توعىز جاسار رەكوردشى

استانا قالاسىندا قولمەن جەردەن كوتەرىلۋدەن 9 جاستاعى وقۋشى بالا ءامىر ماحمەت تاعى دا بالالار اراسىندا الەمدىك جانە قازاقستان بويىنشا ءابسوليۋتتى رەكورد جاسادى. بۇعان دەيىن ءا.ماحمەت كيەس قازاقستان رەكوردتار كىتابىنىڭ ءۇش مارتە رەكوردشىسى بولعان ەدى. العاشقى ۇلكەن جەتىستىگىن ول بىلتىر Street Workout بويىن­شا جازعى ماۋسىمنىڭ اشىلۋ سالتاناتى كەزىندە جەردەن 450 رەت قولىمەن كوتەرىلىپ جاساعان بولاتىن. ەكىنشى كورسەتكىشىن اقمولا وبلىسىنىڭ چەمپيوناتىندا 30 مينۋتتا 50 رەت كوتەرىپ جاساعان. ال ۇشىنشىسىندە, قازاق حاندىعىنىڭ 550 جىلدىق مەرەيتويى كەزىندە كەۋدەسىمەن جەردەن 550 رەت كوتەرىلدى. ول «پلانكا ۇستاۋ» سپورتتىق جاتتىعۋىن 60 مينۋت بويى جاساپ, ءتورتىنشى رەت ءابسوليۋتتى رەكوردتى جاڭارتتى. ءبىر قارا­عاندا, وقۋشى بالانىڭ كەۋدەنى جەردەن 550 رەت كوتەرە الادى دەگەنگە سەنۋ قيىن. ال «پلانكا ۇستاۋ» سپورتتىق جاتتىعۋىن 60 مينۋت بويى جاساۋ ەكىنىڭ ءبىرىنىڭ قولىنان كەلە بەرمەيدى. ءويت­كەنى, دايىندىعى جوق ادام «پلان­كانى» ەكى مينۋتتاي, سپورت­شى بەس مينۋتتاي عانا ۇستاي الادى. ءا.ماحمەتتىڭ تۋعان-تۋىس­تارى ونىڭ رەكوردىن گيننەس-ءتىڭ رەكوردتار كىتابىنا ەنگىزۋ تۋرالى ءوتىنىش بەرەتىندەرىن ايتتى. ال بالانىڭ ءوزى جاڭا رەكوردىن 23 ساۋىردە اقش-تىڭ لوس-اندجەلەس قالاسىندا گەننادي گولوۆكيننىڭ دومينيك ۋەيدپەن وتەتىن جەكپە-جەگىنە ارنايتىنىن جەتكىزدى. داستان كەنجالين, «ەگەمەن قازاقستان»