وكىلدىك باسشىسىمەن وزەكتى اڭگىمە

كەشە ءماجىلىس توراعاسى باقتىقوجا ىزمۇحامبەتوۆ ەۋروپالىق وداقتىڭ قازاقستانداعى وكىلدىگىنىڭ باسشىسى ترايان حريستەانى قابىلدادى, دەپ حابارلادى وسى پالاتانىڭ ءباسپاسوز قىزمەتى. مەيمان ب.ىزمۇحامبەتوۆتى ءماجىلىس توراعاسى قىزمەتىنە سايلانۋىمەن قۇتتىقتاپ, وسى جاۋاپتى جۇمىستا تابىس تىلەدى. پالاتا سپيكەرى اتاپ وتكەن­دەي, ەۋروپالىق وداقپەن ءارىپ­تەستىك بايلانىستى كەڭەيتۋ ءارى تەرەڭ­دەتۋ ءبىزدىڭ ەلىمىزدىڭ سىرتقى سايا­ساتىنداعى باسىم باعىتتاردىڭ ءبىرى بولىپ تابىلادى. وعان ەل­باسى نۇرسۇلتان نازارباەۆتىڭ تاياۋ­دا عانا بريۋسسەلگە ساپارمەن بارىپ قايتقانى دالەل بولا الادى. كەزدەسۋ يەلەرى قازاقستان مەن ەۋروپالىق وداق اراسىندا قول قويىلعان كەڭەيتىلگەن ىنتىماقتاستىق پەن ارىپتەستىك تۋرالى كەلىسىمدى ءسوز ەتتى. اتالعان قۇجات پارلامەنت سەناتىندا راتي­فيكاتسيالانىپ, ۇستىمىزدەگى جىل­عى 25 ناۋرىزدا پرەزيدەنتتىڭ قولى قويىلدى. تاراپتار بۇل كەلى­سىمنىڭ قازاقستان مەن ەو حالىق­تارىنىڭ الەۋمەتتىك-ەكو­نو­ميكالىق, مادەني-گۋما­نيتارلىق سالالارداعى, سونىمەن قاتار, ەكى­جاقتى جانە كوپتارماقتى باي­لانىستارىن نىعايتۋعا ەرەك­- شە سەرپىن بەرەتىنىنە سەنىمدى. ب.ىزمۇحامبەتوۆ ساۋدا-ەكو­نو­ميكالىق بايلانىستى ءسوز ەتە كەلىپ, ەۋرووداق قازاقستاننىڭ ءىرى ساۋدا جانە ينۆەستيتسيالىق ءارىپ­تەسى ەكەنىن ايتتى. ماسەلەن, 2015 جىلى ەۋرووداقپەن سىرتقى ساۋ­دا 31 ملرد. اقش دوللارىن قۇرا­عان. سوڭعى 10 جىلدا قوس تاراپ اراسىنداعى تاۋار اينالىمى 13 ەسە, ال ەۋروپالىق ينۆەستيتسيا كولەمى 10 ەسە وسكەن. ءماجىلىس توراعاسى شەتەلدىك ينۆەستورلار ءۇشىن قازاقستان ۇسىنىپ وتىرعان قوسىمشا ىنتالاندىرۋ شارالارىنا توقتالدى. سونىمەن قاتار, ءماجىلىس توراعاسى ەۋروپالىق وداقپەن ۆيزالىق رەجىمدى وڭايلاتۋدىڭ وزەكتىلىگىن العا تارتىپ, وكىلدىك باسشىسىن قولداۋ كورسەتۋگە شاقىردى. پالاتا سپيكەرى ەلشىنى ءما­جى­لىستىڭ جاڭا قۇرامىمەن تانىس­تىرا كەلىپ, قازاقستان پرەزي­دەن­تىنىڭ 5 ينستيتۋتتىق رەفورماسىن زاڭنامالىق قامتاماسىز ەتۋ جو­لىندا اتقارىلىپ جاتقان جۇمىس­تاردان حاباردار ەتتى. ءما­جىلىس ەۋروپالىق ءارىپ­­تەس­­­تەرى­مەن قايتادان قۇرىلعان «قا­­زاق­­ستان رەسپۋبليكاسى – ەۋرو­پا­لىق وداق» پارلامەنتتىك ىنتى­ماقتاستىق كوميتەتى اياسىندا ىق­پالداستىقتى ودان ءارى تەرەڭ­دەتۋگە دايىن. سونداي-اق, بيۋ­رو وتىرىسىندا مۇددەلى مەملەكەت­تەرمەن, سونىڭ ىشىندە ەۋروپا ەل­دەرى پارلامەنت­تەرى­مەن ىنتى­ماق­تاستىق ءجونىن­دەگى توپتاردىڭ جاڭا قۇرامى بەكىتىلدى. ءوز كەزەگىندە ت.حريستەا ەكى تاراپتىڭ ىقپالداستىق كەلىسىم­دەرىن جۇزەگە اسىرۋعا بەلسەنە ارالاساتىنىن ايتتى. ب.ىزمۇحامبەتوۆ اڭگىمە بارىسىندا 22 ناۋرىزدا بريۋسسەلدە بولعان لاڭكەستىك شابۋىلعا بايلانىستى كوڭىل ايتۋ ءبىلدىرىپ, بۇل قاتەرمەن كۇرەستە قازاقستان ەۋروپا ەلدەرىن تولىقتاي قول­دايتىنىن جەتكىزدى.