2015 جىلعى 31 جەلتوقسان, الماتى قالاسى
بانكارالىق اقشا اۋدارىمدارى جۇيەسىنىڭ جۇمىس ىستەۋ قاعيدالارىن بەكىتۋ جانە «قازاقستان رەسپۋبليكاسىنىڭ ۇلتتىق بانكى مەن بانكتەر, سونداي-اق بانك وپەراتسيالارىنىڭ جەكەلەگەن تۇرلەرىن جۇزەگە اسىراتىن ۇيىمدار اراسىندا كوررەسپوندەنتتىك قاتىناستاردى ورناتۋ قاعيدالارىن بەكىتۋ تۋرالى» قازاقستان رەسپۋبليكاسى ۇلتتىق بانكى باسقارماسىنىڭ 2014 جىلعى 3 اقپانداعى № 14 قاۋلىسىنا وزگەرىس ەنگىزۋ تۋرالى
«قازاقستان رەسپۋبليكاسىنىڭ ۇلتتىق بانكى تۋرالى» 1995 جىلعى 30 ناۋرىزداعى قازاقستان رەسپۋبليكاسىنىڭ زاڭىنا سايكەس, بانكارالىق اقشا اۋدارىمدارى جۇيەسىنىڭ جۇمىس ىستەۋ ءتارتىبىن جەتىلدىرۋ ماقساتىندا قازاقستان رەسپۋبليكاسى ۇلتتىق بانكىنىڭ باسقارماسى قاۋلى ەتەدى:
1. قوسا بەرىلىپ وتىرعان بانكارالىق اقشا اۋدارىمدارى جۇيەسىنىڭ جۇمىس ىستەۋ قاعيدالارى بەكىتىلسىن.
2. «قازاقستان رەسپۋبليكاسىنىڭ ۇلتتىق بانكى مەن بانكتەر, سونداي-اق بانك وپەراتسيالارىنىڭ جەكەلەگەن تۇرلەرىن جۇزەگە اسىراتىن ۇيىمدار اراسىندا كوررەسپوندەنتتىك قاتىناستاردى ورناتۋ قاعيدالارىن بەكىتۋ تۋرالى» قازاقستان رەسپۋبليكاسى ۇلتتىق بانكى باسقارماسىنىڭ 2014 جىلعى 3 اقپانداعى № 14 قاۋلىسىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 9247 تىركەلگەن, 2014 جىلعى 1 ساۋىردە «قازاقستان رەسپۋبليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنىڭ «ادىلەت» اقپاراتتىق-قۇقىقتىق جۇيەسىندە جاريالانعان) مىناداي وزگەرىس ەنگىزىلسىن:
كورسەتىلگەن قاۋلىمەن بەكىتىلگەن قازاقستان رەسپۋبليكاسىنىڭ ۇلتتىق بانكى مەن بانكتەر, سونداي-اق بانك وپەراتسيالارىنىڭ جەكەلەگەن تۇرلەرىن جۇزەگە اسىراتىن ۇيىمدار اراسىندا كوررەسپوندەنتتىك قاتىناستاردى ورناتۋ قاعيدالارىندا:
33-تارماق الىپ تاستالسىن.
3. وسى قاۋلىعا قوسىمشاعا سايكەس تىزبە بويىنشا قازاقستان رەسپۋبليكاسى ۇلتتىق بانكى باسقارماسىنىڭ قاۋلىلارىنىڭ كۇشى جويىلدى دەپ تانىلسىن.
4. تولەم جۇيەلەرiن دامىتۋ جانە باسقارۋ دەپارتامەنتى (مۇساەۆ ر.ن.) زاڭنامادا بەلگىلەنگەن تارتىپپەن:
1) قۇقىقتىق قامتاماسىز ەتۋ دەپارتامەنتىمەن (دوسمۇحامبەتوۆ ن.م.) بىرلەسىپ وسى قاۋلىنى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەۋدى;
2) وسى قاۋلىنى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە «قازاقستان رەسپۋبليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنىڭ «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى;
3) وسى قاۋلى رەسمي جاريالانعاننان كەيىن ونى قازاقستان رەسپۋبليكاسى ۇلتتىق بانكىنىڭ ينتەرنەت-رەسۋرسىنا ورنالاستىرۋدى قامتاماسىز ەتسىن.
5. حالىقارالىق قاتىناستار جانە جۇرتشىلىقپەن بايلانىس دەپارتامەنتى (قازىباەۆ ا.ق.) وسى قاۋلىنى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە مەرزىمدى ءباسپاسوز باسىلىمدارىندا رەسمي جاريالاۋعا جىبەرۋدى قامتاماسىز ەتسىن.
6. وسى قاۋلىنىڭ ورىندالۋىن باقىلاۋ قازاقستان رەسپۋبليكاسىنىڭ ۇلتتىق بانكى توراعاسىنىڭ ورىنباسارى ع.و. پىرماتوۆقا جۇكتەلسىن.
7. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى جانە 2016 جىلعى 1 قانتاردان باستاپ تۋىنداعان قاتىناستارعا قولدانىلادى.
ۇلتتىق بانك توراعاسى د.اقىشەۆ
قازاقستان رەسپۋبليكاسى ۇلتتىق بانكى باسقارماسىنىڭ
2015 جىلعى 31 جەلتوقسانداعى № 259 قاۋلىسىنا قوسىمشا
قازاقستان رەسپۋبليكاسى ۇلتتىق بانكى
باسقارماسىنىڭ كۇشى جويىلعان قاۋلىلارىنىڭ تىزبەسى
1. «اقشا اۋدارىمىنىڭ بانكارالىق جۇيەسىندەگى اقشا اۋدارىمى ەرەجەسىن بەكىتۋ تۋرالى» قازاقستان رەسپۋبليكاسى ۇلتتىق بانكى باسقارماسىنىڭ 1998 جىلعى 21 قاراشاداعى № 242 قاۋلىسى (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 711 تىركەلگەن).
2. «قازاقستان رەسپۋبليكاسى ۇلتتىق بانكى باسقارماسىنىڭ 1998 جىلعى 21 قاراشاداعى № 242 قاۋلىسىنا وزگەرىستەر ەنگىزۋ تۋرالى» قازاقستان رەسپۋبليكاسى ۇلتتىق بانكى باسقارماسىنىڭ 1999 جىلعى 16 تامىزداعى № 266 قاۋلىسى (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 910 تىركەلگەن).
3. «قازاقستان رەسپۋبليكاسى ۇلتتىق بانكى باسقارماسىنىڭ «اقشا اۋدارىمىنىڭ بانكارالىق جۇيەسىندەگى اقشا اۋدارىمى ەرەجەسىن بەكىتۋ تۋرالى» 1998 جىلعى 21 قاراشاداعى № 242 قاۋلىسىنا وزگەرىس ەنگىزۋ جونىندە» قازاقستان رەسپۋبليكاسى ۇلتتىق بانكى باسقارماسىنىڭ 2000 جىلعى 16 مامىرداعى № 216 قاۋلىسى (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 1152 تىركەلگەن).
4. «قازاقستان رەسپۋبليكاسىنىڭ ۇلتتىق بانكى باسقارماسىنىڭ «اقشا اۋدارىمىنىڭ بانكارالىق جۇيەسىندەگى اقشا اۋدارىمى ەرەجەسىن بەكىتۋ تۋرالى» 1998 جىلعى 21 قاراشاداعى № 242 قاۋلىسىمەن بەكىتىلگەن اقشا اۋدارىمىنىڭ بانكارالىق جۇيەسىندەگى اقشا اۋدارىمى ەرەجەسىنە وزگەرىستەر مەن تولىقتىرۋلاردى بەكىتۋ تۋرالى» قازاقستان رەسپۋبليكاسى ۇلتتىق بانكى باسقارماسىنىڭ 2001 جىلعى 20 ساۋىردەگى № 106 قاۋلىسى (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 1538 تىركەلگەن).
5. «قازاقستان رەسپۋبليكاسىنىڭ ۇلتتىق بانكى باسقارماسىنىڭ «اقشا اۋدارىمىنىڭ بانكارالىق جۇيەسىندەگى اقشا اۋدارىمى ەرەجەسىن بەكىتۋ تۋرالى» 1998 جىلعى 21 قاراشاداعى № 242 قاۋلىسىنا وزگەرىس ەنگىزۋ تۋرالى» قازاقستان رەسپۋبليكاسى ۇلتتىق بانكى باسقارماسىنىڭ 2002 جىلعى 2 قىركۇيەكتەگى № 362 قاۋلىسى (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 1999 تىركەلگەن, 2002 جىلى قازاقستان رەسپۋبليكاسى ورتالىق اتقارۋشى جانە وزگە دە مەملەكەتتىك ورگاندارىنىڭ نورماتيۆتىك قۇقىقتىق اكتىلەرى بيۋللەتەنىندە № 29, 635-قۇجاتتا جاريالانعان).
6. «قازاقستان رەسپۋبليكاسىنىڭ ۇلتتىق بانكى باسقارماسىنىڭ كەيبىر قاۋلىلارىنا تولەم قۇجاتتارىن پايدالانۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى ۇلتتىق بانكى باسقارماسىنىڭ 2003 جىلعى 31 قاڭتارداعى № 20 قاۋلىسىنىڭ (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 2193 تىركەلگەن, 2003 جىلعى 21 ناۋرىزدا «ەگەمەن قازاقستان» گازەتىندە № 64-65 (23275) جاريالانعان) 1-تارماعىنىڭ 1) تارماقشاسى.
7. «قازاقستان رەسپۋبليكاسىنىڭ ادىلەت مينيسترلىگىندە № 711 تىركەلگەن, قازاقستان رەسپۋبليكاسىنىڭ ۇلتتىق بانكى باسقارماسىنىڭ «اقشا اۋدارىمىنىڭ بانكارالىق جۇيەسىندەگى اقشا اۋدارىمى ەرەجەسىن بەكىتۋ تۋرالى» 1998 جىلعى 21 قاراشاداعى № 242 قاۋلىسىنا وزگەرىستەر ەنگىزۋ تۋرالى» قازاقستان رەسپۋبليكاسى ۇلتتىق بانكى باسقارماسىنىڭ 2003 جىلعى 27 مامىرداعى № 158 قاۋلىسى (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 2369 تىركەلگەن).
8. «قازاقستان رەسپۋبليكاسىنىڭ ادىلەت مينيسترلىگىندە № 711 تىركەلگەن قازاقستان رەسپۋبليكاسىنىڭ ۇلتتىق بانكى باسقارماسىنىڭ «اقشا اۋدارىمىنىڭ بانكارالىق جۇيەسىندە اقشا اۋدارىمى ەرەجەسىن بەكىتۋ تۋرالى» 1998 جىلعى 21 قاراشاداعى № 242 قاۋلىسىنا تولىقتىرۋ ەنگىزۋ تۋرالى» قازاقستان رەسپۋبليكاسى ۇلتتىق بانكى باسقارماسىنىڭ 2004 جىلعى 15 مامىرداعى № 74 قاۋلىسى (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 2887 تىركەلگەن, 2004 جىلعى 12 ماۋسىمدا «كازاحستانسكايا پراۆدا» گازەتىندە № 132 (24442) جاريالانعان).
9. «قازاقستان رەسپۋبليكاسىنىڭ ۇلتتىق بانكى بولىمشەلەرىنىڭ اراسىندا فۋنكتسيالاردى بولۋگە بايلانىستى ماسەلەلەر بويىنشا قازاقستان رەسپۋبليكاسى ۇلتتىق بانكىنىڭ كەيبىر نورماتيۆتىك قۇقىقتىق اكتىلەرىنە وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى ۇلتتىق بانكى باسقارماسىنىڭ 2005 جىلعى 17 قاراشاداعى № 147 قاۋلىسىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 3993 تىركەلگەن) قوسىمشانىڭ 1-تارماعى.
10. «قازاقستان رەسپۋبليكاسىنىڭ ۇلتتىق بانكى باسقارماسىنىڭ «اقشا اۋدارىمىنىڭ بانكارالىق جۇيەسىندەگى اقشا اۋدارىمى ەرەجەسىن بەكىتۋ تۋرالى» 1998 جىلعى 21 قاراشاداعى № 242 قاۋلىسىنا وزگەرىستەر مەن تولىقتىرۋ ەنگىزۋ تۋرالى» قازاقستان رەسپۋبليكاسى ۇلتتىق بانكى باسقارماسىنىڭ 2008 جىلعى 28 قاراشاداعى № 96 قاۋلىسى (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 5422 تىركەلگەن).
قازاقستان رەسپۋبليكاسى ۇلتتىق بانكى باسقارماسىنىڭ
2015 جىلعى 31 جەلتوقسانداعى № 259 قاۋلىسىمەن بەكىتىلگەن
بانكارالىق اقشا اۋدارىمدارى جۇيەسىنىڭ جۇمىس ىستەۋ قاعيدالارى
1. جالپى ەرەجەلەر
1. وسى بانكارالىق اقشا اۋدارىمدارى جۇيەسىنىڭ جۇمىس ىستەۋ قاعيدالارى (بۇدان ءارى – قاعيدالار) «قازاقستان رەسپۋبليكاسىنىڭ ۇلتتىق بانكى تۋرالى» 1995 جىلعى 30 ناۋرىزداعى (بۇدان ءارى – ۇلتتىق بانك تۋرالى زاڭ), «اقشا تولەمi مەن اۋدارىمى تۋرالى» 1998 جىلعى 29 ماۋسىمداعى (بۇدان ءارى – تولەمدەر تۋرالى زاڭ), «ۆاليۋتالىق رەتتەۋ جانە ۆاليۋتالىق باقىلاۋ تۋرالى» 2005 جىلعى 13 ماۋسىمداعى قازاقستان رەسپۋبليكاسىنىڭ زاڭدارىنا سايكەس ازىرلەندى جانە وپەراتورى «قازاقستان رەسپۋبليكاسى ۇلتتىق بانكىنىڭ قازاقستان بانكارالىق ەسەپ ايىرىسۋ ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنى (بۇدان ءارى – ورتالىق) بولىپ تابىلاتىن بانكارالىق اقشا اۋدارىمدارى جۇيەسىنىڭ (بۇدان ءارى – جۇيە) جۇمىس ىستەۋ ءتارتىبىن بەلگىلەيدى.
2. جۇيە قازاقستان رەسپۋبليكاسىنىڭ ۇلتتىق بانكىندە (بۇدان ءارى – ۇلتتىق بانك) اشىلعان كوررەسپوندەنتتىك شوتتاردان جۇيەگە اۋدارىلعان اقشانى پايدالانا وتىرىپ, ونىڭ قاتىسۋشىلارى (پايدالانۋشىلارى) اراسىندا تولەمدەردى جانە (نەمەسە) اقشا اۋدارىمدارىن جۇزەگە اسىرۋعا ارنالعان جۇيەلىك-ماڭىزدى تولەم جۇيەسى بولىپ تابىلادى.
3. جۇيەدە تولەمدەردى جانە (نەمەسە) اقشا اۋدارىمدارىن جۇزەگە اسىرۋ ونىڭ پايدالانۋشىسىنىڭ ءاربىر نۇسقاۋىن جەكە ورىنداۋ ارقىلى وپەراتسيالىق كۇن ىشىندە اقشا اۋدارىمدارىن اياقتاي وتىرىپ جۇرگىزىلەدى.
4. قاعيدالاردا تولەمدەر تۋرالى زاڭدا, «ەلەكتروندىق قۇجات جانە ەلەكتروندىق تسيفرلىق قولتاڭبا تۋرالى» 2003 جىلعى 7 قاڭتارداعى جانە «باعالى قاعازدار رىنوگى تۋرالى» 2003 جىلعى 2 شىلدەدەگى قازاقستان رەسپۋبليكاسىنىڭ زاڭدارىندا كوزدەلگەن ۇعىمدار, سونداي-اق مىناداي ۇعىمدار پايدالانىلادى:
1) اۋديتورلىق ءىز – جۇيەدە ەلەكتروندىق حابارلاردى وڭدەۋ جونىندەگى وقيعالاردى جۇيەلى تىركەۋ, جۇيە بويىنشا اقپاراتتى ورتالىق جانە جۇيە پايدالانۋشىلارى ساقتايدى;
2) اۋتەنتيفيكاتسيا – تولەم جانە اقپاراتتىق حابارلار الماسۋ كەزىندە جۇيە پايدالانۋشىلارىنىڭ تۇپنۇسقالىعىن راستاۋ ءۇشىن شارالار كەشەنى;
3) الەۋمەتتىك باعىتتاعى تولەمدەر – مەملەكەتتىك بيۋدجەتتەن نەمەسە مەملەكەتتىك الەۋمەتتىك ساقتاندىرۋ قورىنان تولەنەتىن زەينەتاقى تولەمدەرى جانە (نەمەسە) جاردەماقى تولەمدەرى, الەۋمەتتىك جانە وزگە تولەمدەر, بيۋدجەتتەن تولەنەتىن تۇرعىن ءۇي تولەمدەرى جانە وزگە تولەمدەر;
4) باعدارلامالىق-تەحنيكالىق جۇيە كەشەنى – جۇيەنىڭ جۇمىسىن قامتاماسىز ەتەتىن, اقپاراتتىق جۇيەدەن, سەرۆەردەن جانە جۇيە تەرمينالىنان, كوممۋنيكاتسيا قۇرالدارىنان (دەرەكتەردى بەرۋدەن) تۇراتىن تەحنيكالىق, باعدارلامالىق نەمەسە باسقا دا قۇرالدار;
5) باعدارلامالىق-تەحنيكالىق جۇيە كەشەنىنىڭ نەگىزگى ورتالىعى (بۇدان ءارى – نەگىزگى ورتالىق) – جۇيەنىڭ ادەتتەگى (كۇندەلىكتى) رەجيمدەگى جۇمىسىن قامتاماسىز ەتەتىن باعدارلامالىق-تەحنيكالىق جۇيە كەشەنى;
6) باعدارلامالىق-تەحنيكالىق جۇيە كەشەنىنىڭ رەزەرۆ ورتالىعى (بۇدان ءارى – رەزەرۆ ورتالىعى) – ستاندارتتان تىس جاعدايلار تۋىنداعان نەمەسە نەگىزگى ورتالىقتا جوسپارلى تەست جۇمىستارى جۇرگىزىلگەن كەزدە جۇيەنىڭ جۇمىسىن قامتاماسىز ەتەتىن باعدارلامالىق-تەحنيكالىق جۇيە كەشەنى;
7) بانكارالىق كليرينگ جۇيەسى – وپەراتورى ورتالىق بولىپ تابىلاتىن, پايدالانۋشىلاردىڭ نۇسقاۋلارىن كوپجاقتى كليرينگتەۋ جولىمەن ونىڭ پايدالانۋشىلارى اراسىندا تولەمدەردى جانە (نەمەسە) اقشا اۋدارىمدارىن جۇزەگە اسىرۋعا ارنالعان تولەم جۇيەسى;
8) بەيرەزيدەنت قارجى ۇيىمى – قازاقستان رەسپۋبليكاسىنان تىسقارى قۇرىلعان, تىركەلگەن مەملەكەتتىڭ زاڭناماسى بويىنشا بانك وپەراتسيالارىن جۇزەگە اسىرۋعا قۇقىعى بار, جۇيەنىڭ پايدالانۋشىسى بولىپ تابىلمايتىن جانە پايداسىنا ترانسشەكارالىق تولەم جانە (نەمەسە) اقشا اۋدارىمى جىبەرىلەتىن نە ودان الىنعان جەكە نەمەسە زاڭدى تۇلعاعا قىزمەت كورسەتەتىن قارجى ۇيىمى (بانك);
9) دەبەتتىك اۋدارىم – پايدالانۋشى-باستاما جاساۋشى پايدالانۋشى-بەنەفيتسيار بولىپ تابىلاتىن اقشا اۋدارىمى;
10) جيىنتىق تولەم حابارى – پايدالانۋشىلار كليەنتتەرىنىڭ بىرنەشە تولەم قۇجاتتارىنىڭ (نۇسقاۋلارىنىڭ) نەگىزىندە پايدالانۋشى قالىپتاستىرعان تولەم حابارى;
11) جۇيەلىك تاۋەكەل – ءبىر نەمەسە بىرنەشە پايدالانۋشىنىڭ مىندەتتەرىن ورىنداماۋىنان تۋىنداعان, ءبىر نەمەسە بىرنەشە اقشا اۋدارىمى بويىنشا ءبىر نەمەسە بىرنەشە پايدالانۋشى مىندەتتەمەلەرىنىڭ ورىندالماۋ تاۋەكەلى;
12) جۇيەلىك-ماڭىزدى تولەم جۇيەسى – ۇزدىكسىز جۇمىسى قازاقستان رەسپۋبليكاسىنىڭ قارجى نارىعىنىڭ تۇراقتى جۇمىس ىستەۋىنە مۇمكىندىك جاسايتىن, جۇمىسىنىڭ توقتاپ قالۋى (ىركىلىسى) قازاقستان رەسپۋبليكاسىنىڭ قارجى نارىعىندا تاۋەكەلدەردىڭ تۋىنداۋىنا اكەلۋى مۇمكىن تولەم جۇيەسى;
13) جۇيەنىڭ وپەراتسيالىق كۇنى (بۇدان ءارى – وپەراتسيالىق كۇن) – تولەم حابارلارىن قابىلداۋ, وڭدەۋ ءارى بەرۋ جانە ولار بويىنشا اقشا اۋدارىمدارىن جۇزەگە اسىرۋ ءۇشىن جۇيە اشىق بولاتىن ۋاقىت كەزەڭى;
14) جۇيەنiڭ پايدالانۋشىسى (بۇدان ءارى – پايدالانۋشى) – ورتالىقپەن جۇيەدە قىزمەتتەر كورسەتۋ تۋرالى شارت جاساسقان زاڭدى تۇلعا نەمەسە وپەراتورى ورتالىق بولىپ تابىلاتىن باسقا تولەم جۇيەسى;
15) كەزەك – پايدالانۋشى-اقشا جونەلتۋشىنىڭ پوزيتسياسىندا اقشا سوماسى جەتكىلىكسىز بولعان كەزدە تولەم حابارلارى وپەراتسيالىق كۇن ىشىندە پايدالانۋشىنىڭ پوزيتسياسىنا قاجەتتى اقشا سوماسى تۇسكەننەن كەيىن ەسەپ ايىرىسۋ ءساتىن كۇتۋدە كەزەككە تۇراتىن تاۋەكەلدەردى باسقارۋ تەتىگى;
16) كەرى قايتارىلمايتىن تولەم – كەرى قايتارىلۋعا ءتيىس ەمەس تولەم;
17) كرەديتتىك اۋدارىم – پايدالانۋشى-باستاما جاساۋشى پايدالانۋشى-اقشا جونەلتۋشى بولىپ تابىلاتىن اقشا اۋدارىمى;
18) كرەديتتىك تاۋەكەل – قارسى اگەنتتىڭ ءوز مىندەتتەمەلەرىن تولىق كولەمدە ۋاقتىلى ورىنداماۋىنىڭ (ورىنداماۋىنىڭ) مۇمكىن بولۋىمەن بايلانىستى تاۋەكەل;
19) وپەراتسيالىق تاۋەكەل – اقپاراتتىق جۇيەلەردىڭ نەمەسە ىشكى پروتسەستەردىڭ كەمشىلىكتەرىمەن, ادامداردىڭ قاتەلىكتەرىمەن, جۇيەنى باسقارۋداعى, ونىڭ ىشىندە سىرتقى وقيعالاردىڭ سالدارىنان بولاتىن ىركىلىستەرمەن نەمەسە بۇزۋشىلىقتارمەن بايلانىستى تاۋەكەل;
20) ورتالىقتاعى جۇيەنىڭ پوزيتسياسى – ورتالىقتا وڭدەلەتىن جانە پايدالانۋشىلار ۇلتتىق بانكتە جۇيەنىڭ شوتىنا اۋدارىلعان اقشانىڭ جانە جۇيەدەگى پايدالانۋشىلار اۋدارىمدارىنىڭ جالپى سوماسىن باقىلاۋعا ارنالعان پوزيتسيا;
21) وتىمدىلىك تاۋەكەلى – پايدالانۋشى-اقشا جونەلتۋشىنىڭ اقشا اۋدارۋ جونىندەگى ءوز مىندەتتەمەلەرىن تولىق كولەمدە ۋاقتىلى ورىنداماۋىنىڭ (ورىنداماۋىنىڭ) مۇمكىن بولۋىمەن بايلانىستى تاۋەكەلى;
22) پايدالانۋشىنىڭ جۇيەدەگى پوزيتسياسى (بۇدان ءارى – پايدالانۋشىنىڭ پوزيتسياسى) – جۇيە پايدالانۋشىسىنىڭ جۇيە ارقىلى تولەمدەر مەن اقشا اۋدارىمىن جۇزەگە اسىرۋ ءۇشىن ۇلتتىق بانكتە اشىلعان تەڭگەدەگى كوررەسپوندەنتتىك شوتتان (بۇدان ءارى – پايدالانۋشىنىڭ كوررەسپوندەنتتىك شوتى) ءوزى اۋدارعان اقشا سوماسىن ەسەپكە الۋعا ارنالعان پوزيتسيا;
23) پايدالانۋشى-اقشا جونەلتۋشى – پوزيتسياسىنان اقشا اۋدارىلاتىن (ەسەپتەن شىعارىلاتىن) پايدالانۋشى;
24) پايدالانۋشى-باستاما جاساۋشى – تولەم حابارىن جۇيەگە جىبەرگەن پايدالانۋشى. پايدالانۋشى-باستاما جاساۋشى پايدالانۋشى-اقشا جونەلتۋشى نەمەسە پايدالانۋشى-بەنەفيتسيار بولىپ تابىلادى;
25) پايدالانۋشى-بەنەفيتسيار – پوزيتسياسىنا اقشا اۋدارىلاتىن پايدالانۋشى;
26) پايدالانۋشى-دەلدال – پايدالانۋشىلار مەن بەيرەزيدەنت قارجى ۇيىمدارىنىڭ اراسىندا ترانسشەكارالىق تولەمدەر جانە (نەمەسە) اقشا اۋدارىمدارى بويىنشا اقشا اۋدارۋدى جۇزەگە اسىراتىن پايدالانۋشى;
27) تولەم نۇسقاۋى – پايدالانۋشىنىڭ كوررەسپوندەنتتىك شوتىنان ۇلتتىق بانكتەگى جۇيەنىڭ شوتىنا نە ۇلتتىق بانكتەگى جۇيەنىڭ شوتىنان ونىڭ كوررەسپوندەنتتىك شوتىنا اقشا اۋدارۋعا نۇسقاۋى;
28) تولەم حابارىنىڭ اكتسەپتى – ورتالىقتىڭ تولەم حابارىنىڭ تالاپتارى نەگىزىندە اقشا اۋدارىمىن جۇزەگە اسىرۋعا كەلىسىمى;
29) تولەمنىڭ جانە (نەمەسە) اقشا اۋدارىمىنىڭ اياقتالۋى (تۇپكىلىكتىلىگى) – تولەمگە جانە (نەمەسە) اقشا اۋدارىمىنا قاتىسۋشىنىڭ مىندەتتەمەسى ورىندالدى دەپ سانالاتىن ءسات;
30) ترانسشەكارالىق تولەم جانە (نەمەسە) اقشا اۋدارىمى – اقشا جونەلتۋشى باستاما جاساعان نەمەسە ونىڭ اتىنان باستاما جاسالعان, اقشا جونەلتۋشىنىڭ جانە بەنەفيتسياردىڭ تولەم قىزمەتتەرىن جەتكىزۋشىلەر ءارتۇرلى مەملەكەتتەردە ورنالاسقان تولەم نەمەسە اقشا اۋدارىمى جونىندەگى نۇسقاۋ;
31) ۇلتتىق بانكتەگى جۇيەنىڭ شوتى – ۇلتتىق بانكتە اشىلعان جانە پايدالانۋشىلار جۇيەدە اقشا اۋدارىمىن جۇزەگە اسىرۋ ءۇشىن پايدالانىلاتىن اقشاسىن ەسەپكە الۋعا جانە اقشانى جۇيەگە (جۇيەدەن) اۋدارۋ بويىنشا پايدالانۋشىلار پوزيتسيالارىنىڭ سالدوسىن اۋدارۋعا ارنالعان شوت;
32) ەلەكتروندىق اقپاراتتىق حابار (بۇدان ءارى – اقپاراتتىق حابار) – ەلەكتروندىق تسيفرلىق قولتاڭباسى بار, تولەم حابارلارىنا جاتپايتىن جانە اقپاراتتىق سيپاتتاعى, ونىڭ ىشىندە ءۇزىندى-كوشىرمەلەر بار ەلەكتروندىق حابار;
33) ەلەكتروندىق تولەم حابارى (بۇدان ءارى – تولەم حابارى) – جۇيەدەگى پايدالانۋشىلاردىڭ پوزيتسيالارى بويىنشا اقشا اۋدارىمدارىن جۇزەگە اسىرۋعا نەگىز بولاتىن, ەلەكتروندىق تسيفرلىق قولتاڭباسى بار ەلەكتروندىق حابار;
34) ەلەكتروندىق حابار – ورتالىق ازىرلەگەن فورماتتاعى ەلەكتروندىق تۇردەگى اقپارات جيىنتىعى.
قاعيدالاردا پايدالانىلاتىن تاۋەكەلدەر ۇعىمى قاعيدالار شەڭبەرىندەگى جۇيەگە قاتىستى قولدانىلادى جانە حالىقارالىق ەسەپ ايىرىسۋ بانكىنىڭ تولەمدەر مەن نارىقتىق ينفراقۇرىلىمدار جونىندەگى كوميتەتى (بازەل, شۆەيتساريا, 2003 جىلعى ناۋرىز) ازىرلەگەن تولەم جانە ەسەپ ايىرىسۋ جۇيەلەرىندە پايدالانىلاتىن تەرميندەر گلوسساريىنە سايكەس جازىلعان.
5. ۇلتتىق بانك جۇيەنىڭ جۇمىس ىستەۋىن جانە باسقارۋدى ۇيىمداستىرادى جانە قامتاماسىز ەتەدى.
6. وپەراتسيالىق جانە تەحنولوگيالىق فۋنكتسيالاردى, سونداي-اق پايدالانۋشىلارمەن جۇيەدە قىزمەت كورسەتۋ جانە جۇيەنىڭ جۇمىس ىستەۋى ءۇشىن قىزمەتتەر كورسەتەتىن ءۇشىنشى تۇلعالارمەن شارتتار جاساسۋدى ورتالىق جۇزەگە اسىرادى.
وپەراتسيالىق فۋنكتسيالار پايدالانۋشىنىڭ ءاربىر نۇسقاۋىن جەكە ورىنداي وتىرىپ, جۇيەدە اقشا اۋدارۋدى جۇرگىزۋدى, پايدالانۋشىلاردىڭ (پايدالانۋشىلارعا) تولەمدىك جانە اقپاراتتىق حابارلارىن وڭدەۋدى جانە بەرۋدى قامتيدى.
تەحنولوگيالىق فۋنكتسيالار جۇيەنىڭ ينفراقۇرىلىمىنىڭ جۇمىس ىستەۋىن, جۇيەنىڭ اقپاراتتىق قاۋىپسىزدىگى جانە قىزمەتىنىڭ ۇزدىكسىزدىگى شارالارىنىڭ ساقتالۋىن قامتاماسىز ەتۋدى قامتيدى.
7. جۇيەدە اقشا اۋدارۋ پايدالانۋشىلاردىڭ تولەم حابارلارىن وتكىزۋ, ورتالىقتىڭ پايدالانۋشى-اقشا جونەلتۋشىنىڭ پوزيتسياسىنان ەسەپتەن شىعارۋ جانە اقشانى پايدالانۋشى-بەنەفيتسياردىڭ پوزيتسياسىنا ەسەپكە الۋ ارقىلى ولاردى وڭدەۋ جولىمەن جۇزەگە اسىرىلادى.
2. جۇيەگە قاتىسۋ تالاپتارى
8. نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 9247 تىركەلگەن «قازاقستان رەسپۋبليكاسىنىڭ ۇلتتىق بانكى مەن بانكتەر, سونداي-اق بانك وپەراتسيالارىنىڭ جەكەلەگەن تۇرلەرىن جۇزەگە اسىراتىن ۇيىمدار اراسىندا كوررەسپوندەنتتىك قاتىناستاردى ورناتۋ قاعيدالارىن بەكىتۋ تۋرالى» قازاقستان رەسپۋبليكاسى ۇلتتىق بانكى باسقارماسىنىڭ 2014 جىلعى 3 اقپانداعى № 14 قاۋلىسىندا (بۇدان ءارى – № 14 قاۋلى) بەلگىلەنگەن تارتىپپەن اشىلعان پايدالانۋشىنىڭ كوررەسپوندەنتتىك شوتىنىڭ بولۋى پايدالانۋشىنىڭ مارتەبە الۋى ءۇشىن مىندەتتى تالاپ بولىپ تابىلادى.
9. قاعيدالاردىڭ 8-تارماعىندا كوزدەلگەن تالاپتاردى ورىنداۋ كەزىندە زاڭدى تۇلعا ورتالىقپەن جۇيەدە قىزمەتتەر كورسەتۋ تۋرالى شارت جاسايدى.
10. جۇيەدە قىزمەتتەر كورسەتۋ تۋرالى شارت جاساسۋ ءۇشىن زاڭدى تۇلعا ورتالىققا مىناداي قۇجاتتار ۇسىنادى:
1) جۇيەگە قوسۋعا ارنالعان ەركىن نىسانداعى ءوتىنىش;
2) «قازاقستان رەسپۋبليكاسىنداعى بانكتەر جانە بانك قىزمەتى تۋرالى» 1995 جىلعى 31 تامىزداعى قازاقستان رەسپۋبليكاسىنىڭ زاڭىنا سايكەس ۋاكىلەتتى ورگاننىڭ ليتسەنزياسىنسىز بانكتىك وپەراتسيالاردى جۇزەگە اسىرۋ جاعدايلارىن قوسپاعاندا, بانك وپەراتسيالارىن جاساۋعا بەرىلگەن ليتسەنزيانىڭ كوشىرمەسى;
3) پايدالانۋشىنىڭ ۇلتتىق بانكپەن تەڭگەدەگى كوررەسپوندەنتتىك شوتتى اشۋعا جاسالعان كوررەسپوندەنتتىك شوت شارتىنىڭ (بۇدان ءارى – كوررەسپوندەنتتىك شوت شارتى) كوشىرمەسى.
وسى تارماقتىڭ ءبىرىنشى بولىگىنىڭ 2) تارماقشاسى شەت مەملەكەتتىڭ ورتالىق (ۇلتتىق) بانكى, قازاقستان رەسپۋبليكاسىنىڭ بەيرەزيدەنت بانكى (قازاقستان رەسپۋبليكاسىنىڭ بەيرەزيدەنت-بانك وپەراتسيالارىنىڭ جەكەلەگەن تۇرلەرىن جۇزەگە اسىراتىن ۇيىمى) ورتالىقپەن جۇيەدە قىزمەتتەر كورسەتۋ تۋرالى شارتتى جاساسۋى كەزىندە قولدانىلمايدى.
11. زاڭدى تۇلعالار ورتالىقپەن جۇيەدە قىزمەتتەر كورسەتۋ تۋرالى شارت جاساعاننان كەيىن پايدالانۋشى مارتەبەسىن يەلەنەدى. جۇيەدە قىزمەتتەر كورسەتۋ تۋرالى شارتتى بۇزۋ زاڭدى تۇلعانىڭ پايدالانۋشى مارتەبەسىن جوعالتۋىنا اكەپ سوعادى.
12. ۇلتتىق بانك ورتالىقپەن جۇيەدە قىزمەتتەر كورسەتۋ تۋرالى جاساسقان شارت نەگىزىندە پايدالانۋشى مارتەبەسىن الادى.
3. جۇيەنىڭ جۇمىس ىستەۋىنىڭ قۇقىقتىق نەگىزى
13. تولەمدەر تۋرالى زاڭ, قاعيدالار, پايدالانۋشىلار مەن ورتالىق اراسىندا جاسالعان جۇيەدە قىزمەتتەر كورسەتۋ تۋرالى شارتتار جۇيەنىڭ جۇمىس ىستەۋىنىڭ قۇقىقتىق نەگىزىن قۇرايدى.
14. جۇيەدەگى قىزمەت كورسەتۋ تۋرالى شارت مىنالاردى قامتيدى:
1) شارتتىڭ ءمانى;
2) پايدالانۋشىنىڭ جانە ورتالىقتىڭ قۇقىقتارى مەن مىندەتتەرى;
3) ورتالىقتىڭ قىزمەتتەرىنە اقى تولەۋ ءتارتىبى;
4) پايدالانۋشى مەن ورتالىقتىڭ شارتتىڭ تالاپتارىن ورىنداماعانى ءۇشىن جاۋاپكەرشىلىگى;
5) اقپاراتتىق قاۋىپسىزدىك جانە كونفيدەنتسيالدىلىق رەجىمىنىڭ ساقتالۋى, بانك قۇپياسىنىڭ ساقتالۋى جانە دەربەس دەرەكتەردى قورعاۋ;
6) تولەمنىڭ جانە (نەمەسە) اقشا اۋدارىمىنىڭ اياقتالۋى (تۇپكىلىكتىلىگى) ءتارتىبى مەن تالاپتارى;
7) شارت تالاپتارىن وزگەرتۋ جانە بۇزۋ ءتارتىبى;
8) داۋلاردى شەشۋ ءتارتىبى;
9) تاراپتاردىڭ كەلىسۋى بويىنشا باسقا تالاپتار.
15. جۇيەدە قىزمەتتەر كورسەتۋ تۋرالى شارتتىڭ جەكەلەگەن ەرەجەلەرىنىڭ قولدانىلۋى № 14 قاۋلىدا جانە (نەمەسە) كوررەسپوندەنتتىك شوت شارتىندا كوزدەلگەن نەگىزدەمەلەر بويىنشا ۇلتتىق بانكتىڭ پايدالانۋشىنىڭ شىعىس وپەراتسيالارىن توقتاتۋ تۋرالى حاتى نەگىزىندە ۋاقىتشا توقتاتىلا تۇرادى.
ۇلتتىق بانكتىڭ پايدالانۋشىنىڭ شىعىس وپەراتسيالارىن توقتاتا تۇرۋ تۋرالى حاتى زاڭدى تۇلعانى پايدالانۋشى مارتەبەسىنەن ايىرمايدى.
4. ورتالىقتىڭ جۇيەدە كورسەتەتىن قىزمەتتەرى جانە وپەراتسيالار تۇرلەرى
16. ورتالىق جۇيەدە قىزمەتتى پايدالانۋشىعا:
1) تولەم حابارلارىن قابىلداۋ مەن وڭدەۋ جانە ولاردىڭ نەگىزىندە پايدالانۋشى-اقشا جونەلتۋشىنىڭ پوزيتسياسىنان پايدالانۋشى-بەنەفيتسيار پوزيتسياسىنا اقشا اۋدارۋدى جۇزەگە اسىرۋ بويىنشا;
2) جاسالعان وپەراتسيالار بويىنشا پايدالانۋشىلارعا اقپاراتتىق حابارلاردى قابىلداۋ, وڭدەۋ جانە ۇسىنۋ بويىنشا;
3) جۇيەنىڭ جۇمىس ىستەۋىن قامتاماسىز ەتۋدە وپەراتسيالىق جانە تەحنولوگيالىق فۋنكتسيالاردى ورىنداۋ بويىنشا قىزمەتتەر كورسەتەدى.
17. جۇيە ارقىلى كرەديتتىك جانە دەبەتتىك اۋدارىمدار جۇزەگە اسىرىلادى.
18. ورتالىق جۇيە پايدالانۋشىلارى اراسىندا اقشا اۋدارىمىن جۇزەگە اسىرادى جانە جۇيەدە پايدالانۋشىلار اقشاسىنىڭ قالدىعىن ەسكەرە وتىرىپ, ولاردىڭ كەزەگىندە تۇرعان تولەم حابارلارى سومالارىنىڭ ءوزارا ەسەبىن ورىندايدى.
5. جۇيەدەگى ەلەكتروندىق حابارلار
19. جۇيەدە تولەمدىك جانە اقپاراتتىق حابارلاردى بەرۋ جانە قابىلداۋ ەلەكتروندىق تاسىلمەن جۇزەگە اسىرىلادى.
20. پايدالانۋشىلار ورتالىق ازىرلەگەن جانە جۇيەدە قولدانىلاتىن الماسۋ راسىمدەرىنە جانە فورماتتارىنا (بۇدان ءارى – راسىمدەر) سايكەس ەلەكتروندىق حابارلارمەن الماسادى.
21. راسىمدەردى ورتالىق جۇيەدە قىزمەتتەر كورسەتۋ تۋرالى شارتتا بەلگىلەنگەن مەرزىمدەردە پايدالانۋشىلارعا جىبەرەدى.
22. ورتالىق ءبىر اقشا جونەلتۋشى جانە ءبىر بەنەفيتسيار كورسەتىلگەن جيىنتىق تولەم حابارلارىن ورىنداۋ ءۇشىن قابىلدايدى.
23. جۇيەدە ەلەكتروندىق حابارلاردى بەرۋ فاكتىسىن ايقىنداۋ جانە ولاردى بەرۋ كەزىندە قاتەلەردى انىقتاۋ ءۇشىن ورتالىق بەلگىلەگەن اقپاراتتىق قاۋىپسىزدىكتى قامتاماسىز ەتۋ راسىمدەرى ساقتالادى.
24. ورتالىق ەلەكتروندىق حابارلاردى اۋتەنتيفيكاتسيالاۋ ءتارتىبىن ازىرلەيدى.
25. ورتالىق جانە پايدالانۋشىلار اقپاراتتىڭ ساقتالۋىن قامتاماسىز ەتەدى جانە جىبەرىلەتىن جانە الىناتىن ەلەكتروندىق حابارلارىنىڭ مونيتورينگىن جۇزەگە اسىرادى. ورتالىق جانە پايدالانۋشىلار وڭدەگەن بارلىق ەلەكتروندىق حابارلاردىڭ ورتالىقتىڭ جانە پايدالانۋشىلاردىڭ ىشكى باعدارلامالىق جۇيەلەرىندە اۋديتورلىق ءىزى قالادى.
26. ورتالىق تولەم حابارلارىن وڭدەگەن كەزدە ولاردى وزگەرتۋگە جول بەرمەيدى.
6. وپەراتسيالىق كۇندى اشۋ
27. جۇيەدەگى اقشا اۋدارىمى ۇلتتىق بانك ورتالىقتىڭ تولەم جۇيەلەرىندە تولەم قۇجاتتارىن قابىلداۋ مەن وڭدەۋ كەستەسىنە سايكەس (بۇدان ءارى – كەستە) ايقىنداعان وپەراتسيالىق كۇن ىشىندە جۇرگىزىلەدى.
28. وپەراتسيالىق كۇن ىشىندە كەستەدە بەلگىلەنگەن ۋاقىتتا ۇلتتىق بانك پايدالانۋشىنىڭ تولەم نۇسقاۋى نەگىزىندە پايدالانۋشىنىڭ كوررەسپوندەنتتىك شوتىنان ونداعى قالدىق سوماسى شەگىندە ورتالىقتىڭ پايدالانۋشىنىڭ پوزيتسياسىنا بۇدان ءارى اۋدارۋى ءۇشىن جۇيەنىڭ ۇلتتىق بانكتەگى شوتىنا اقشا اۋدارۋدى جۇرگىزەدى.
29. كوررەسپوندەنتتىك شوت شارتى بويىنشا پايدالانۋشىنىڭ كوررەسپوندەنتتىك شوتىنان جۇيەنىڭ ۇلتتىق بانكتەگى شوتىنا اقشا اۋدارۋعا تولەم نۇسقاۋى ورتالىقتىڭ پايدالانۋشىنىڭ پوزيتسياسىنا ودان ءارى اۋدارۋى ءۇشىن پايدالانۋشىنىڭ كوررەسپوندەنتتىك شوتىنان جۇيەنىڭ ۇلتتىق بانكتەگى شوتىنا اقشا اۋدارۋعا ارنالعان, قاعيدالارعا قوسىمشاعا سايكەس نىسان بويىنشا تۇراقتى قولدانىلاتىن نۇسقاۋ (بۇدان ءارى – تۇراقتى قولدانىلاتىن نۇسقاۋ) رەتىندە ۇسىنىلادى.
30. تۇراقتى قولدانىلاتىن نۇسقاۋدا پايدالانۋشىنىڭ كوررەسپوندەنتتىك شوتىنداعى اقشا قالدىعى سوماسىنىڭ پايىزدىق اراقاتىناسى نەمەسە پايدالانۋشىنىڭ كوررەسپوندەنتتىك شوتىنان جۇيەنىڭ ۇلتتىق بانكتەگى شوتىنا اقشا اۋدارۋ ءۇشىن قاجەتتى بەلگىلەنگەن سوما كورسەتىلەدى.
31. تۇراقتى قولدانىلاتىن نۇسقاۋ ۇلتتىق بانكتىڭ پايدالانۋشىدان ونى كەرى قايتارىپ الۋ تۋرالى ەركىن نىساندا ۇسىنىلعان جازباشا نۇسقاۋىن العانعا دەيىن قولدانىستا بولادى.
32. تۇراقتى قولدانىلاتىن نۇسقاۋ پايدالانۋشى جاڭا تۇراقتى قولدانىلاتىن نۇسقاۋدى ۇلتتىق بانككە بەرگەن كۇننەن كەيىنگى ءبىرىنشى جۇمىس كۇنى كۇشىن جويادى.
33. ۇلتتىق بانك پايدالانۋشىلاردىڭ كوررەسپوندەنتتىك شوتتارىنان جۇيەنىڭ شوتىنا اقشا اۋدارۋدى اياقتاعان سوڭ ورتالىققا:
1) پايدالانۋشىلاردىڭ ءوز كوررەسپوندەنتتىك شوتتارىنان پايدالانۋشىلاردىڭ پوزيتسياسىنا بۇدان ءارى اۋدارۋ ءۇشىن جۇيەنىڭ ۇلتتىق بانكتەگى شوتىنا اۋدارىلعان اقشا سومالارى تۋرالى;
2) پايدالانۋشىنىڭ كەزەگىنە قويۋعا جاتاتىن تولەم حابارلارىنىڭ بارىنشا رۇقسات ەتىلگەن سوماسى تۋرالى اقپارات بار اقپاراتتىق حاباردى بەرەدى.
34. ورتالىق ۇلتتىق بانكتەن الىنعان اقپاراتتىق حابار نەگىزىندە ءتيىستى پايدالانۋشىلاردىڭ پوزيتسيالارى بويىنشا جۇيەنىڭ ورتالىقتاعى پوزيتسياسىنان جازبالار جۇرگىزەدى.
35. وپەراتسيالىق كۇننىڭ باسىندا پايدالانۋشىنىڭ جۇيەدەگى پوزيتسياسىنداعى اقشا سوماسى تۇراقتى قولدانىلاتىن نۇسقاۋدا كورسەتىلگەن جانە جۇيە ارقىلى اقشا اۋدارۋدى جۇزەگە اسىرۋ ءۇشىن پايدالانۋشىنىڭ ءوز كوررەسپوندەنتتىك شوتىنان اۋدارعان سوماسىنا تەڭ بولادى.
36. وپەراتسيالىق كۇن ىشىندە جۇيەنىڭ ورتالىقتاعى پوزيتسياسىنداعى اقشا سوماسى جۇيەنىڭ ۇلتتىق بانكتەگى شوتىنداعى اقشا سوماسىنا تەڭ بولادى.
7. جۇيەنىڭ وپەراتسيالىق كۇن ىشىندە جۇمىس ىستەۋى
37. جۇيەدە اقشا اۋدارۋ پايدالانۋشى ءوزىنىڭ كوررەسپوندەنتتىك شوتىنان پوزيتسياعا اۋدارعان جانە پايدالانۋشى جىبەرگەن جانە جۇيەدە باسقا پايدالانۋشىلاردان الىنعان تولەمدەر سالدوسى ەسەبىنەن قالىپتاستىرىلعان پايدالانۋشى پوزيتسياسىنداعى اقشا سوماسى شەگىندە جۇزەگە اسىرىلادى.
38. ورتالىق جۇيەدە اقشا اۋدارۋدى پايدالانۋشى-باستاما جاساۋشىدان كەلىپ تۇسكەن تولەم حابارىن اكتسەپتەگەن سوڭ جۇزەگە اسىرادى.
39. ورتالىقتىڭ تولەم قۇجاتىنىڭ اكتسەپتىن جاساۋ تالاپتارى مىنالار بولىپ تابىلادى:
1) اۋتەنتيفيكاتسيادان ءوتۋ;
2) پايدالانۋشى-باستاما جاساۋشىدا پايدالانۋشى مارتەبەسىنىڭ بولۋى;
3) بەيرەزيدەنت قارجى ۇيىمىنا ترانسشەكارالىق تولەمدى جانە (نەمەسە) اقشا اۋدارىمىن جىبەرۋ كەزىندە, الۋشى-دەلدالدا پايدالانۋشى مارتەبەسىنىڭ بولۋى, ول بولماعان – بولعان كەزدە بەنەفيتسيار بانكتە پايدالانۋشى مارتەبەسىنىڭ بولۋى;
4) بەيرەزيدەنت قارجى ۇيىمىنان ترانسشەكارالىق تولەمدى جانە (نەمەسە) اقشا اۋدارىمىن الۋ كەزىندە, الۋشى-دەلدالدا پايدالانۋشى مارتەبەسىنىڭ بولۋى, ول بولماعان – بولعان كەزدە الۋشى بانكتە پايدالانۋشى مارتەبەسىنىڭ بولۋى;
5) تولەم حابارىندا كورسەتىلگەن سومانى پايدالانۋشى-اقشا جونەلتۋشىنىڭ پوزيتسياسىنا ەسەپتەن شىعارۋ مۇمكىندىگى;
6) دەبەت اۋدارىمىن جۇرگىزۋ كەزىندە پايدالانۋشى-اقشا جونەلتۋشىنىڭ الدىن الا كەلىسىمىنىڭ بولۋى.
وسى تارماقتىڭ ءبىرىنشى بولىگى 5) تارماقشاسىنىڭ تالاپتارى ورىندالماعان كەزدە, بىراق 1), 2), 3) جانە 4) تارماقشالارىنىڭ تالاپتارى ساقتالعان كەزدە تولەم حابارى قاعيدالاردىڭ 40-تارماعىندا كوزدەلگەن جاعدايلاردى قوسپاعاندا, پايدالانۋشى-اقشا جونەلتۋشىنىڭ كەزەگىنە جىبەرىلەدى. ورتالىق تولەم حابارىن كەزەككە قويۋ كەزىندە پايدالانۋشى-باستاما جاساۋشىعا تولەم حابارىن جۇرگىزبەگەنى جانە ونى كەزەككە قويۋ تۋرالى اقپاراتتىق حاباردى جىبەرەدى.
وسى تارماقتىڭ ءبىرىنشى بولىگى 1), 2), 3), 4) جانە 6) تارماقشالارىنىڭ تالاپتارى ورىندالماعان كەزدە ورتالىق تولەم حابارىن اكتسەپتەۋدەن جانە كەزەككە تىركەۋدەن باس تارتادى. ورتالىق تولەم حابارىنا اكتسەپت جاساۋدان نەمەسە كەزەككە تىركەۋدەن باس تارتقان جاعدايدا, پايدالانۋشى-باستاما جاساۋشىعا سەبەپتەرىن كورسەتە وتىرىپ, تولەم حابارىن جۇرگىزبەگەنى تۋرالى اقپاراتتىق حاباردى جىبەرەدى.
40. پايدالانۋشى-باستاما جاساۋشى بولىپ تابىلاتىن ورتالىق دەپوزيتاريدىڭ تولەم حابارى, پايدالانۋشى-اقشا جونەلتۋشىنىڭ پوزيتسياسىندا تولەم حابارىن ورىنداۋ ءۇشىن جەتكىلىكتى اقشا سوماسىنىڭ بولماۋ سالدارىنان قاعيدالاردىڭ 39-تارماعىنىڭ ءبىرىنشى بولىگى 5) تارماقشاسىنىڭ تالاپتارى ورىندالماعان جاعدايدا, كەزەككە تىركەلمەيدى جانە ونى ورتالىق ورىندامايدى. ورتالىق وسى تولەم حابارىن جانە اكتسەپتەۋدى ورىنداۋدان باس تارتقان كەزدە ورتالىق دەپوزيتاريگە سەبەپتەرىن كورسەتە وتىرىپ, تولەم حابارىن جۇرگىزبەگەنى تۋرالى اقپاراتتىق حاباردى جىبەرەدى.
41. ورتالىق پايدالانۋشى-اقشا جونەلتۋشىنىڭ پوزيتسياسىن تۇسكەن تولەم حابارى نەگىزىندە دەبەتتەگەندە ورتالىق تولەم حابارىن اكتسەپتەگەن دەپ سانالادى.
42. پايدالانۋشى-اقشا جونەلتۋشىنىڭ پوزيتسياسىنان پايدالانۋشى-بەنەفيتسياردىڭ پوزيتسياسىنا اۋدارۋ كەزىندە ورتالىق پايدالانۋشى-بەنەفيتسياردىڭ پوزيتسياسى بويىنشا اقشا سوماسىن كورسەتۋدى جانە ونىڭ پوزيتسياسىن كرەديتتەۋ تۋرالى راستامامەن قوسا وعان ەلەكتروندىق حاباردى جىبەرۋدى قامتاماسىز ەتەدى.
43. تولەم حابارى ونى ورتالىق اكتسەپتەگەننەن كەيىن كەرى قايتارىلمايتىن تولەم دەپ سانالادى.
44. قاعيدالاردىڭ 15-تارماعىنا سايكەس پايدالانۋشىنىڭ شىعىس وپەراتسيالارىن توقتاتۋ تۋرالى ۇلتتىق بانكتەن حابارلاما العان كەزدە ورتالىق پايدالانۋشىنىڭ پايداسىنا اقشا سوماسىن قابىلداۋ (ەسەپتەۋ) وپەراتسيالارىن قوسپاعاندا, پايدالانۋشىنىڭ پوزيتسياسى بويىنشا وپەراتسيالاردى توقتاتادى.
45. ورتالىق وپەراتسيالىق كۇننىڭ ىشىندە ورتالىقتاعى جۇيەنىڭ پوزيتسياسى بويىنشا قالدىق سوماسىنىڭ جۇيە پايدالانۋشىلارىنىڭ پوزيتسيالارى بويىنشا قالدىقتار سوماسىنا تەڭ بولۋىن جۇيەلى سالىستىرىپ تەكسەرۋدى جۇزەگە اسىرادى. سومالار تەڭ بولماعان كەزدە ورتالىق ۇلتتىق بانككە حابارلايدى, اقشا اۋدارىمدارىن توقتاتادى جانە سايكەس بولماۋ سەبەپتەرىن انىقتايدى.
ورتالىق پايدالانۋشىلاردىڭ پوزيتسيالارى بويىنشا سومالاردىڭ سايكەس بولماۋلارى جويىلعاننان كەيىن جۇيەدەگى وپەراتسيالاردى جاڭارتادى, بۇدان كەيىن وپەراتسيالاردى جاڭارتۋ تۋرالى ۇلتتىق بانككە حابارلايدى.
46. جۇيەدە كليرينگ ناتيجەلەرى بويىنشا:
1) تولەم كارتوچكالارىن پايدالانا وتىرىپ بانكارالىق وپەراتسيالار;
2) بانكارالىق كليرينگ جۇيەسىندەگى اقشا اۋدارىمدارى جۇرگىزىلەدى.
47. قارجى قۇرالدارىمەن وپەراتسيالار بويىنشا اقشا اۋدارىمدارى نەمەسە رەپو وپەراتسيالارى بويىنشا وتەماقى تولەمىن جۇزەگە اسىرۋ كەزىندە ورتالىق دەپوزيتاري دەپوزيتارلىق قىزمەت كورسەتۋ شارتى نەگىزىندە ولار قابىلداعان پايدالانۋشىلاردىڭ بۇيرىقتارىنا سايكەس پايدالانۋشى-اقشا جونەلتۋشىنىڭ پوزيتسياسىنان جۇيەدەگى ورتالىق دەپوزيتاريدىڭ پوزيتسياسىنا دەبەتتىك اقشا اۋدارىمدارىن ورىندايدى.
دەپوزيتارلىق قىزمەت كورسەتۋ شارتىنا سايكەس پايدالانۋشى ورتالىق دەپوزيتاريگە جۇيەدەگى پايدالانۋشىنىڭ پوزيتسياسىنان اقشا اۋدارۋعا تولەم حابارىن جاساۋدى تاپسىرادى.
وسى تارماقتا كوزدەلگەن ماقساتتار ءۇشىن پايدالانۋشى ورتالىققا ورتالىق دەپوزيتاريدىڭ دەپوزيتارلىق قىزمەت كورسەتۋ شارتىنا سايكەس جۇيەدەگى پايدالانۋشىنىڭ پوزيتسياسىنان اقشا اۋدارۋعا تولەم حابارىن جاساۋعا پايدالانۋشىنىڭ ۇسىنىلعان الدىن الا كەلىسىمى تۋرالى راستاما حاتتى ۇسىنادى. پايدالانۋشى راستاما حاتتىڭ كوشىرمەسىن ورتالىق دەپوزيتاريگە ۇسىنادى.
48. ورتالىق دەپوزيتاريدىڭ قاعيدالار جيىنتىعىندا باعالى قاعازداردى ساتۋشى مەن ساتىپ الۋشىنىڭ ورتالىق دەپوزيتاريدە اشىلعان شوتتارى بويىنشا باعالى قاعازداردى اۋدارۋدى جۇزەگە اسىرۋ كوزدەلگەن جاعدايلاردا, جۇيەدەگى اقشا پايدالانۋشى-اقشا جونەلتۋشىنىڭ پوزيتسياسىنان ورتالىق دەپوزيتاريدىڭ پوزيتسياسىنا اۋدارىلعاننان كەيىن ورتالىق دەپوزيتاري باعالى قاعازداردى ورتالىق دەپوزيتاريدە اشىلعان باعالى قاعازداردى ساتىپ الۋشىنىڭ شوتىنا اۋدارۋدى جانە ورتالىق دەپوزيتاريدىڭ پوزيتسياسىنان باعالى قاعازداردى ساتۋشى بولىپ تابىلاتىن پايدالانۋشى-بەنەفيتسياردىڭ پوزيتسياسىنا كرەديتتىك اقشا اۋدارىمىن جۇزەگە اسىرادى.
ورتالىق دەپوزيتاريدىڭ قاعيدالار جيىنتىعىندا باعالى قاعازداردى اۋدارۋ جۇزەگە اسىرىلمايتىنى كوزدەلگەن جاعدايلاردا, جۇيەدەگى اقشا پايدالانۋشى-اقشا جونەلتۋشىنىڭ پوزيتسياسىنان ورتالىق دەپوزيتاريدىڭ پوزيتسياسىنا اۋدارىلعاننان كەيىن ورتالىق دەپوزيتاري ورتالىق دەپوزيتاريدىڭ پوزيتسياسىنان پايدالانۋشى-بەنەفيتسياردىڭ پوزيتسياسىنا كرەديتتىك اقشا اۋدارىمىن جۇزەگە اسىرادى.
8. تولەم قۇجاتتارىنىڭ كەزەگى
49. كەزەكتە تۇرعان تولەم حابارلارى باسىمدىق كودتارىنا سايكەس وڭدەلەدى. باسىمدىق كودتارى شەڭبەرىندە كەزەكتەگى تولەم حابارلارى ولاردىڭ جۇيەگە ءتۇسۋ ءتارتىبى بويىنشا ورىندالادى.
50. باسىمدىق كودتارىن ورتالىق ۇلتتىق بانكپەن كەلىسىم بويىنشا پايدالانۋشىلاردىڭ الەۋمەتتىك باعىتتاعى تولەمدەردى جۇرگىزۋىن, پايدالانۋشىلاردىڭ باعالى قاعازدار نارىعىنداعى جانە قازاقستان رەسپۋبليكاسىنىڭ ۆاليۋتا نارىعىنداعى ەسەپ ايىرىسۋلارعا قاتىسۋىن, تولەم كارتوچكالارىن پايدالانا وتىرىپ جاسالعان بانكتەر اراسىنداعى جانە بانكارالىق كليرينگ جۇيەسىندەگى وپەراتسيالاردىڭ كليرينگ ناتيجەلەرى بويىنشا اقشا اۋدارىمدارىنىڭ اياقتالۋىن قامتاماسىز ەتۋدى ەسكەرە وتىرىپ ازىرلەيدى.
51. پايدالانۋشىلار تولەم حابارلارىنىڭ ورىندالۋ كەزەكتىلىگىن ورتالىق ازىرلەگەن باسىمدىق كودتارىنا سايكەس دەربەس بەلگىلەيدى.
52. كەزەكتە تۇرعان تولەم حابارىنىڭ باسىمدىعىن وزگەرتۋدى پايدالانۋشى-باستاما جاساۋشى تولەم قۇجاتىن قايتارماي باسىمدىقتى وزگەرتۋ تۋرالى اقپاراتتىق حاباردى جۇيەگە جىبەرۋ ارقىلى جۇزەگە اسىرادى.
53. ورتالىق پايدالانۋشىنىڭ پوزيتسياسى بويىنشا ءاربىر كرەديتتىك جازبادان كەيىن كەزەكتە تۇرعان تولەم حابارلارىن اكتسەپتەۋ جانە ورىنداۋ ءۇشىن پايدالانۋشىنىڭ پوزيتسياسىنا تۇسكەن اقشا سوماسىنىڭ جەتكىلىكتىلىگىن تەكسەرەدى.
54. پايدالانۋشى-باستاما جاساۋشىنىڭ كەزەكتە تۇرعان تولەم حابارلارىن قايتارۋدى پايدالانۋشى-باستاما جاساۋشى ورتالىققا تولەم حابارىن جويۋعا اقپاراتتىق حابار جىبەرۋ ارقىلى جۇزەگە اسىرادى.
ورتالىق تولەم حابارىن جويۋعا الىنعان اقپاراتتىق حاباردى وڭدەۋ ناتيجەسى وڭ بولعان جاعدايدا راسىمدەرگە سايكەس تولەمنىڭ جۇرگىزىلمەگەنى تۋرالى اقپاراتتىق حاباردى پايدالانۋشى-باستاما جاساۋشىعا جىبەرەدى.
55. ورتالىق وپەراتسيالىق كۇندى جابۋ كەزىندە جۇيەدە كەزەكتە تۇرعان پايدالانۋشىنىڭ شىعىس تولەم حابارلارى بويىنشا پايدالانۋشىنىڭ جۇيەدە قارسى تولەم حابارلارى بولعان كەزدە ءوزارا ەسەپ ايىرىسۋدى (كليرينگتى) جۇزەگە اسىرادى.
9. جۇيەدە تولەمدەردىڭ جانە (نەمەسە) اقشا اۋدارىمدارىنىڭ اياقتالۋى
56. وسى تولەم جانە (نەمەسە) اقشا اۋدارىمى پايداسىنا جۇزەگە اسىرىلعان پايدالانۋشى-بەنەفيتسياردىڭ پوزيتسياسىنا اقشا ەسەپكە الىنعاننان كەيىن تولەم جانە (نەمەسە) اقشا اۋدارىمى جۇيەدە اياقتالدى دەپ ەسەپتەلەدى.
57. پايدالانۋشى-بەنەفيتسيار راستامامەن تولەم حابارىن جانە ونىڭ پوزيتسياسىن كرەديتتەۋ تۋرالى اقپاراتتىق حاباردى العان كەزدە اقشا سوماسىن وپەراتسيالىق كۇن ىشىندە, بىراق ءوزىنىڭ كەلەسى وپەراتسيالىق كۇنىنەن كەشىكتىرمەي ماقساتى بويىنشا ءتيىستى شوتقا قابىلدايدى (ەسەپكە الادى).
58. تۇسكەن تولەم حابارىن (تولەم جانە/نەمەسە اقشا اۋدارىمى جونىندەگى نۇسقاۋ) اكتسەپتەۋدەن جانە ودان ءارى ورىنداۋدان تولەمدەر تۋرالى زاڭدا كوزدەلگەن نەگىزدەر بويىنشا باس تارتقان كەزدە پايدالانۋشى-بەنەفيتسيار تۇسكەن اقشا سوماسىن كەلەسى وپەراتسيالىق كۇننەن كەشىكتىرمەي پايدالانۋشى-جونەلتۋشىگە قايتارادى.
پايدالانۋشى-بەنەفيتسياردىڭ اقشانى پايدالانۋشى-جونەلتۋشىنىڭ پايداسىنا قايتارۋ سەبەبىن كورسەتە وتىرىپ, تولەم حابارىن جاساۋى ارقىلى اقشا سوماسى قايتارىلادى.
59. پايدالانۋشى سوتتىڭ اقشا اۋدارىمىنىڭ باستاماشىسىنا قاتىستى شىعارعان جەدەلدەتىلگەن وڭالتۋ ءراسىمىن, وڭالتۋ ءراسىمىن قولدانۋ نەمەسە بورىشكەردى بانكروت دەپ تانۋ تۋرالى شەشىمىنىڭ كوشىرمەسىن العانعا دەيىن جۇيەگە باعىتتاعان تولەمدەر جانە اقشا اۋدارىمدارى كەرى قايتارىلمايتىن جانە سوڭعى بولىپ تابىلادى, ورىنداۋعا جانە اياقتالۋعا جاتادى.
10. اقشانى جۇيەگە قابىلداۋ جانە ونى وپەراتسيالىق كۇن ىشىندە جۇيەدەن الىپ الۋ ءتارتىبى
60. ۇلتتىق بانك وپەراتسيالىق كۇن ىشىندە ورتالىق پايدالانۋشىنىڭ ۇسىنعان تولەم نۇسقاۋى نەگىزىندە پايدالانۋشىنىڭ پوزيتسياسىنا ودان ءارى ەسەپكە الۋى ءۇشىن پايدالانۋشىنىڭ كوررەسپوندەنتتىك شوتىنان ول بويىنشا قولدا بار اقشا قالدىعى شەگىندە اقشا اۋدارىمىن ۇلتتىق بانكتەگى جۇيە شوتىنا جۇزەگە اسىرادى.
61. پايدالانۋشىدا وپەراتسيالىق كۇننىڭ سوڭىندا (وپەراتسيالىق كۇن جابىلعانعا دەيىنگى 30 (وتىز) مينۋت ىشىندە) تولەم قۇجاتتارىنىڭ كەزەگى پايدا بولعان جانە پايدالانۋشىنىڭ كوررەسپوندەنتتىك شوتىندا جەتكىلىكتى اقشا سوماسى بولعان كەزدە ۇلتتىق بانك كوررەسپوندەنتتىك شوتتىڭ شارتى نەگىزىندە پايدالانۋشىنىڭ ۇلتتىق بانكىندەگى كوررەسپوندەنتتىك شوتىنان ورتالىقتاعى پايدالانۋشىنىڭ پوزيتسياسىنا اقشانى اكتسەپتسىز الىپ الۋدى جۇزەگە اسىرادى.
62. ۇلتتىق بانك پايدالانۋشىنىڭ اقشاسىن كوررەسپوندەنتتىك شوتىنان ۇلتتىق بانكتەگى جۇيە شوتىنا اۋدارعاننان كەيىن ورتالىققا پايدالانۋشىنىڭ اۋدارىلعان اقشا سوماسى جانە ونىڭ بانكتىك سايكەستەندىرۋ كودى تۋرالى اقپاراتى بار اقپاراتتىق حاباردى بەرەدى.
63. ورتالىق ۇلتتىق بانكتەن اقپاراتتىق حاباردى العاننان كەيىن ورتالىقتاعى پايدالانۋشىنىڭ جانە جۇيەنىڭ پوزيتسيالارى بويىنشا جازبا جاسايدى.
64. پايدالانۋشىنىڭ كوررەسپوندەنتتىك شوتىندا وعان قولما-قول اقشانى بەرۋ, ينكاسسولىق وكىمدەردى ورىنداۋ, سونداي-اق كوررەسپوندەنتتىك شوت شارتىنىڭ تالاپتارىنا سايكەس باسقا دا ماقساتتار ءۇشىن قاجەتتى اقشا سوماسى بولماعانى نەمەسە جەتىسپەيتىندىگى انىقتالعان كەزدە, ۇلتتىق بانك پايدالانۋشىنىڭ تولەم نۇسقاۋى نەگىزىندە نەمەسە وزدىگىنشە ورتالىققا جونەلتۋشىنىڭ نۇسقاۋىن ورىنداۋ ءۇشىن قاجەتتى سومادا جۇيەدەن پايدالانۋشىنىڭ اقشاسىن الىپ الۋ جونىندەگى اقپاراتتىق حاباردى جىبەرەدى.
65. ورتالىق ۇلتتىق بانكتەن الىنعان اقپاراتتىق حاباردىڭ نەگىزىندە اقشانىڭ قاجەتتى سوماسىنا پايدالانۋشىنىڭ جانە جۇيەنىڭ ورتالىقتاعى پوزيتسيالارى بويىنشا جازبا جاسايدى, بۇدان كەيىن ۇلتتىق بانككە اۋدارىلعان اقش
• 28 ءساۋىر, 2016
قازاقستان رەسپۋبليكاسى ۇلتتىق بانكى باسقارماسىنىڭ قاۋلىسى № 259
سوڭعى جاڭالىقتار
قوعام • كەشە
قازاقستان IT-قىزمەتتەردىڭ ەكسپورتىنان 1 ملرد دوللاردان استام تابىس تاپتى
تەحنولوگيا • كەشە
ەربول تۇياقباەۆ جاڭا قىزمەتكە تاعايىندالدى
تاعايىنداۋ • كەشە
پرەزيدەنت ەۋرازيالىق دامۋ بانكىنىڭ باسقارما توراعاسىن قابىلدادى
پرەزيدەنت • كەشە
