اقتوبە. الاۋ. اقشا قار

الاۋ ەستافەتاسى ۇستىمىزدەگى جىلعى 18 قاڭتاردا قاس قارايا ورال قالاسىنان اقتوبەگە ار­نايى ۇشاقپەن جەتكىزىلدى. VII قىسقى ازيا  ويىندارى الاۋ ەس­تافەتاسى ديرەكتسياسى جە­تەك­شى­سىنىڭ ورىنباسارى سارسەن قۇ­رانبەك باستاعان دەلەگا­تسيا­نى   قالا اكىمى ارحيمەد مۇ­حام­بەتوۆ, وبلىستىق سپورت, تۋريزم جانە دەنە شىنىقتىرۋ باس­قارماسىنىڭ باستىعى اسىل­بەك قۇلماعامبەتوۆ كۇتىپ الىپ, بۇقارالىق اقپارات قۇرالدارى وكىلدەرىمەن بريفينگ وتكىزدى. كەلەسى كۇنى  ەرتەڭگىلىك اق­تو­بە­لىكتەردىڭ اق كوگەرشىن تىلەگىندەي كوك اسپاننان اقشا قار قىلاۋلاپ تۇردى دا, ءدال الاۋ شەرۋى باستالاردا اپپاق ۇلپا قار جاپالاقتاپ جاۋىپ قويا بەردى. ەكى-ءۇش كۇننەن بەرگى قارا سۋىقتىڭ بەتى قايتىپ, اينالا اق مامىققا ورانعان وسى ساتتە  VII قىسقى ازيا ويىندارى الاۋى  ەستافەتاسى سالتاناتى اشى­لاتىن وبلىستىق اكىمدىك الدىن­داعى الاڭداعى ءابىل­قايىر حان ەسكەرتكىشىنە ىرگەلەس  ورناتىل­عان  ساحنا ماڭىنا قاراقۇرىم حالىق جينالىپ ۇلگەر­گەن-ءدى. الاۋ ەستافەتاسىن قىزىق­تاۋعا جينالعاندار الدىندا وب­لىس اكىمى ەلەۋسىن ساعىن­دى­قوۆ ءسوز الىپ,  قۇتتىقتاۋ تىلەگىن ءبىلدىردى. ول قازاقستاننىڭ وسىن­شالىقتى تابىسقا جەتۋىن ەلبا­سى ساياساتىنىڭ جەمىسى, كورەگەن­دىگىنىڭ كورىنىسى ەكەنىن جەتكىزدى. ەلباسىنىڭ بەدەلىنىڭ, تىكەلەي قولداۋىنىڭ جانە باس­تاماشىل­دىعىنىڭ ءناتي­جە­سىندە ەلىمىزدە ءبىرىنشى رەت  قىسقى ازيا ويىن­دارىنىڭ وتكىزىلىپ وتىرعانىن تاۋەلسىزدىكتىڭ 20 جىلدىعى قار­ ساڭىنداعى تاماشا تابىس, تاريحي وقيعا رەتىندە باعالادى. الەمدىك اۋقىمداعى ۇلكەن سپورتتىق شاراعا كۋا بولعان حا­لىقتىڭ قۋانىشى ارناسىنان اسىپ توگىلگەن ءسات ەدى بۇل. سارسەن قۇرانبەكتىڭ قولىنان تۇتانعان الاۋدى العان ەلەۋسىن ساعىن­دىقوۆ سالتاناتتى شارا­نىڭ ساح­نا­سىنان ءتۇسىپ, كانىگى سپورتشى رەتىندە شەرۋدى  باستاي جونەلدى. كەزىندە بوكستان كسرو سپورت شەبەرى بولعان ءوڭىر باسشىسى ازيادا الاۋىن جەرلەسىمىز, ۇشقىش-كوس­موناۆت, رەسەي با­تىرى يۋري لون­چاكوۆقا تا­بىس­تادى. اقتوبە قالا­سى­نىڭ قۇر­مەتتى ازاماتى يۋري لونچاكوۆ  وسىن­داعى كەڭەس ودا­عى­نىڭ با­تىرى ۆ.پاتساەۆ اتىن­داعى جاس ۇش­قىشتار مەكتەبىنىڭ تۇلەگى, تۋ­عان جەرمەن بايلانىسىن ۇزبە­گەن پاتريوت. ودان كەيىن الاۋ شە­رۋىن كاراتەدەن الەم چەم­پيونى رينات  ساعىن­دىقوۆ جال­عاس­تىردى. VII قىسقى ازيا ويىن­دارى الاۋى ەستافەتا­سى­نىڭ شەرۋىنىڭ ءبىرىنشى كەزەڭى  كەڭەس وداعىنىڭ باتىرى ءاليا مول­داعۇلوۆانىڭ مەمو­ريال­دىق كە­شەنىندە ايالدادى. كەشەنگە كىرەبەرىستە ورناتىلعان كول­بانى  قازاق­ستان رەسپۋبليكا­سى­ نىڭ ەڭبەك ءسىڭىر­گەن قاي­راتكەرى, بۇلبۇل كومەي ءانشى سۆەتلانا ايتباەۆا تۇ­تاتتى. ازيادا الاۋىن الىپ وتۋگە ىرىكتەلگەن  60 الاۋ­گەردىڭ ارا­سىن­دا  ونەر ادام­دارى, بەلگىلى سپورت­شى­لار, مادەنيەت جانە الەۋمەتتىك سالا قىزمەتكەرلەرى, ستۋدەنتتەر  بار. ال الاۋ ەستافەتاسىنىڭ اق­توبەدەگى ەكىنشى كەزەڭىن سامبودان الەم چەمپيونى رايسا بايليەۆا باس­تادى. قالانىڭ ورتالىق كوشە­لەرى­مەن جۇگىرىپ وتكەن الاۋگەرلەر سالتاناتتى شەرۋدى  شاعىن اۋدان­داعى قازاق­ستان­نىڭ تۇڭعىش پرەزيدەنتى اتىنداعى ساياباقتا مارە­سىنە جەتكىزدى.الاۋ قۇ­تىسىن سوڭعى ساتتە العان سامبودان الەمنىڭ ءۇش ءدۇر­كىن جەڭىمپازى, قالالىق ءماس­لي­حاتتىڭ دەپۋتاتى  اسحات شا­حاروۆ ساياباقتا جينالعاندار ال­دى­­مەن جۇگىرىپ ءوتتى. ازيادا الاۋىن جاپالاقتاپ جاۋعان اق مامىق قارداي اپپاق كوڭىلمەن قارسى العان اقتوبەلىك­تەردىڭ بۇل كۇنگى قۋانىشىندا شەك جوق. قاھارلى قىس مەزگىلىنە قاراماستان, قالا تۇرعىندارى ءتۇ­گەل­دەي اقتوبەنى ارالاپ ءجۇر­گەن ازيادا الاۋىن قىزىقتاۋعا كو­شەلەرگە شىعىپ كەتكەندەي. شەرۋ وتكەن كوشەلەر بويى قارا­قۇرىم حالىق. الاۋ ەستافەتاسىنىڭ اق­توبە­دەگى شەرۋى اقتوبەلىك ونەر جۇل­دىزدارىنىڭ گالا-كونتسەرتىنە ۇلاستى.  جاپالاقتاپ جاۋعان اق ۇلپا قاردى اقتوبەلىكتەر ازيادا ويىندارىنىڭ  ەلىمىز ءۇشىن تا­بىس­تى دا ءساتتى وتەتىنىنىڭ  يشارا­سى­نا جورىدى. اقتوبەلىكتەر ازيادا الاۋىن قانشالىقتى قۋانىشپەن قارسى  السا, كورشىلەس قوستانايعا  سون­شالىقتى كوتەرىڭكى كوڭىل-كۇيدە شىعارىپ سالدى. ساتىبالدى ءساۋىرباي. اقتوبە وبلىسى.