اقتوبە. 26 ءساۋىر. «قازحروم» تۇك» اق-نىڭ فيليالى – اقتوبە فەرروقورىتپا زاۋىتى تابيعات قورعاۋ شارالارىنا باسا ماڭىز بەرەدى. بىلتىردان بەرى كاسىپورىن وزەن – كولدەردى بالىقتاندىرۋعا اتسالىسۋدا. بۇل تۋرالى egemen.kz ءتىلشىسى حابارلادى.
بۇل باستامانى بۇدان بىلاي جىل سايىن جالعاستىرۋ كوزدەلۋدە. بيىل دا كاسىپورىن جىلداعى ءداستۇر بويىنشا اقتوبە قالاسىنىڭ ىرگەسىندەگى ەلەك وزەنىنە تەز كوبەيەتىن 46 290 ءبىر جىلدىق ۇساق تۇقى شاباقتارىن جىبەردى.وسى يگىلىكتى ءىس-شارانى ويداعىداي جۇزەگە اسىرۋعا 3,5 ميلليون تەڭگەگە جۋىق قارجى ءبولىندى.
زاۋىتتىڭ ەنەرگەتيكالىق قامتاماسىز ەتۋ باسقارماسى باستىعىنىڭ جىلۋ- ەنەرگەتيكا جونىندەگى ورىنباسارى وسەرباي قاينەكەەۆتىڭ ايتۋىنشا, وزەن - كولدەردى بالىقتاندىرۋ شاراسىنا مەتاللۋرگتەر دە ءوز ۇلەستەرىن قوسىپ, وسىمەن ەكىنشى رەت قاتىسىپ وتىر ەكەن. بىلتىر ەلەك وزەنىنە تەز وسەتىن 50 مىڭ تۇقى بالىقتارىن جىبەرسە, بيىل دا بۇل باستاما جالعاسىن تاۋىپ ۇساق شاباقتار «ارداعىم» شارۋا قوجالىعىنان الىنىپ وزەنگە جىبەرىلگەن.
بۇل كاسىپورىن قورشاعان ورتانى قورعاۋ باعىتىندا زاۋىتتاعى گازدان تازارتۋ سۇزگىلەرىن اۋىستىرۋ, ءوندىرىس ايماعىنا اعاش وتىرعىزۋ, كوگالداندىرۋ, اباتتاندىرۋ, ەكولوگيالىق ايلىقتار وتكىزۋ, سەنبىلىكتەر ۇيىمداستىرۋ سياقتى شارالاردى تۇراقتى وتكىزىپ وتىرادى. اعىمداعى جىلى زاۋىتتىڭ قورشاعان ورتانى قورعاۋ باسقارماسىنىڭ جۇمىس جوسپارىندا ەكولوگيالىق شارالاردى جۇزەگە اسىرۋعا 1782 674 مىڭ تەڭگە كولەمىندە قارجى قاراستىرىلعان.
ساتىبالدى ءساۋىرباي.
دەرەك, فوتو: egemen.kz
