كەنەلەر شابۋىلعا شىقتى

ولار قىزىلوردا وبلىسىندا 146 ادامدى شاعىپ العان قازىرگى كەزدە سىر بويىندا وسى جاندىكتەرگە قار­سى جۇمىستار جاسالىپ جاتىر. وبلىستىق تۇتى­نۋ­شىلاردىڭ قۇقىقتارىن قورعاۋ دەپارتامەنتى باس­شىسىنىڭ ورىنباسارى ۇلبوسىن احاناەۆانىڭ ايتۋىنشا, وبلىس اكىمىنىڭ وكىمىمەن كونگو-قىرىم گەمورراگيالىق بەز­گەگى اۋ­رۋىنىڭ الدىن الۋدى ۇيلەس­تىرۋ جونىندەگى جۇ­مىسشى توبى بەكىتىلگەن. ناۋرىز ايىنان باستاپ وڭىردە كەنەدەن زالالسىزداندىرۋ جۇمىستارى جۇرگىزىلۋدە. سونىڭ ءناتي­­جەسىندە شيەلى, جا­ڭا­قورعان اۋداندارىندا جاع­داي تۇراقتالعان. وتكەن جىلعى ەپيدەميولوگيالىق كەزەڭمەن سالىستىرعاندا, كەنەنىڭ شاعۋى ازايعان. دەسەك تە, زالالدى ءجان­دىكتىڭ تو­­پىراقتا, ورمان توسەمىندە, ءار­تۇرلى ۇيا­لاردا, ىندەردە, وسىمدىك­تەردە, تۇ­ششى سۋلاردا, تەڭىزدەردە تىرشىلىك ەتەتىنىن ەسكەرسەك, قاۋىپ­تىڭ ءالى ساقتالىپ تۇر­­عانىن اي­تۋعا بولادى. كەنەلەر – ورمەكشى ءتارىزدى ۇساق جاندىكتەر. ولاردىڭ  20 مىڭنان استام ءتۇرى بار دەپ ەسەپتەلەدى. كوپشىلىك كەنەلەردىڭ مەديتسينالىق جانە جايىلىم كەنەسى, سۋ كەنەسى, استىق كەنەسى, قام­با كەنەسى, ورمەك كەنە, بەرىش كەنە, مامىق كەنە, شاش كەنە دەگەن سان الۋان توپتارى بار. سوندىقتان, وبلىستا قولايسىز ەلدى مەكەندەردە كوكتەم مەن كۇزدە ەكى رەت كەنەگە قار­سى وڭدەۋ شارالارىن ءجۇر­گىزۋگە  قىرۋار اقشا ءبولىنىپ جاتىر. وب­لىستىق تۇتىنۋشىلاردىڭ قۇ­قىق­تارىن قورعاۋ دەپارتا­مەن­تىنىڭ مالىمەتىنە قاراعاندا, 166 ملن. 315 مىڭ تەڭگە, سول جەرلەردە 300 مەتر راديۋس­تا سانيتارلىق-قور­عانىس ايماقتارىن قۇرۋ, دالا تىش­قاندارىنىڭ ىندەرىن تەرەڭ دۋس­تاندىرۋعا رەس­پۋب­ليكالىق بيۋد­جەت­تەن 26 ملن.-نان استام تەڭگە ءبولىن­دى. عاني يسلامبەك