا باعدارلاماسىنىڭ جو­با­سى جايىندا ايتا كەلە, «نۇر وتان» حدپ توراعاسىنىڭ ءبىرىنشى ورىن­باسارى نۇرلان نىعماتۋلين بۇكىل ەل بۇگىن تاڭدا قازاقستان­نىڭ تۇڭ­عىش پرەزيدەنتىنىڭ وكى­لەت­تىگىن 2020 جىلعا دەيىن ۇزار­تۋ جونىندە رەفەرەندۋم وتكىزۋ تۋرالى ورتاق يدەيامەن ءومىر ءسۇرىپ وتىرعان­دى­عىنا توقتالدى. مۇنىڭ ءوزى ءاب­دەن زاڭدى. سەبەبى, قا­زىرگى قازاق­ستان­نىڭ الەۋمەت­تىك-ەكونومي­كا­لىق دا­مۋ­داعى بار­لىق تابىستارى جانە حالىقارا­لىق ارەناداعى تۇعىرى­مىز­دىڭ بيىكتەي ءتۇسۋى ۇلت كوش­باس­شىسى نۇرسۇلتان نا­زار­باەۆ­تىڭ ەسىمىمەن تىعىز باي­لانىستى, دەدى ءتور­اعا ورىنبا­سارى. كونفە­رەن­­تسي­ياعا قاتىسۋ­شى­لار قازاقستان پرەزيدەنتى نۇر­سۇل­تان نازار­باەۆ­تىڭ وكىلەتتىگىن ۇزارتۋ ءجو­نىن­دەگى رەفەرەندۋم ءوت­كىزۋ باستا­ما­سىنا ءبىر­اۋىز­دان قول­داۋ ءبىلدىردى. كونفەرەنتسيا قارالعان ماسە­لە­لەر بويىنشا ءتيىستى قاۋلى قا­بىل­دادى, «نۇر وتان» حدپ ال­ماتى قالالىق فيليالى ساياسي كە­ڭەسىنىڭ جانە باقىلاۋ-تەكسەرۋ كوميسسيا­سى­­نىڭ جاڭا قۇرام­دا­رىن, سونداي-اق «نۇر وتان» پار­تياسىنىڭ ءحىىى سەزىنە دەلەگاتتار سايلادى. قالا­لىق فيليال­دىڭ توراعاسى بولىپ قايتادان احمەتجان ەسىموۆ, ءتور­اعا­نىڭ ورىن­باسارى بولىپ ماحامبەت بەيدالي سايلاندى. كونفەرەنتسيا سوڭىندا ن.نىع­­ماتۋلين الماتى قالاسى بويىنشا رەفەرەندۋم وتكىزۋ جونىندەگى ىن­تا­لى توپتىڭ باسشىسى م.جۇ­رىنوۆ پەن ى.التىنسارين اتىن­دا­عى №159 گيمنازيانىڭ ديرەك­تورى اياگۇل مي­رازوۆاعا پارتيا­نىڭ «بەلسەندى قىزمەتى ءۇشىن» مەدالىن تابىس ەتتى. قورعانبەك امانجول. الماتى.