ەلباسى تاپسىرماسىنا – ەرەكشە نازار

«نۇر وتان» پارتياسىنىڭ ورتالىق اپپاراتىندا پارتيا توراعاسىنىڭ ءبىرىنشى ورىنباسارى اسقار مىرزاحمەتوۆتىڭ قاتىسۋىمەن پارتيانىڭ پارلامەنت ماجىلىسىندەگى فراكتسياسىنىڭ جەتەكشىسى مەن مۇشەلەرى, وڭىرلىك فيليالدار مەن بارلىق دەڭگەيدەگى ءماسليحاتتاردىڭ پارتيا فراكتسيالارى باسشىلارىمەن وتىرىس بولىپ ءوتتى. بەينە-كونفەرەنتسيالىق بايلانىس رەجىمىندە پارتيانىڭ وڭىرلىك فيليالدارىنىڭ وكىلدەرى دە قاتىسقان شارا بارىسىندا ەلباسىنىڭ 24 ناۋرىزدا وتكەن ساياسي كەڭەس بيۋروسىندا بارلىق دەڭگەي­دەگى فراك­تسيالار مەن جالپى پارتيا­نىڭ الدىنا قويعان 6 ناقتى قا­دام­دى ىسكە اسىرۋ ماسەلەلەرى تالقى­لاندى. ا.مىرزاحمەتوۆ پارتيا ساياسي كەڭەسى بيۋروسىنىڭ جانە پارلامەنت ماجىلىسىندەگى پارتيا فراكتسياسىنىڭ العاشقى وتىرىسىندا پارتيا توراعاسى العا قويعان مىندەتتەردى جۇيەلى تۇردە جۇزەگە اسىرۋدىڭ ماڭىزدى ەكەنىن العا تارتتى. بەس ينستيتۋتتىق رەفورما مەن «100 ناقتى قادام» ۇلت جوسپارىن ورىنداۋدا پارتيانىڭ الاتىن ورنى ەرەكشە. سول سەبەپتى پارتيا ءماجىلىس پەن بارلىق دەڭگەيدەگى ماسليحاتتارداعى پار­تيالىق فراكتسيالاردىڭ جۇمىسىن جەتىلدىرىپ, ولاردىڭ ءوزارا بايلانىسىن نىعايتۋ ماسەلەسىنە با­سىمدىق بەرۋى ءتيىس. پارلامەنت ماجىلىسىندەگى پارتيا فراكتسياسىنىڭ جەتەكشىسى گۇلميرا يسىمباەۆا اتاپ وتكەندەي, فراكتسيا جۇمىسى مەملەكەت باسشىسى بەلگىلەگەن مىندەتتەردى ىسكە اسىرۋدىڭ شەڭبەرىندە قۇ­رىلادى. ونىڭ ايتۋىنشا, بەس ينس­تيتۋتتىق رەفورمانى ىسكە اسىرۋ جونىندەگى ۇلت جوسپارى اياسىندا قابىلدانعان 59 زاڭنىڭ جۇزەگە اسۋىنا جۇيەلى تۇردە پارتيالىق مونيتورينگ جۇرگىزىلىپ, ولاردى حالىققا جەتكىزۋ, ءتۇسىندىرۋ جۇمىستارى ىسكە اسادى. فراكتسيا جۇمىسىن ءتيىمدى ۇيىمداستىرۋ ماقساتىندا ونىڭ قۇرىلىمى بەكىتىلىپ ۇلگەرگەن. سونىمەن قاتار, «نۇرلى جول» باعدارلاماسى مەن مەملەكەتتەن بولىنگەن قارجىنىڭ ءتيىمدى جۇمسالۋى ايرىقشا باقىلاۋدا. بۇل ءۇشىن تۇيتكىلدى ماسەلەلەر مەن بولىنگەن قاراجاتتىڭ جۇمسالۋ تيىمدىلىگىن ارتتىرۋ بويىنشا فراكتسيا وتىرىستارى تۇراقتى تۇردە وتكىزىلىپ تۇرادى. سونداي-اق, سايلاۋالدى باع­دارلامانى ۋاقتىلى ءارى ساپالى ىسكە اسىرۋ ماقساتىندا باع­دارلاما باعىتتارى بويىنشا پار­تيالىق تالىمگەرلەر جۇمىسى ۇيىم­داستىرىلادى. وعان قوسا, پار­تيا حاتشىسى ن.گودۋنوۆانىڭ اي­تۋىنشا, پارتيا جانىنداعى سا­­راپشىلىق توپتاردىڭ جۇ­مى­سى جالعاساتىن بولادى. ولار­دىڭ قۇرامى دا پارلامەنت ءماجى­لىسىن­دەگى پارتيا فراكتسياسى قۇرا­مى­نىڭ وزگەرۋىنە بايلانىس­تى ءبىرشاما جاڭاردى. پارتيا تۇرعىنداردىڭ وزەكتى ماسەلەلەرىن انىقتاۋ مەن شەشۋ باعىتىنداعى جۇمىسىن, ونىڭ ىشىندە پارتيالىق جوبالاردى ىسكە اسىرۋدى جانداندىرماق. دەمو­كراتيالىق كۇشتەردىڭ جالپى­ۇلتتىق كواليتسياسى, جەمقورلىققا قارسى كەڭەستەر مەن كاسىپكەرلىكتى قولداۋ باعىتتارىنداعى جۇ­مىس­تار دا بەلسەندى جۇرگىزىلەدى. پارتيا حاتشىسى ف.قۋانعانوۆ ءوز سوزىندە پارتيا ءۇشىن اسا ماڭىز­دى باعىتتىڭ ءبىرى قازاقستان حالقى اسسامبلەياسىمەن ءوزارا بايلانىس­تى ورتالىق جانە وڭىرلىك دەڭ­گەيدە قامتاماسىز ەتۋ ەكەندىگىن اتاپ كورسەتتى. پارتيا اپپاراتىنىڭ باسشىسى ج.قوجاحمەتوۆتىڭ ايتۋىنشا, بۇگىنگى تاڭدا فراكتسيانىڭ ورتا­لىق پەن جەرگىلىكتى جەر­لەر­دەگى جۇمىسى حالىقتىڭ اعىم­داعى ماسەلەلەرىن شەشۋگە ار­نالۋى كەرەك. ياعني, بۇل ءۇشىن دە فراكتسيا مۇشەلەرىنىڭ قوعام­دىق كەڭەستەرگە قاتىسۋى جانە ەكى جاقتى «كەرى بايلانىس» نى­عايىپ, قوعامدىق قابىل­داۋلاردا قا­بىلداۋلار سانى ارتىپ, جۇرت­شى­لىقپەن تۇراقتى كەزدەسۋلەر وتكىزىلۋى كەرەك. وسى تاقىرىپتى پارتيا حاتشىسى ق.جۇماشەۆ جالعاستىرىپ, جەرگىلىكتى ماسليحاتتارعا جاڭادان سايلانعان دەپۋتاتتاردىڭ الدىندا اۋقىمدى مىندەتتەر تۇرعانىن ايتتى. سونداي-اق, ول فراكتسيا مۇشەلەرىنىڭ جۇمىسى رەگلامەنت بويىنشا باعالانىپ, رەيتينگىسى شىعارىلاتىنىن جەتكىزدى. ال «جاس وتان» جق توراعاسى ش.بايمانوۆ پارتيانىڭ جاستار سايا­ساتىن جۇزەگە اسىرۋ جونىندەگى جۇمىستارىنا توقتالدى. اسىرەسە, وسى باعىتتاعى مەملەكەتتىك باع­دار­لامالارعا تەرەڭ تالداۋ جاسالاتىنىن اتاپ ءوتتى. سونىمەن بىرگە, شارا بارى­سىندا پاۆلودار وبلىستىق ءماس­ليحاتىنداعى پارتيا فراك­تسيا­سىنىڭ جەتەكشىسى ا.وسپانوۆا مەن پارتيانىڭ باتىس قازاقستان وبلىستىق فيليالى توراعاسىنىڭ ءبىرىنشى ورىنباسارى س.سۇلەيمەن ءسوز الىپ, پارتيانىڭ جەرگىلىكتى قۇرىلىمدارىنداعى جاڭا جۇمىس باعىتتارى جايلى باياندادى. كەزدەسۋ قورىتىندىسى بويىنشا پارتيا توراعاسىنىڭ ءبىرىنشى ورىنباسارى پارتيانىڭ الدىندا تۇرعان ماقسات-ءمىن­دەتتەردى ويداعىداي جۇزەگە اسىرۋعا بارلىق مۇمكىنشىلىكتەرى بار ەكەنىن ايتىپ, ارىپتەستەرىنە ساتتىلىك تىلەدى. ساۋلەبەك ءبىرجان