كەلەشەك كەلبەتى

قىزىلوردا وبلىسىندا ءبىلىم جانە عىلىم ءمينيسترى با­قىت­جان جۇماعۇلوۆ ارنايى ىسساپارمەن بولدى. «بىتەر ءىستىڭ باسىنا, جاقسى كەلەر قاسىنا» دەيدى قازاق. سول ايتپاقشى, ءبىلىم جانە عى­لىم ءمينيسترى قىزىلوردا قالا­سى­نىڭ ىرگەسىندە ورنالاسقان قا­راۋىل­توبە اۋىلىنىڭ وقۋشىلا­رى مەن مۇ­عالىمدەرىنىڭ قۋانى­شى­نا ورتاق­تاستى. سەبەبى, اتالعان اۋىلدا 250 ورىندىق جاڭا مەك­تەپ­تىڭ قۇرى­لى­سى اياقتالىپ, پاي­دالانۋعا بەرىلگەلى تۇرعان. ءسوي­تىپ, مينيستر جاڭا مەكتەپتىڭ لەن­تاسىن قيدى. ا.حانگەلدين اتىنداعى مەكتەپتى اشۋعا كەلگەن وبلىس باسشى­سى بولاتبەك قۋاندىقوۆ مۇنىڭ ءبارى ەلباسى ن.نازارباەۆتىڭ سىن­­دارلى ساياساتىنىڭ, جاس ۇر­پاق­قا قامقورلىعىنىڭ ارقاسىندا ىسكە اسىپ جاتقان شارۋا ەكەنىن باسا ايتتى. ال ءبىلىم جانە عىلىم ءمينيسترى مەكتەپتە جۇرگەن بو­لا­شاق اقىن, اكىم, مينيسترلەردى جىگەرلەندىرىپ, ەل كەلەشەگى ءۇشىن ءبىلىمدى ۇرپاقتىڭ التىننان دا قىمبات ەكەنىن باسا كورسەتىپ, جان-جاقتى ءبىلىم الۋعا شاقىردى. بۇگىندە قىزىلوردا وبلى­سىندا 170 بالاباقشا, 123 مەكتەپ جا­نىنداعى شاعىن ورتالىق جۇ­مىس ىستەيدى. ەگەر اتالعان سان­دار­دى 2009 جىلمەن سالىستىرساق, وندا مەكتەپكە دەيىن ءبىلىم بەرەتىن مە­كەمەلەردىڭ 110-عا ارت­قا­نىن كورە­مىز. ال بۇل – ۇلكەن كورسەتكىش. مينيستر ساپارى بارىسىندا «سارىارقا-لم» جەكەمەنشىك با­لا­باقشاسىندا جانە جاقىندا عانا اشىلعان دارىندى بالالارعا ارنالعان №4 مەكتەپ-ينتەر­نا­تىن­دا بولدى. ەرجان بايتىلەس. قىزىلوردا.