تاۋەلسىزدىكتى تۋ ەتەر تۇعىرلى شارالار

الەمدەگى دامىعان وتىز مەم­لەكەتتىڭ قاتارىنا ەنۋگە قادام باسىپ وتىرعان قازاق ەلىندە حالقىمىزدىڭ قادىرىن ارتتىرىپ, قاسيەتىن اشاتىن ايتۋلى مەرەكەلەر بارشىلىق. الايدا, قازاقستان قول جەتكەن بارلىق يگىلىكتىڭ قاينار كوزى بولىپ تابىلاتىن تاۋەلسىزدىكتىڭ 25 جىلدىعىنىڭ ورنى بولەك, اسەرى ايرىقشا ەكەنى ءسوزسىز. بۇل مەرەكەنى ءوزىمىز ماقتانا جۇرەتىندەي, وزگەلەر ونەگە تۇتاتىنداي دەڭگەيدە وتكى­زۋ ەلدىگىمىزدى كورسەتەدى, وركە­نيەت­تىلىگىمىزدى اڭعارتادى. ءۇستى­مىزدەگى جىلعا ناۋرىز ايىنىڭ سوڭىندا مەملەكەت باسشىسىنىڭ جارلىعىمەن قازاقستان تاۋەل­سىزدىگىنىڭ 25 جىل­دىعىن اتاپ وتۋگە قاتىستى. «بىرلىك پەن جاسام­پازدىقتىڭ 25 جىلى» تۇجىرىمداماسى بەكىتىلۋى دە سون­دىقتان. تۇجىرىمداماعا سايكەس, تاۋەلسىزدىكتى اتاپ ءوتۋ ەركىندىك, ءبىر­لىك, تۇراقتىلىق, جاسامپازدىق سەكىلدى قۇندىلىقتارعا نەگىزدەلەدى. ءار ايدا تاۋەلسىزدىك جەتىستىكتەرى جانە «ماڭگىلىك ەل» قۇندىلىقتارى ايا­سىندا مەرەكەلىك شارالار ۇيىم­داستىرىلادى. بيىل تاۋەلسىزدىكتىڭ 25 جىل­دىعىنا وراي وڭىردە 5 مىڭنان استام شارا وتكىزىلەدى دەپ كۇتىلۋدە. بۇل تۋرالى وبلىس اكىمىنىڭ ورىنباسارى اسقار شەريازدانوۆتىڭ توراعالىق ەتۋىمەن وتكەن ەل تاۋەلسىزدىگىنىڭ 25 جىلدىعىنا وراي شارالار وتكىزۋ جونىندەگى كوميسسيانىڭ وتىرىسىندا ايتىلدى. وتىرىسقا اۋداندار مەن قالا اكىمدەرىنىڭ ورىنباسارلارى, ۇيىمداستىرۋ كوميسسياسىنىڭ مۇشەلەرى, ىشكى ساياسات, مادەنيەت جانە ءبىلىم بولىمدەرىنىڭ, عازيزا جۇبانوۆا اتىنداعى وبلىستىق فيلارمونيانىڭ, ت.احتانوۆ اتىن­داعى وبلىستىق دراما تەاتردىڭ, دوستىق ءۇيىنىڭ باسشىلارى, قوعام­دىق ۇيىمداردىڭ وكىلدەرى قاتىستى. باسقوسۋ بارىسىندا مەم­­لە­كەت­تىك ورگاندار مەن تاۋەلسىزدىكتىڭ 25 جىلدىعىنا وراي­لاس­تى­رىل­عان شارالاردى دايىنداۋ ءجونىن­دەگى قاۋىمداستىقتىڭ جۇ­مىسىن ۇيلەستىرۋ ماسەلەلەرى تال­قى­لان­دى. وبلىستىق ىشكى سايا­سات باس­قارماسىنىڭ باسشىسى ەر­بول نۇرعاليەۆتىڭ ايتۋىنشا, تاۋەل­سىزدىكتىڭ 25 جىلدىعىن تويلاۋ بارىسىندا تۇرعىنداردىڭ الەۋمەتتىك ماسەلەلەرىن جاقسارتۋعا باسىمدىق بەرىلەدى. – 2016 جىل – قازاقستان ءۇشىن ەرەكشە جىل. قازاقستان ءۇشىن ما­ڭىزدى سانالاتىن كۇنگە وراي­لاس­تىرىلعان مەرەكەلىك شارالار ءبىزدىڭ وبلىستا جىل باسىندا باستالىپ كەتتى. وسى ۋاقىت ارالىعىندا كوپتەگەن شارا, ونىڭ ىشىندە رەسپۋب­ليكالىق دەڭگەيدەگى شارالار دا ۇيىمداستىرىلدى. وبلىس بويىنشا تاۋەلسىزدىككە ارنالعان 5 مىڭنان استام الەۋمەتتىك ماڭىزى بار, مادەني, سپورتتىق, قايىرىمدىلىق شارالارى ۇيىم­داستىرىلادى. سونىمەن بىرگە, وڭىردە 200-گە تارتا الەۋمەتتىك نى­سان قولدانىسقا بەرىلەدى, – دەپ اتاپ وتكەن ەربول نۇرعاليەۆ وتىرىسقا جينالعانداردىڭ نازارىنا تاۋەلسىزدىكتىڭ 25 جىل­دىعىنا قاتىستى مەملەكەتتىك كوميسسيا بەكىتكەن لوگوتيپتى تانىستىردى. ساتىبالدى ءساۋىرباي,  «ەگەمەن قازاقستان» اقتوبە وبلىسى