«مەيىرىم» مەيىرىمىنە بولەدى

قازاقستان حالقى اسسامبلەياسىنىڭ «قايىرىمدىلىق كەرۋەنى» جالپىۇلتتىق اكتسياسىنىڭ شەڭبەرىندە «انالار كەڭەسىنىڭ» ۇيىمداستىرۋىمەن  «مەيىرىم» اتتى اۋداندىق قايىرىمدىلىق شاراسى ءوتتى. ءىس-شارانىڭ نەگىزگى ماقساتى – الەۋمەتتىك از قامتىلعان, كومەككە مۇقتاج وتباسىلارعا جانە ءمۇم­كىندىگى شەكتەۋلى  جاندارعا مەيىرىمدىلىك نۇرىن سەۋىپ, ولاردىڭ تارشىلىق كورمەۋىنە شاراپاتىن تيگىزىپ, قايىرىمدىلىق قاستەرلى قاسيەت ەكەنىن جەتكىزۋ. قايىرىمدىلىق شاراسىنا اۋدان ورتالىعىندا شاعىن جانە ورتا بيزنەس سالاسىندا جۇمىس جاساپ, يگىلىكتى ىستەردىڭ باسى-قاسىندا جۇرگەن كاسىپكەرلەر تارتىلدى. اتالعان اكتسيادا وسىناۋ يگى شاراعا مۇرىندىق بولىپ وتىرعان كەڭەس مۇشەلەرى مەن جەكە كاسىپكەرلەر 315 مىڭ تەڭگە كولەمىندە دەمەۋشىلىك جاساپ, قىرىققا جۋىق وتباسى سۋ جاڭا قىسقى, جازعى كيىمدەر­مەن, تۇرمىستىق زاتتارمەن قام­تىلدى. – كەڭەستىڭ العاشقى ءناتي­جەلى جۇمىسى «انالار مەرە­كەسى» قارساڭىندا باستاۋ ال­دى. ارداقتى انالار مەن مەرەي­توي يەلەرىنە دەگەن شەكسىز قۇر­مەتىمىزدى ءبىلدىرىپ, مەرەكەلىك سىي-سياپاتتار جاساپ, اياۋلى جانداردىڭ اق باتاسىن الدىق. ۇلىستىڭ ۇلى كۇنىندە «جاقسىدان تيەر شاراپات» اتاۋىمەن كەمباعال جاندارعا مەرەكەلىك داستارقان جايىپ, باعالى سىيلىقتارمەن قۋانتىپ, كونتسەرتتىك باعدارلاما ۇسىندىق. بۇگىنگى «مەيىرىم» اكتسياسى اياسىندا الەۋمەتتىك جاعدايى تومەن وتباسىلار مەن جالعىزباستى جانە كوپبالالى انالارعا قامقورلىقتىڭ ۇلگىسى رەتىندە تۇرمىستىق زاتتار مەن كيىم-كەشەكتەر ۇلەستىردىك. بۇل اكتسياعا «انالار كەڭەسىنىڭ» ءتورايىمى باقتىگۇل سەيتقازيەۆا 35 مىڭ تەڭگە, كەڭەستىڭ مۇشەسى باقىتگۇل اتاشەۆا 9 مىڭ تەڭگە, عالياش دوسمانوۆا وتباسىنىڭ اتىنان 118 مىڭ تەڭگە, رايا شايىموۆا 9 مىڭ تەڭگە, بوراش ابدىعاپاروۆا 7500 تەڭگە, ءلاي­لا وماروۆا 4 مىڭ تەڭگە, قارلىعاش نۇرىموۆا 12 مىڭ تەڭگە,  كۇلپان بايكوبەنوۆا 17800 تەڭگە, باقىتبەك شوقانوۆ 29740 تەڭگە, ەرلان قارين 12500 تەڭگە,  نۇرگۇل ەلەۋتوۆا 7 مىڭ تەڭگە, قۋانىشگۇل امانوۆا 12100 تەڭگە, اقمونشاق ءاشىموۆا 4 مىڭ تەڭگە, گۇلسىناي بورىباەۆا 10500 تەڭگە, ءمولدىر الماتوۆا 14 500 تەڭگە, قىزىلگۇل كوبەك 12 مىڭ تەڭگە كولەمىندە كومەك كورسەتىپ, مارتتىك تانىتتى, – دەيدى «انالار كەڭەسى» ءتورايىمىنىڭ ورىنباسارى كام­پيت مۇحامەدزاكىرقىزى. سونداي-اق, ول كەلەشەكتە كەڭەس جۇمىسىن ودان ءارى كەڭ كولەم­دە جان­داندىرىپ, كومەككە ءزارۋ جاندارعا قول ۇشىن بەرەمىز دەپ سەنەتىندىكتەرىن ءبىلدىردى.  گ ۇلىم ىسماعۇل  قوستاناي وبلىسى, جانگەلدين اۋدانى سۋرەتتەردە: شارادان كورىنىس