وڭتۇستىك كورەيا كەلىسسوزگە كەلىسىم بەردى

وڭتۇستىك كورەيا باسشىلىعى كورەيا حا­لىق-دەموكراتيالىق رەسپۋبليكاسىنا ەكى ەلدىڭ قورعانىس مينيسترلەرى دەڭگەيىندە كە­لىسسوز جۇرگىزۋدى باستاۋ تۋرالى ۇسىنىس ءبىلدىردى. ءوز كەزەگىندە سولتۇستىك كورەيا تارابى دا ەكى جاقتىڭ ءومىرىن ۋلاندىرعان وتكىر پروبلەمالاردىڭ تىگىسىن جاتقىزۋعا دايىن ەكەنىن مالىمدەدى. 12 قاڭتاردا سەۋل پحەنيانمەن قىزىل كرەست جانە تىكەلەي تەلەفون ارقىلى بايلانىستى جانداندىرۋعا كەلىسكەن ەدى. ال ەكى كورەيا اراسىنداعى بايلانىس 2010 جىلدىڭ مامىرىندا سارى تەڭىزدە وڭتۇستىك كورەيانىڭ اسكەري كورابلى سۋعا باتىپ كەتكەننەن كەيىن توقتاتىلعان بولاتىن. سەۋل بۇعان پحەنياندى كىنالاعان ەدى. مۇنىڭ سوڭى قىستىڭ باسىندا ەكى جاقتى اتىسقا ۇلاسقانى تاعى ءمالىم. وباما ەكىنشى مەرزىمگە ەسىك قاقپاق اقش پرەزيدەنتى باراك وباما 2012 جى­لى ەكىنشى مەرزىمگە سايلانۋعا نيەتتى ەكەنىن ءبىلدىرىپ قالعان سىڭايلى. قازىرگى پرەزي­دەنت­تىڭ مۇنداي جوسپارلارىمەن اق ءۇيدىڭ باسپ­ا­سوز حاتشىسى روبەرت گيببس ءبولىسىپ وتىر. ساراپشىلار دەموكراتتاردان كانديدات وبامانىڭ قايتا سايلا­نۋ­عا باستى ۋاجدەرى دەنساۋلىق ساقتاۋ سالاسىنداعى رەفورمانى ايا­عىنا دەيىن جەتكىزۋ, ەل اسكەرلەرىن يراكتان شىعارۋ, اقش-تىڭ اسكە­ري ميسسياسىن اۋعانستاندا جالعاستىرۋ, سونداي-اق وباما اكىم­شىلىگىنىڭ الەمدىك قارجى داعدارىسى كەزىندەگى ۇتىمدى ءىس-ارەكەتتەرى بولماق دەپ سانايدى. رەسەيلىك زەينەتكەردى ساتقىن دەپ تاپتى جاقىندا وزبەكستاندا 63 جاستاعى رەسەيلىك زەينەتكەر يۋري كورەپانوۆ سوتتال­عان كورىنەدى. ول تاشكەنتتە تۇراتىن ۇلى­نىڭ ۇيىنە قوناققا كەلسە كەرەك. ال جەرگىلىكتى بيلىك رەسەي ازاماتىن «وتانىنا ساتقىندىق جاسادى» دەپ ايىپتاعان. اتاپ كورسەتەتىن ءجايت – سۆەردلوۆ وبلىسىنىڭ تۋماسى يۋ.كورەپانوۆ كسرو ۋاقىتىندا وزبەكستاندا اسكەري قىزمەت اتقارىپ, وسى ەلدە 40 جىل تۇرعان. 2003 جىلى رەسەي ازاماتتىعىن الىپ, تاريحي وتانىنا قايتا ورالعان. وزبەكستان بيلىگى يۋ.كورەپانوۆقا وتانىن ساتتى دەگەندە ونى ءوز ازاماتى سانايتىنداي. جانە ءبىر اتاپ وتەرلىگى – سوت جابىق ەسىك جاعدايىندا وتكەندىكتەن, رەسەيلىك زەينەتكەرگە ناقتى قانداي كىنا تاعىلعانى بەيمالىم. «بوستاندىق فلوتيلياسىن» قارالاپ وتىر يزرايل گازا سەكتورىنا جۇك جەتكىزبەكشى بول­عان «بوستاندىق فلوتيلياسىن» شا­بۋ­ىل­دا­عاندا حالىقارالىق قۇقىق نور­ما­لا­رىن بۇز­عان جوق. مۇنداي كەسىمدى شەشىمدى وسى وقي­عا­نى تەكسەرگەن يزرايلدىك كوميسسيا شىعارىپ وتىر. 2010 جىلعى مامىر ايىنىڭ سوڭىندا اتالعان فلوتيليانى باسىپ الۋ بارىسىندا 9 تۇرىك ازاماتى ولتىرىلگەنى بەلگىلى. وقيعانى حالىق­ارا­لىق قوعامداستىقتىڭ جان-جاقتى جازعىرعانى دا جاسىرىن ەمەس. بىراق جەرگىلىكتى كوميسسيا وزىمىزدىكى دۇرىس دەپ حالىقارالىق قوعام­داس­تىققا جار سالعاندا, جارانىڭ بەتى اشىلماسا, جازىلا قويار ما ەكەن؟! يراكتا تىنىش ءومىر ورناماي تۇر يراكتىڭ كەربەلا قالاسىنداعى قوسار­لان­عان لاڭكەستىك سالدارىنان كەم دەگەندە 45 ادام قازا تاپتى. كەربەلا پروۆينتسياسى زاڭ شىعارۋ جينالىسىنىڭ سپيكەرى مۇ­حام­مەد حاميد ءال-مۇساۋي تەررورشى­لار­دىڭ قالانىڭ قارسى بەتتەرىندەگى كوشە­لەر­دە ەكى ءاۆتوموبيلدى جارعانىن حابارلادى. لاڭكەستىك شيتتەردىڭ يمامى حۋسەيننىڭ قازا بولعان كۇنىنە 40 كۇن تولۋىنا ورايلاستىرىپ جاسالعان. ول VII عاسىردا سۇننيتتەر, ياعني شيتتەردىڭ جاۋلارىنىڭ قولىنان وپات بولعان كورىنەدى. جىل سايىن وسى ۋاقىتتا شيتتەر ءۇشىن قاسيەتتى قالا سانالاتىن كەربەلاعا يراك پەن وزگە دە ەلدەردەن جۇزدەگەن مىڭ تاعزىم ەتۋشىلەر جينالادى ەكەن. ەۋروپارلامەنت سانكتسيا ەنگىزۋگە شاقىردى ەۋروپارلامەنت بەلارۋس بيلىگىنە قار­سى شۇعىل تۇردە سانكتسيا ەنگىزۋ تۋرالى قارار قابىلدادى. اتاپ ايتقاندا, دەپۋتاتتار بەلارۋس باسشىلىعىنا, سونداي-اق قۇقىق قورعاۋ ورگاندارى قىزمەت­كەر­لەرى مەن سۋديالارعا ەۋروپا ۆيزاسىن بەرۋگە تىيىم سالۋدى جانە ەلگە قارجىلاي كومەك كورسەتۋدى توقتاتۋدى ۇسىنىپ وتىر. ەۋروپارلامەنت وكىلدەرىنىڭ پىكىرىنشە, بۇعان بەلارۋس وپپو­زيتسياسىن قۋعىنداۋ سەبەپ بولىپ تابىلادى. ال سانكتسيا ەنگىزىلگەن جاعدايدا تۇتقىندا وتىرعان وپپوزيتسيونەرلەر تۇگەل بوساتىلعانشا كۇشىندە بولۋى ءتيىس. جالپى, پرەزيدەنتتىك سايلاۋ ناتيجەسىنە نارازىلىق ءبىلدىرىپ, وتكەن جىلدىڭ 19 جەلتوقسانىندا تۇتقىن­دالعانداردىڭ كوپشىلىگى بوستاندىققا شىعارىلعان بولاتىن. بۇگىندە قاماۋدا 30 ادام قالىپ وتىر. عاسىر ۇرلىعىن ۇيىمداستىرعان ۇستالدى فرانتسيا پوليتسياسى 67 جاستاعى جاك كاسساندريدى تۇت­قىنعا الدى. ول وسىدان 30 جىل بۇرىن نيتستسە قالاسىنداعى So­ciete Generale بانكىن توناۋدى ۇيىمداستىردى دەپ ايىپ­تا­لۋدا. 1976 جىلدىڭ 18 شىلدەسىندە جاسالعان قىلمىس كۇنى بۇگىنگە دەيىن ناقتى اشىلماعان ەدى. وڭاي جولمەن اقشا تاپپاق بولعان توپ نيتستسەدەگى اسا ءىرى بانك­تەردىڭ ءبىرىنىڭ استىن ۇڭگىپ قازىپ, دىتتەگەن ماقساتتارىنا قول جەتكىزگەن ەدى. ال ۇرلىقتىڭ ءوزى ابدەن بۇگە-شىگەسىنە دەيىن جوس­پار­لانعانى انىق-تىن. ءسويتىپ, باۋكەسپەلەردىڭ «ولجاسى» 50 ميلليون فرانكتى (قازىرگى ەكونوميكالىق جاعدايدا 30 ميلليون ەۋرو شا­ماسىندا) قۇراعان ەدى. قىسقا قايىرىپ ايتقاندا رەسەي پرەزيدەنتى دميتري مەدۆەدەۆ تاۋەلسىز پالەستينا مەملەكەتىن 1967 جىلعى شەكارا نەگىزىندە بەلگىلەپ قۇرۋ ءجون بولادى دەگەن كوزقاراس ءبىلدىردى. ريم پاپاسى بەنەديكت XVI-نىڭ ون سەگىز تىلگە اۋدارىلعان سۇحباتتارىنىڭ جيناعى كاتوليكتەر كوپ قونىستانعان ەلدەردە ميلليون دانامەن تاراپ, ساتىلدى. ماسكەۋدىڭ بۇرىنعى مەرى يۋري لۋج­كوۆ­قا لاتۆيادا تۇرۋعا رۇقسات بەرىلمەدى. وسىلاي بولۋى ىق­تيمال ەكەنى, ونىڭ سەبەبى بۇعان دەيىن جازىلعان بولاتىن. نيۋ-يوركتە فەدەرالدىق تەرگەۋ بيۋروسى مەن پوليتسيانىڭ بىرلەسكەن ارنايى وپەراتسياسى ناتيجەسىندە مافيوزدى توپتار­دىڭ 100-دەن استام مۇشەسى تۇتقىندالعان. يزرايل پرەزيدەنتى شيمون پەرەستىڭ زايىبى سونيا پەرەس كوز جۇمدى. ول 87 جاستا ەكەن. سونيا پەرەس (قىز كەزىندەگى تەگى گەلمان) 1923 جىلى ۋكراينادا تۋعان كورىنەدى. ينتەرنەت ماتەريالدارى نەگىزىندە ازىرلەندى.