قاراعاندى. 26 ءساۋىر. قىتايدا ۋرەنفۋن تۇجىرىمى بويىنشا وتكەن ەرەجەسىز جەكپە-جەك سىنىندا قاراعاندىلىق ABADAN كاسىپقوي كلۋبىنىڭ سپورتشىلارى تاماشا تابىسقا قول جەتكىزدى. بۇل تۋرالى egemen.kz ءتىلشىسى حابارلادى.
مما تۇجىرىمى بويىنشا ازيا چەمپيوناتىنىڭ كۇمىس جۇلدەگەرى التىنبەك باجيموۆ 66 كيلو سالماقتا قارسىلاسىن اۋىرتۋ ادىسىمەن جەڭدى. سونداي-اق, ABADAN كاسىپقوي كلۋبىنىڭ تاعى ءبىر مۇشەسى, 61 كيلو سالماق دارەجەسىندە ونەر كورسەتكەن دانيار قويشىبەك تە ءوز قارسىلاسىنان باسىم ءتۇستى.
ايتا كەتەيىك, التىنبەك باجيموۆ FIGHTNIGHTSGLOBAL تۇجىرىمى بويىنشا 26 مامىردا ماسكەۋدە وتەتىن جەكپە-جەككە قاتىسادى.
قايرات ءابىلدينوۆ.
دەرەك, فوتو: egemen.kz.
