وتكەن جەكسەنبى كۇنى تاڭەرتەڭ اقش-تىڭ لوس-اندجەلەس قالاسىنىڭ «فورۋم» سپورت ارەناسىندا WBA, IBF, IBO نۇسقالارى بويىنشا الەمنىڭ ورتا سالماقتاعى چەمپيونى جانە WBC ۆەرسياسى بويىنشا ۋاقىتشا اتاق يەگەرى گەننادي گولوۆكين ءوزىنىڭ كاسىپقويلار رينگىندەگى 35-ءشى جەكپە-جەگىنە شىعىپ, كەزەكتى جەڭىسىنە جەتتى. وسىلايشا كىل ۇتىستاردان تۇراتىن سەرياسىن ودان ءارى جالعاستىرعان قازاقستاندىق داڭقتى بىلعارى قولعاپ شەبەرى بۇل كۇنى امەريكالىق دومينيك ۋايتتى 2-راۋندتىڭ باس جاعىندا-اق نوكاۋتقا جىبەردى. ءسويتىپ, مەرزىمىنەن بۇرىن بىتىرگەن شايقاستارى سانىن 32-گە تولتىردى. سونىڭ ىشىندە سوڭعى 22 ۇرىسىن قاتارىنان تۇگەل نوكاۋتپەن اياقتادى.
شىنى كەرەك, 34 جاستاعى گەننادي گولوۆكيننىڭ IBF بولجامى چەمپيوندىعىنان 26 جاسار مىندەتتى ۇمىتكەر دومينيك ۋايتتى وتە-موتە تەز ىسكە العىسىز ەتىپ تاستاۋى كوپشىلىگىمىز ءۇشىن كۇتپەگەن وقيعا بولدى. ولاي بولاتىنى, تاپ وسى ايقاستىڭ قارساڭىندا قازاقستاندىق تارلاننىڭ بۇعان دەيىن شارشى الاڭعا 18 رەت كوتەرىلىپ, سونىڭ بارىندە جەڭىسكە جەتكەن جانە ولاردىڭ 12-ءسىن نوكاۋتپەن تياناقتاعان قارسىلاسىنىڭ وڭاي شاعىلا سالاتىن جاڭعاق ەمەس ەكەنى تۋرالى ءارالۋان اۋقىمداعى اڭگىمەلەر كوپ قوزعالعان. مۇنىڭ ۇستىنە, ءوز ەلىندە ونەر كورسەتەتىن ۋايتتىڭ جەرگىلىكتى جانكۇيەرلەردىڭ قۋاتتى قولداۋىنا ارقا سۇيەپ, بارىن سالاتىنى دا قاپەردەن قاعاس قالعان جوق. سوعان قاراماستان, قازاقستاندىق سپورتسۇيەر قاۋىم اراسىندا گولوۆكيننىڭ جەڭىس تويىن تويلايتىنىنا كۇمان كەلتىرگەن كورەرمەننىڭ كەزدەسپەگەنىن دە ايتا كەتۋىمىز كەرەك. بىراق ۇرىستىڭ ۇزىن-ىرعاسى بۇلايشا باستالماي جاتىپ, بايانىنا جەتىپ تىناتىنىن ءبىزدىڭ ەڭ ءبىر الىپ-ۇشپا كورەگەندەرىمىزدىڭ وزدەرى كۇنى بۇرىن ءدوپ باسىپ, دىتتەپ ايتا الماعان. جۇرتتىڭ باسىم كوپشىلىگى سوندا سايىسقا ۇكىلەپ قوسىپ وتىرعان سايىپقىراندارى جەتىنشى راۋندتىڭ شاماسىندا شارشى الاڭنىڭ شاڭىن شىعاراتىنىنا شيىرلاپ توقتاعان. الايدا, اۋىل وزىنىكى بولسا دا, ايباتىن وزىنە قاراتا الماعان امەريكالىق سپورتشى شۋ دەگەننەن-اق GGG-ءنىڭ تەمىردەي تەگەۋرىنىنە توتەپ بەرمەسىن تانىتىپ قويدى.
جەكپە-جەك ەكى بوكسشىنىڭ ءبىر-بىرىنە بارلاۋ جاساپ, بايقاپ كورگەن باياۋ قيمىلدارىنان باستالعانىمەن, كوپ ۇزاماي گەننادي بىرتىندەپ تىزگىندى تۋىرلاپ, ءوز قولىنا الا بەردى. وسى تۇستا ءبىزدىڭ التىن ايدار, شوق بەلبەۋلى جىگىتىمىز دەگدىسى قايتپاس ءدۇلەي كۇشتىڭ ەگەسى ەكەنىن ءالسىن-ءالسىن الەمەتتەپ ءبىلدىرىپ تۇردى. ونىڭ سۋىلىنان سۋىق لەپ ساۋلاعان سۇراپىل سوققىلارى ءارى-بەرىدەن سوڭ قارسىلاسىنىڭ دىگەرىن الىپ, دەگبىرىن قاشىرا باستادى. اقىرى سول قۇيىنداي ۇيىتقىعان زىمىران زارداپتاردىڭ ءبىرى ادەپكى راۋندتىڭ سوڭعى ساتتەرىندە سودەگەي ءجۇرىس, سولەكەت قيمىلدان اسا الماعان دومينيكتى جازىق جەردە جالپ ەتكىزىپ, باۋداي دومالاتىپ ءتۇسىردى. ونىڭ ەرتەلى-كەشتى ەڭبەگىن ەش, جىگەرىن قۇم ەتىپ كەتۋدەن سونىڭ سوڭىن الا ىلە-شالا سوعىلعان گونگ قۇتقارىپ جىبەردى. ايتكەنمەن, ەكىنشى راۋند باسىنداعى ەن-اپات ۋاقىت ۋايتتىڭ وتتاي وراقشى, جاۋداي قاراقشى بولىپ انداعايلاپ جاۋعان قالىڭ سوققىلاردان امان شىعۋىنا ىرىق بەرمەدى. بۇل ارالىقتا ۇيدەي جەرگە قازىق قاعىپ, كولەڭكەسىنە بۇزاۋ بايلاتقانداي ەركىن تىرلىكتى ەندەي كەشكەن ول القىمىنا ايتارلىقتاي كوپ مەزگىل سالماي, ءۆيزاۆيىن تاعى ەكى رەت مۇرتتاي ۇشىرىپ ءتۇسىردى. الاڭداعى اربيتر مۇنىڭ ءبىرىنشى پايتىندە بوكسشىنىڭ جۇدىرىق سىلتەسكەن مۇقىلاش مەسەلىن جالعاستىرۋىنا مۇرسات بەرسە, كەلەسىسىندە كەلەسى كەلمەي تۇرعانىن انىق اڭعارىپ, ونىڭ ساۋلىعىنا سالاۋات تىلەپ, ايقاستى بىردەن توقتاتا قويدى. نوكاۋت! قۇلاي-جاتىستىڭ اۋەلگى ەكەۋى نوكداۋن سانالسا, سوڭعىسى تازا نوكاۋت بولدى. ءسويتىپ, كۇنى بويى زالدىڭ ءىشىن دۋىلىمەن جاڭعىرىقتىرىپ, كەنەۋدەي كەرنەتىپ كەلگەن جەرگىلىكتى جانكۇيەرلەر كۇلكىلەرىنىڭ ەرنىن كەزەرتىپ, ءاپ-ساتتە پىشاق كەسكەندەي كىلت كىدىرتتى. ەندى ءسىلتىدەي تىنعان تىنىشتىق اۋانىن قازاقستاندىق فاناتتار قاۋىمى بۇزىپ-جارىپ, تىكەسىنەن تىك كوتەرىپ اكەتتى.
بۇل ءبىر جاعى گەننادي گولوۆكيننىڭ بيىلعى ماۋسىمداعى ءبىرىنشى ۇرىسى ەدى. ول مۇنىڭ الدىندا سوڭعى رەت بۇدان التى اي بۇرىن, وتكەن جىلدىڭ قازان ايىندا رينگكە شىعىپ, كانادالىق داۆيد لەمەمەن قولعاپ تۇيىستىرگەن. وندا دا شايقاس باستالماي تۇرىپ, قارسىلاسى ءبىراز ايبات شەگىپ باققان. بىراق بارىن اسىنىپ, باقانىن تايانىپ كەلگەن بوكسشىنى گەنا ءبىرىنشى راۋندتان باستاپ تاۋبەسىنە كەلتىرىپ, تاۋىنە جىعىلدىرعانداي بولعان. دەگەنمەن, ءبىزدىڭ باتىردىڭ باسىمدىعىمەن وتكەن جەكپە-جەك توعىزىنشى راۋندقا دەيىن جەتىپ, لەمەنىڭ نوكاۋتقا ءتۇسىپ قالۋىمەن تۇگەسىلگەن. جالپى, گولوۆكيننىڭ كەزدەسۋدى بەلگىلەنگەن ۋاقىتىنىڭ شەگىنە شەيىن جەتكىزۋدى قويعانىنا قازىر تۋرا سەگىز جىل بولىپتى. ول سوڭعى رەت 2008 جىلى امار اماريمەن ۇشىراسقانىندا عانا بارلىق توعىز راۋندتىڭ اقىرىنا بارىپتى. ال سودان ەكى جىل بۇرىن, ياعني 2006 جىلى كاسىپقويلار اياسىنداعى مانسابىن باستاپ كەتكەن بوكسشى وسى كەزگە دەيىن 156 راۋندتا اتوي سالعان ەكەن. سوندا ورتا ەسەپپەن ءار شايقاسىن 4,4 راۋندتا اياقتاپ وتىرعان. سول ايقاستاردا ونىڭ الدىندا قاۋقارسىزدىق تانىتقاندار ساپىندا ۆيللي مونرو-كىشىسى, ماركو انتونيو رۋبيو, مارتين ميۋررەي, دانيەل گيل, مەتتيۋ ماكلين سەكىلدى بوكس الەمىنە اتتارى ءماشھۇر بەلگىلى سايىسكەرلەر بولدى.
گەننادي گولوۆكين وسىمەن ءوزىنىڭ اتاعىن 15-ءشى مارتە قورعاپ شىقتى. ۇرىس «قاراعاندى قابىلانىنىڭ» بارىنشا باسىمدىلىعىمەن وتكەنىن ەرسىلى-قارسىلى شوت قاققان ستاتيستيكا ماماندارى دا ايقىنداپ بەردى. Compubox مالىمەتتەرى بويىنشا, ەكى راۋندقا تولار-تولماس مەرزىم ىشىندە گەننادي 133 سوققى جاساپ ۇلگەرىپتى. سونىڭ 54-ءى, ياعني 40,6 پايىزى قارسىلاسىن كوكالا قويداي ەتۋگە جەتىپ جاتتى. ونىڭ ىشىندە GGG 71 دجەبتىڭ 24-ءىن, ياكي 33,8 پايىزىن باسەكەلەسىنە ءدوپ تيگىزسە, 62 رەت سىلتەگەن قاتتى سوققىسىنىڭ 30-ى كوزدەگەن كوبەسىن كوسىپ وتكەن. مۇنىڭ ءبارى ۋايتتىڭ كورسەتكىشىنەن كوپ ىلگەرى. ونىڭ جالپى سوققىسىنىڭ سانى گولوۆكيننىڭ مولشەرىنىڭ جارتىسىنان ءسال عانا اسادى – 75. بىراق ءدال تيۋ دەڭگەيى ءتىپتى تومەن, نەبارى 29,3 پايىزعا عانا جەتكەن. مۇنى سوڭىندا وتكەن ءباسپاسوز ءماسليحاتىندا دومينيكتىڭ ءوزى دە ەش مەكەرسىز مويىندادى. «گولوۆكيننىڭ كۇشى – شىنايى كۇش, ول – ۇلى چەمپيون. بوكسشى مەن كۇتكەننەن دە مىقتى بولىپ شىقتى. مەن رينگتە ءوزىمدى تانىتۋعا تىرىسىپ-اق باقتىم. بىراق ونىڭ سوققىسى تيگەننەن كەيىن مۇنى جاساۋدىڭ قيىن ەكەنىن تۇسىنە ءتۇستىم. ەندى ونىڭ وسى قالپىندا چەمپيون بولىپ تۇرا بەرۋى ءۇشىن بارلىق مۇمكىندىكتەرى بار», دەدى ول.
ەڭ سوڭىندا. ۇرىس باستالار الدىندا بوكسشىلار سالماقتارىن ولشەگەن ەدى. وندا قازاقستاندىق بوكسشىنىڭ قارسىلاسىنا قاراعاندا جەڭىلدەۋ ەكەنى انىقتالدى. سول سياقتى گولوۆكيننىڭ وسى جەڭىسى ارقىلى 2 ميلليون, ال ۋايتتىڭ 500 مىڭ دوللار اقى الاتىنى دا جاريا ەتىلدى.
ايتقانداي, وسى ۇرىس ءبىتكەن بويدا بۇكىلالەمدىك بوكس اسسوتسياتسياسىنىڭ (WBA) باسشىسى حيلبەرتو كىشى-مەندوسا ءمالىمدەگەندەي, گولوۆكيننىڭ ەندىگى قارسىلاسى مەكسيكالىق ساۋل «كانەلو» الۆارەس پەن بريتانيالىق امير حاننىڭ ۇتقانى نەمەسە امەريكالىق دانيەل دجەيكوب بولادى.
سەرىك ءپىرنازار,
«ەگەمەن قازاقستان»
وتكەن جەكسەنبى كۇنى تاڭەرتەڭ اقش-تىڭ لوس-اندجەلەس قالاسىنىڭ «فورۋم» سپورت ارەناسىندا WBA, IBF, IBO نۇسقالارى بويىنشا الەمنىڭ ورتا سالماقتاعى چەمپيونى جانە WBC ۆەرسياسى بويىنشا ۋاقىتشا اتاق يەگەرى گەننادي گولوۆكين ءوزىنىڭ كاسىپقويلار رينگىندەگى 35-ءشى جەكپە-جەگىنە شىعىپ, كەزەكتى جەڭىسىنە جەتتى. وسىلايشا كىل ۇتىستاردان تۇراتىن سەرياسىن ودان ءارى جالعاستىرعان قازاقستاندىق داڭقتى بىلعارى قولعاپ شەبەرى بۇل كۇنى امەريكالىق دومينيك ۋايتتى 2-راۋندتىڭ باس جاعىندا-اق نوكاۋتقا جىبەردى. ءسويتىپ, مەرزىمىنەن بۇرىن بىتىرگەن شايقاستارى سانىن 32-گە تولتىردى. سونىڭ ىشىندە سوڭعى 22 ۇرىسىن قاتارىنان تۇگەل نوكاۋتپەن اياقتادى.
شىنى كەرەك, 34 جاستاعى گەننادي گولوۆكيننىڭ IBF بولجامى چەمپيوندىعىنان 26 جاسار مىندەتتى ۇمىتكەر دومينيك ۋايتتى وتە-موتە تەز ىسكە العىسىز ەتىپ تاستاۋى كوپشىلىگىمىز ءۇشىن كۇتپەگەن وقيعا بولدى. ولاي بولاتىنى, تاپ وسى ايقاستىڭ قارساڭىندا قازاقستاندىق تارلاننىڭ بۇعان دەيىن شارشى الاڭعا 18 رەت كوتەرىلىپ, سونىڭ بارىندە جەڭىسكە جەتكەن جانە ولاردىڭ 12-ءسىن نوكاۋتپەن تياناقتاعان قارسىلاسىنىڭ وڭاي شاعىلا سالاتىن جاڭعاق ەمەس ەكەنى تۋرالى ءارالۋان اۋقىمداعى اڭگىمەلەر كوپ قوزعالعان. مۇنىڭ ۇستىنە, ءوز ەلىندە ونەر كورسەتەتىن ۋايتتىڭ جەرگىلىكتى جانكۇيەرلەردىڭ قۋاتتى قولداۋىنا ارقا سۇيەپ, بارىن سالاتىنى دا قاپەردەن قاعاس قالعان جوق. سوعان قاراماستان, قازاقستاندىق سپورتسۇيەر قاۋىم اراسىندا گولوۆكيننىڭ جەڭىس تويىن تويلايتىنىنا كۇمان كەلتىرگەن كورەرمەننىڭ كەزدەسپەگەنىن دە ايتا كەتۋىمىز كەرەك. بىراق ۇرىستىڭ ۇزىن-ىرعاسى بۇلايشا باستالماي جاتىپ, بايانىنا جەتىپ تىناتىنىن ءبىزدىڭ ەڭ ءبىر الىپ-ۇشپا كورەگەندەرىمىزدىڭ وزدەرى كۇنى بۇرىن ءدوپ باسىپ, دىتتەپ ايتا الماعان. جۇرتتىڭ باسىم كوپشىلىگى سوندا سايىسقا ۇكىلەپ قوسىپ وتىرعان سايىپقىراندارى جەتىنشى راۋندتىڭ شاماسىندا شارشى الاڭنىڭ شاڭىن شىعاراتىنىنا شيىرلاپ توقتاعان. الايدا, اۋىل وزىنىكى بولسا دا, ايباتىن وزىنە قاراتا الماعان امەريكالىق سپورتشى شۋ دەگەننەن-اق GGG-ءنىڭ تەمىردەي تەگەۋرىنىنە توتەپ بەرمەسىن تانىتىپ قويدى.
جەكپە-جەك ەكى بوكسشىنىڭ ءبىر-بىرىنە بارلاۋ جاساپ, بايقاپ كورگەن باياۋ قيمىلدارىنان باستالعانىمەن, كوپ ۇزاماي گەننادي بىرتىندەپ تىزگىندى تۋىرلاپ, ءوز قولىنا الا بەردى. وسى تۇستا ءبىزدىڭ التىن ايدار, شوق بەلبەۋلى جىگىتىمىز دەگدىسى قايتپاس ءدۇلەي كۇشتىڭ ەگەسى ەكەنىن ءالسىن-ءالسىن الەمەتتەپ ءبىلدىرىپ تۇردى. ونىڭ سۋىلىنان سۋىق لەپ ساۋلاعان سۇراپىل سوققىلارى ءارى-بەرىدەن سوڭ قارسىلاسىنىڭ دىگەرىن الىپ, دەگبىرىن قاشىرا باستادى. اقىرى سول قۇيىنداي ۇيىتقىعان زىمىران زارداپتاردىڭ ءبىرى ادەپكى راۋندتىڭ سوڭعى ساتتەرىندە سودەگەي ءجۇرىس, سولەكەت قيمىلدان اسا الماعان دومينيكتى جازىق جەردە جالپ ەتكىزىپ, باۋداي دومالاتىپ ءتۇسىردى. ونىڭ ەرتەلى-كەشتى ەڭبەگىن ەش, جىگەرىن قۇم ەتىپ كەتۋدەن سونىڭ سوڭىن الا ىلە-شالا سوعىلعان گونگ قۇتقارىپ جىبەردى. ايتكەنمەن, ەكىنشى راۋند باسىنداعى ەن-اپات ۋاقىت ۋايتتىڭ وتتاي وراقشى, جاۋداي قاراقشى بولىپ انداعايلاپ جاۋعان قالىڭ سوققىلاردان امان شىعۋىنا ىرىق بەرمەدى. بۇل ارالىقتا ۇيدەي جەرگە قازىق قاعىپ, كولەڭكەسىنە بۇزاۋ بايلاتقانداي ەركىن تىرلىكتى ەندەي كەشكەن ول القىمىنا ايتارلىقتاي كوپ مەزگىل سالماي, ءۆيزاۆيىن تاعى ەكى رەت مۇرتتاي ۇشىرىپ ءتۇسىردى. الاڭداعى اربيتر مۇنىڭ ءبىرىنشى پايتىندە بوكسشىنىڭ جۇدىرىق سىلتەسكەن مۇقىلاش مەسەلىن جالعاستىرۋىنا مۇرسات بەرسە, كەلەسىسىندە كەلەسى كەلمەي تۇرعانىن انىق اڭعارىپ, ونىڭ ساۋلىعىنا سالاۋات تىلەپ, ايقاستى بىردەن توقتاتا قويدى. نوكاۋت! قۇلاي-جاتىستىڭ اۋەلگى ەكەۋى نوكداۋن سانالسا, سوڭعىسى تازا نوكاۋت بولدى. ءسويتىپ, كۇنى بويى زالدىڭ ءىشىن دۋىلىمەن جاڭعىرىقتىرىپ, كەنەۋدەي كەرنەتىپ كەلگەن جەرگىلىكتى جانكۇيەرلەر كۇلكىلەرىنىڭ ەرنىن كەزەرتىپ, ءاپ-ساتتە پىشاق كەسكەندەي كىلت كىدىرتتى. ەندى ءسىلتىدەي تىنعان تىنىشتىق اۋانىن قازاقستاندىق فاناتتار قاۋىمى بۇزىپ-جارىپ, تىكەسىنەن تىك كوتەرىپ اكەتتى.
بۇل ءبىر جاعى گەننادي گولوۆكيننىڭ بيىلعى ماۋسىمداعى ءبىرىنشى ۇرىسى ەدى. ول مۇنىڭ الدىندا سوڭعى رەت بۇدان التى اي بۇرىن, وتكەن جىلدىڭ قازان ايىندا رينگكە شىعىپ, كانادالىق داۆيد لەمەمەن قولعاپ تۇيىستىرگەن. وندا دا شايقاس باستالماي تۇرىپ, قارسىلاسى ءبىراز ايبات شەگىپ باققان. بىراق بارىن اسىنىپ, باقانىن تايانىپ كەلگەن بوكسشىنى گەنا ءبىرىنشى راۋندتان باستاپ تاۋبەسىنە كەلتىرىپ, تاۋىنە جىعىلدىرعانداي بولعان. دەگەنمەن, ءبىزدىڭ باتىردىڭ باسىمدىعىمەن وتكەن جەكپە-جەك توعىزىنشى راۋندقا دەيىن جەتىپ, لەمەنىڭ نوكاۋتقا ءتۇسىپ قالۋىمەن تۇگەسىلگەن. جالپى, گولوۆكيننىڭ كەزدەسۋدى بەلگىلەنگەن ۋاقىتىنىڭ شەگىنە شەيىن جەتكىزۋدى قويعانىنا قازىر تۋرا سەگىز جىل بولىپتى. ول سوڭعى رەت 2008 جىلى امار اماريمەن ۇشىراسقانىندا عانا بارلىق توعىز راۋندتىڭ اقىرىنا بارىپتى. ال سودان ەكى جىل بۇرىن, ياعني 2006 جىلى كاسىپقويلار اياسىنداعى مانسابىن باستاپ كەتكەن بوكسشى وسى كەزگە دەيىن 156 راۋندتا اتوي سالعان ەكەن. سوندا ورتا ەسەپپەن ءار شايقاسىن 4,4 راۋندتا اياقتاپ وتىرعان. سول ايقاستاردا ونىڭ الدىندا قاۋقارسىزدىق تانىتقاندار ساپىندا ۆيللي مونرو-كىشىسى, ماركو انتونيو رۋبيو, مارتين ميۋررەي, دانيەل گيل, مەتتيۋ ماكلين سەكىلدى بوكس الەمىنە اتتارى ءماشھۇر بەلگىلى سايىسكەرلەر بولدى.
گەننادي گولوۆكين وسىمەن ءوزىنىڭ اتاعىن 15-ءشى مارتە قورعاپ شىقتى. ۇرىس «قاراعاندى قابىلانىنىڭ» بارىنشا باسىمدىلىعىمەن وتكەنىن ەرسىلى-قارسىلى شوت قاققان ستاتيستيكا ماماندارى دا ايقىنداپ بەردى. Compubox مالىمەتتەرى بويىنشا, ەكى راۋندقا تولار-تولماس مەرزىم ىشىندە گەننادي 133 سوققى جاساپ ۇلگەرىپتى. سونىڭ 54-ءى, ياعني 40,6 پايىزى قارسىلاسىن كوكالا قويداي ەتۋگە جەتىپ جاتتى. ونىڭ ىشىندە GGG 71 دجەبتىڭ 24-ءىن, ياكي 33,8 پايىزىن باسەكەلەسىنە ءدوپ تيگىزسە, 62 رەت سىلتەگەن قاتتى سوققىسىنىڭ 30-ى كوزدەگەن كوبەسىن كوسىپ وتكەن. مۇنىڭ ءبارى ۋايتتىڭ كورسەتكىشىنەن كوپ ىلگەرى. ونىڭ جالپى سوققىسىنىڭ سانى گولوۆكيننىڭ مولشەرىنىڭ جارتىسىنان ءسال عانا اسادى – 75. بىراق ءدال تيۋ دەڭگەيى ءتىپتى تومەن, نەبارى 29,3 پايىزعا عانا جەتكەن. مۇنى سوڭىندا وتكەن ءباسپاسوز ءماسليحاتىندا دومينيكتىڭ ءوزى دە ەش مەكەرسىز مويىندادى. «گولوۆكيننىڭ كۇشى – شىنايى كۇش, ول – ۇلى چەمپيون. بوكسشى مەن كۇتكەننەن دە مىقتى بولىپ شىقتى. مەن رينگتە ءوزىمدى تانىتۋعا تىرىسىپ-اق باقتىم. بىراق ونىڭ سوققىسى تيگەننەن كەيىن مۇنى جاساۋدىڭ قيىن ەكەنىن تۇسىنە ءتۇستىم. ەندى ونىڭ وسى قالپىندا چەمپيون بولىپ تۇرا بەرۋى ءۇشىن بارلىق مۇمكىندىكتەرى بار», دەدى ول.
ەڭ سوڭىندا. ۇرىس باستالار الدىندا بوكسشىلار سالماقتارىن ولشەگەن ەدى. وندا قازاقستاندىق بوكسشىنىڭ قارسىلاسىنا قاراعاندا جەڭىلدەۋ ەكەنى انىقتالدى. سول سياقتى گولوۆكيننىڭ وسى جەڭىسى ارقىلى 2 ميلليون, ال ۋايتتىڭ 500 مىڭ دوللار اقى الاتىنى دا جاريا ەتىلدى.
ايتقانداي, وسى ۇرىس ءبىتكەن بويدا بۇكىلالەمدىك بوكس اسسوتسياتسياسىنىڭ (WBA) باسشىسى حيلبەرتو كىشى-مەندوسا ءمالىمدەگەندەي, گولوۆكيننىڭ ەندىگى قارسىلاسى مەكسيكالىق ساۋل «كانەلو» الۆارەس پەن بريتانيالىق امير حاننىڭ ۇتقانى نەمەسە امەريكالىق دانيەل دجەيكوب بولادى.
سەرىك ءپىرنازار,
«ەگەمەن قازاقستان»
سوڭعى جاڭالىقتار
كۇشتى ۇيلەستىرۋ – وزىق تاجىريبە
ايماقتار • كەشە
ۇلاندىقتار بالانى اجالدان امان الىپ قالدى
قوعام • كەشە
بەكزات الماحاننىڭ UFC-دەگى قارسىلاسى انىقتالدى
سپورت • كەشە
«ادىلەت» پارتياسىن قۇرۋعا رەسمي قادام جاسالدى
ساياسات • كەشە
ءبيبىسارا اساۋباەۆا كوش باسىنا شىقتى
شاحمات • كەشە
45 قالادا كارىز جۇيەسىن سالۋ جانە جاڭارتۋ جۇمىستارى جۇرگىزىلەدى
ايماقتار • كەشە
الاياقتىقتىڭ الدىن الۋ: ۇستازدار اراسىندا ارنايى اكتسيا ۇيىمداستىرىلدى
زاڭ مەن ءتارتىپ • كەشە
