ءماجىلىس بيۋروسىنىڭ كەزەكتى وتىرىسى

كەشە پارلامەنت ءماجىلىسىنىڭ توراعاسى ورال مۇحامەدجا­نوۆ­تىڭ جەتەكشىلىگىمەن پالاتا بيۋروسىنىڭ كەزەكتى وتىرىسى ءوتتى. پالاتانىڭ حالىقارالىق ىستەر, قورعانىس جانە قاۋىپسىزدىك كوميتەتى دەپۋتاتتاردىڭ تالقى­سى­نا ءبىر توپ زاڭ جوبالارىن ۇسىندى. ولاردىڭ اراسىندا قا­زاقستاننىڭ قىرعىز رەس­پۋب­لي­كا­سىن­داعى ەلشىلىگىنىڭ جانە قىر­عىز رەسپۋبليكاسىنىڭ  قازاق­ستان­­­داعى ەلشىلىگىنىڭ قاجەتتەرى ءۇشىن استانا قالاسى مەن بىشكەك قا­لاسىندا عيماراتتار مەن جەر ۋچاسكەلەرىن وتەمسىز پايدالانۋعا بەرۋ تۋرالى ەكى ەل اراسىنداعى ءوزارا كەلىسىمدى بەكىتۋدى كوزدەيتىن زاڭ جوباسى بار. سونىمەن قاتار, بيۋرو وتى­رىسىندا ۇكىمەتتەن كەلىپ تۇسكەن جاڭا زاڭ جوبالارىنا قورىتىندى ازىرلەۋ ماسەلەلەرى قارالدى. ولار­دىڭ ىشىندە ەلىمىزدىڭ كەيبىر زاڭ­نا­مالىق اكتىلەرىنە ەكولوگيا­لىق ءما­سە­لەلەر بويىنشا وزگەرىس­تەر مەن تو­لىقتىرۋلار ەنگىزۋدى قا­راستى­را­تىن, «قازاقستان رەس­پۋب­ليكا­سىن­دا­عى   ارنايى   ەكو­نو­­ميكالىق ايماق­تار تۋرالى» جانە وسى زاڭ اكتىسىنە وراي كەيبىر زاڭ­دارعا تۇزەتۋ ەنگىزۋدى قا­راستىراتىن زاڭ جوبالارى بار. سونداي-اق «دۇنيەجۇزىلىك پوش­تا وداعىنىڭ جارعىسىنا سەگىزىنشى قوسىمشا حاتتامانى راتيفيكاتسيالاۋ تۋرالى» جانە «تاۋەلسىز  مەملەكەتتەر  دوستاس­تى­عىنا  قاتىسۋ­شى مەم­لە­كەت­تەر­دىڭ قىلمىستىق كىرىستەردى زاڭ­داستىرۋعا (جى­لىس­تاتۋعا) جانە تەرروريزمدى قارجى­لاندىرۋعا قار­سى ءىس-قيمىلى تۋ­رالى شارتتى راتيفيكاتسيالاۋ تۋ­رالى» زاڭ جوبالارى بويىنشا جۇمىس تو­بىن قۇرىپ, قو­رىتىندى ازىرلەۋ ءۇشىن ولار سالالىق كوميتەتتەرگە جىبەرىلەتىن بولدى. «ەگەمەن-اقپارات».