وسى ەلدە تامىر جايدىق

قازاقستان حالقى اسسامبلەياسىنىڭ «ماڭگىلىك ەل: ءبىر ەل – ءبىر تاعدىر» تاقىرىبىمەن باستالعان ءححىى سەسسياسىنىڭ اشىلۋ سالتاناتىندا ءسوز سويلەي وتىرىپ, ەلباسى ن.نازارباەۆ قۋعىن-سۇرگىن جىلدارى مىڭداعان چەشەن, ينگۋش, كورەي مەن ەۆرەي سەكىلدى تەگى بولەك, تىلەگى ءبىر جاندار قازاق دالاسىنان پانا تاپقانىن ەسىنە الىپ ەدى. ولار سول سۇراپىل كەزەڭدە باۋىرىنا باسقان مەيىربان حالىقتىڭ كەڭپەيىلدىلىگىن ۇمىتپايتىندارىن, ءومىر بويى العىس ايتىپ وتكەندەرىن ايتا كەلىپ, قازاقستان حالقى اسسامبلەياسىنىڭ قۇرىل­عان كۇنىندە – 1 ناۋ­رىزدا, بارلىق ۇلتتىڭ ءبىر-بىرىنە جانە وسى ادامداردى قابىلداعان, اياۋشى­لىق بىلدىرگەن قازاقتارعا العىس ايتۋ كۇنى دەپ بەلگىلەن­سە ادىلەتتى بولار ەدى دەگەن ەدى. مىنە, بيىلدان باس­­تاپ 1 ناۋ­رىز العىس ايتۋ كۇنi دەپ بەلگىلەندى. سەمەيدىڭ وبلىستىق تاريحي-ولكەتانۋ مۋزەيىندە وسى مەرەكەگە ارنالعان «وسى ەلدە تامىر جايدىق ءبىز» اتتى شارا وتكىزىلدى. شاراعا قالامىزداعى «دوستىق ۇيىنەن» قازاق, تاتار, وزبەك, نەمىس سياقتى بىرنەشە مادەني-ەتنوستىق بىرلەستىكتىڭ وكىلدەرى قاتىستى. ولار ءوز بىرلەستىكتەرى جايلى ايتا وتىرىپ, ۇلت­تىق ونەرلەرىن دە پاش ەتتى. «ايشا ءبيبى» ورتا­لى­عىنىڭ جەتەكشىسى ا.بوقباساروۆا, تاتار بىرلەس­تىگىنەن ر.يبراگيموۆا, وزبەك بىرلەستىگىنەن م.بالتاعوجينا, نەمىس بىرلەستىگىنەن و.ميۋللەر قازاق­ستانعا قالاي كەلگەندەرىن اڭگىمەلەي وتى­رىپ, جاتسىنباي باۋىرىنا تارتقان قازاق حال­قىنا العىستارىن ءبىلدىردى. سەمەي قالاسىنداعى بالەت مەكتەبىنىڭ تاربيەلەنۋشىسى ج.ءشارىپوۆا تاتار حالقىنىڭ ءبيىن بيلەسە, «گليۋك» كلۋبىنىڭ بيشىلەرى نەمىس حالقىنىڭ ءبيىن بيلەدى. ءلاززات ءالجان, سەمەي وبلىستىق تاريحي-ولكەتانۋ مۋزەيىنىڭ قىزمەتكەرى   شىعىس قازاقستان وبلىسى