رەسەيدەگى قازاقتاردىڭ جاي-كۇيى قالاي؟

ماسكەۋدە دۇنيەجۇزى قازاق­تارى قاۋىمداستىعى توراعاسى­نىڭ ءبىرىنشى ورىنباسارى تالعات ماماشەۆ قازاقستاننىڭ رەسەي­دەگى توتەنشە جانە وكىلەتتى ەل­شىسى مارات تاجينمەن كەزدەستى. وندا رەسەي قازاقتارىنىڭ جانە ولار­دىڭ ۇلت­تىق مادەني ورتالىقتارىنىڭ قازىر­گى جاي-كۇيى مەن بولاشاعى تالقىلاندى. كەزدەسۋگە رەسەي قازاقتارىنىڭ فەدەرالدىق ۇلتتىق مادەني اۆتو­نومياسىنىڭ پرەزيدەنتى توقتار­باي دۇيسەنباەۆ پەن ماسكەۋ قازاقتارىنىڭ «مۇراگەر» ۇيىمىنىڭ جەتەكشىسى ەرنازار نۇريەۆ قاتىستى. رەسمي دەرەكتەر بويىنشا قازىر رەسەيدە تۇرىپ جاتقان قازاقتاردىڭ سانى 1 ميلليونعا جۋىقتايدى. ولار نەگىزىنەن قازاقستان شەكاراسى­نا تاياۋ التاي, ءنوۆوسىبىر, ومبى, چەليابى, قور­عان, ورىنبور, ساراتوۆ, ۆولگوگراد, استراحان وبلىستارىندا ور­نا­لاسقان. ال ەۋروپالىق بولىگىندەگى قازاق­تار نەگىزىنەن قالالاردا تۇرادى جانە ولاردىڭ سانى ايتارلىقتاي كوپ ەمەس. رەسەيدەگى 30-دان استام ۇلتتىق-مادەني اۆتونوميالار اراسىندا 18-ءشى بولىپ قۇرىلعان رەسەي قازاقتارىنىڭ فەدەرالدىق ۇلتتىق مادەني اۆتونومياسىنا كەلەسى جىلى 10 جىل تولعالى وتىر. وسىعان وراي مامىر ايىنىڭ العاشقى جارتىسىندا م.ءتاجين ت.دۇيسەنباەۆتى ارنايى قابىلداپ, رەسەي قازاقتارىنىڭ قازاقستانمەن مادەني جانە ەكونوميكالىق قارىم-قاتىناسىن جانداندىرۋ جايى بىرلەسىپ تالقىلاناتىن بولادى. ەرلىك ەرجان ۇلى ماسكەۋ