جاڭا مالىمدەمە قابىلدادى

ۇكىمەت وسى ارقىلى ۇلتتىق بانك جانە قارجى قاداعالاۋ اگەنتتىگىمەن 2011 جىلى بىرلەسە جۇرگىزەتىن نەگىزگى ساياساتىن ايقىندادى پرەمەر-مينيستر كارىم ءماسىموۆتىڭ توراعالىعىمەن وتكەن كەشەگى ۇكىمەت وتىرىسىندا قازاقستان رەسپۋبليكاسى ۇكىمەتىنىڭ, قازاقستان رەسپۋبليكاسىنىڭ ۇلتتىق بانكى جانە قازاقستان رەسپۋبليكاسى قارجى نارىعى مەن قارجى ۇيىمدارىن رەتتەۋ جانە قاداعالاۋ اگەنتتىگىنىڭ 2011 جىلعا ارنالعان ەكونوميكالىق ساياساتتىڭ نەگىزگى باعىتتارى تۋرالى مالىمدەمەسى قابىلداندى. ول مالىمدەمە حالىقتى جانە بيزنەس وكىلدەرىن اعىمداعى جىلعا ارنالعان ەكونوميكالىق ساياساتتىڭ باسىمدىقتارى تۋرالى حاباردار ەتۋ ماقساتىندا ازىرلەندى. وسى بويىنشا بايانداما جاسا­عان ەكونوميكالىق دامۋ جانە ساۋ­دا ءمينيسترى جانار ايتجانوۆا ال­دىن الا باعالاۋ بويىنشا, ىشكى جالپى ءونىمنىڭ ناقتى ءوسىمى 2010 جىلى 7%-دى قۇراپ, جۇمىس­سىز­دىق دەڭگەيى 2010 جىلدىڭ سوڭىندا 5,5%-عا دەيىن تومەندە­گەن­دىگىن, حالىقتىڭ جان باسىنا شاققانداعى تابىسى ناقتى كورى­نىس­تە 6,3%-عا, ناقتى جالاقى 7,5%-عا ءوسىپ, ينفلياتسيا 7,8%-دى قۇراعاندىعىنا توقتالدى. بيۋدجەت ساياساتىندا ءبىرىنشى كەزەكتە الەۋمەتتىك مىندەتتەمەلەردى قارجىلاندىرۋ باسىم بول­دى. 2010 جىلعا ارنالعان رەس­پۋب­ليكالىق بيۋدجەتتە قاراستى­رىل­عان زەينەتاقى تولەۋ, الەۋمەتتىك تولەمدەر جانە بيۋدجەت سالا­سى­نىڭ قىزمەتكەرلەرىنە جالاقى ءتو­لەۋ بويىنشا بارلىق الەۋمەتتىك مىندەتتەمەلەر ءوز مەرزىمىندە جانە تولىق كولەمدە قارجىلان­دى­رىلدى, دەدى مينيستر. 2010 جىلدىڭ 1 قاڭتارىنان باستاپ بەلارۋستىڭ, قازاقستان­نىڭ جانە رەسەيدىڭ كەدەن وداعى جۇمىس ىستەي باستادى, ول ءۇشىنشى مەملەكەتتەرگە قاتىستى بىرىڭعاي ساۋدا ساياساتىن جۇرگىزەدى. 2010 جىلدىڭ 1 شىلدەسىنەن باستالعان ءبىر­تۇتاس كەدەن اۋماعىن قالىپ­تاس­تىرۋ ءىسى بىرتە-بىرتە ەلىمىزدىڭ ءوت­كى­زۋ رىنوگىن 16 ملن. تۇتىنۋ­شى­دان 168 ملن. تۇتىنۋشىعا دەيىن ۇل­عايتۋعا مۇمكىندىك بەرىپ, قا­زاقستاندىق تاۋار وندىرۋشىلەردىڭ كەدەن وداعىنا مۇشە ەلدەردىڭ كو­لىك ينفراقۇ­رىلىمىنا قول جەتكىزۋىن, سونداي-اق قىزمەتتەر, كاپيتال مەن جۇمىس كۇشىنىڭ قوزعا­لى­سىنىڭ ەركىندىگىن قامتاماسىز ەتەتىن بولادى. جانار ايتجانوۆانىڭ اي­تۋ­ىن­شا, 2011 جىلى قازاقستان ۇكى­مەتى, ۇلتتىق بانك جانە قارجى قا­داعالاۋ اگەنتتىگى جۇرگىزەتىن ەكو­نوميكالىق ساياسات نەگىزىنەن قازاقستان ەكونوميكاسىنىڭ باسە­كە­گە قابىلەتتىلىگىن ارتتىرۋعا, ەكو­نوميكانى ارتاراپتاندىرۋعا, سونىڭ ىشىندە ەڭ الدىمەن يندۋس­تريالىق-يننوۆاتسيالىق دامۋ باع­دارلاماسىن جۇزەگە اسىرۋعا, جۇ­م­ىسپەن قامتۋدىڭ تۇراقتىلىعىن جانە حالىق تابىسىنىڭ ءوسۋىن قام­تاماسىز ەتۋگە, ءبىلىم بەرۋدى, دەنساۋلىق ساقتاۋدى جانە تىلدەردى دامىتۋدى قوسقاندا ادامي كاپيتالدى دامىتۋدىڭ مەملەكەتتىك باعدارلامالارىن جۇزەگە اسى­رۋعا باعىتتالاتىن بولادى. سونىڭ ىشىندە باسەكەگە قابى­لەت­تىلىكتى ارتتىرۋعا ماكرو­ەكو­نو­مي­كالىق تۇراقتىلىقتى قامتا­ما­سىز ەتۋ, ينۆەستيتسيالىق جانە بيزنەس احۋالدى جاقسارتۋ, ينستي­تۋت­تىق دامۋ, تەحنولوگيالىق جانە ين­نوۆاتسيالىق دامۋ دەڭ­گەيى, ەل­دىڭ ادامي رەسۋرستارىنىڭ ساپا­سىن دامىتۋ, سونداي-اق كەدەن ودا­عى جانە ءبىرتۇتاس ەكونومي­كا­لىق كەڭىستىك شەڭبەرىندە ساۋدا كەدەرگىلەرىن ازايتۋ جانە ەكونو­مي­كالىق بىرىگۋدى كەڭەيتۋ ەسەبىنەن قول جەتكىزىلەتىن بولادى. بيزنەس ءۇشىن قوسىلعان قۇنى جوعارى وندىرىستەردى قولداۋدىڭ جۇيەلى شارالار توبى, جاڭا تەحنولوگيالار ترانسفەرتى, وتاندىق يننوۆاتسيالىق شەشىمدەردى ءازىر­لەۋ, ەكسپورت ءونىمىنىڭ جوعارى­لاۋى, ءونىم شىعارۋعا ۇزاق مەرزىمدى تاپسىرىس قامتاماسىز ەتىلەتىن بولادى. بيزنەسكە شيكىزات ەمەس ەكسپورتتى ودان ءارى جىل­جىتۋدا جانە جاڭا تەحنولوگيا­لاردى ەنگىزۋدە جۇيەلى كومەك كورسەتىلمەك. ىشكى رىنوكتا ءبىرىنشى كەزەكتە الەۋمەتتىك ماڭىزى بار ازىق-ت ۇلىك تاۋارلارىنا باعا بەلگىلەۋ جانە باعا تۇراقتىلىعىن رەتتەۋ 2011 جىلعى ەكونوميكالىق سايا­سات­تىڭ نەگىزگى باسىلىمدىقتارى­نىڭ ءبىرى بولىپ تابىلادى. بۇل ءۇشىن ۇكىمەت جانە جەرگىلىكتى ات­قا­رۋشى ورگاندار تاراپىنان كوتەر­مە (كوممۋنالدىق) ازىق-ءتۇ­لiك بازارلارىن جانە ساۋدا ين­فرا­قۇرىلىمىن دامىتۋ, ىشكى رىنوك­تى وتاندىق ونىممەن مولىق­تىرۋ, تابيعي مونوپوليا سۋبەكتى­لەرى­نىڭ قىزمەتىنە باعا بەلگىلەۋدى رەتتەۋ جۇمىستارى جالعاستىرى­لادى. 2011 جىلى ۇكىمەت, ۇلتتىق بانك جانە قارجى قاداعالاۋ اگەنت­تىگى جۇرگىزەتىن ەكونومي­كا­لىق ساياسات ناقتى ءىجو-ءنى 4-5 %, ينفلياتسيانى 6-8 % دەڭگەيدە ۇستاپ تۇرۋدى قامتاماسىز ەتەدى. مالىمدەمە جوباسىندا وسى ماسەلەلەر جان-جاقتى قامتىلعان. سۇڭعات ءالىپباي.