قوستاناي. 28 ءساۋىر. قوستاناي وبلىسىنداعى مەكتەپتەردە «ادال جانە ساتىلمايتىن جۇمىس بەينەسى» اتتى بالالار سۋرەتتەرىنىڭ وبلىستىق بايقاۋى ءوتتى. بۇل تۋرالى قوستاناي وبلىسى بويىنشا سىبايلاس جەمقورلىقتى الدىن الۋ باسقارماسىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
وعان قوستاناي وبلىسىنىڭ قالالار مەن اۋداندارىنىڭ جالپى ءبىلىم بەرۋ مەكتەپتەرىمەن 65 جۇمىس ۇسىنىلدى. جۇمىستار ساراپشىلار تاراپىنان جالپىعا ورتاق ەڭبەك, ادالدىق يدەياسىن جانە مانەىز-ق ۇلىق نورماسىن بالالاردىڭ سۋرەت ارقىلى قانشالىقتى كورسەتىپ بەرە الۋى تۇرعىسىنان باعالاندى. سوىنمەن قاتار, اۆتوردىڭ تاڭداعان تاقىرىبىنىڭ وزەكتىلىگى, قولدانعان ديزاينى مەن تەحنولوگيا شەبەرلگى دە ەسكەرىلدى.
وسىلايشا, جالپى ءبىلىم بەرۋ مەكتەپتەرىنىڭ 5-6 سىنىپ وقۋشىلارى اراسىندا «ادال جانە ساتىلمايتىن جۇمىس بەينەسى» كونكۋرسىنىڭ جەڭىمپازى قوستاناي قالاسىنداعى №17 مەكتەبىنىڭ 5 سىنىپ وقۋشىسى كريجانوۆسكي ۆلاديمير دەپي تانىلدى. ەكىنشى ورىندى №3 مەكتەپتىڭ 6-شى سىنىپ وقۋشىسى وۆچارەنكو الينا السا, ءۇشىنشى ورىن جىتىقارا اۋدانىنىڭ قۇساقان نەگىزگى مەكتەبىنىڭ 5-ءشى سىنىپ وقۋشىسى كەلمۇحامبەتوۆا ديناراعا بۇيىردى.
مەملەكەتتىك قىزمەت ىستەرى مينيسترلىگىنىڭ قوستاناي وبلىسى بويىنشا دەپارتامەنتىنىڭ سىبايلاس جەمقورلىقتى الدىن الۋ باسقارماسىنىڭ باس مامانى دياس احمەتجانوۆ: «ءىس-شارا بەينەلەۋ ونەرى ارقىلى بالالار بويىندا ادالدىق ءدانىن ەگۋگە, ولاردىڭ سىبايلاس جەمقورلىققا قارسى ىشكى مادەنيەتىن قالىپتاستىرۋعا, بىرەۋدىڭ الا ءجىبىن اتتاماۋعا تاربيەلەيدى» – دەدى.
ءنازيرا جارىمبەتوۆا.
دەرەك, فوتو: egemen.kz.
