اتىراۋ قالاسىن جايىق وزەنى قوس قۇرلىققا – ازيا مەن ەۋروپاعا ءبولىپ جاتىر. قوس قۇرلىقتا تۇرامىز دەيتىن ءوڭىر جۇرتشىلىعى قىسقى ازيادا الاۋىنىڭ ەستافەتاسىن اسىعا توستى. الاۋ ەستافەتاسى ارنايى ۇشاقپەن بۇرناعى كەشتە اتىراۋعا جەتتى. اۋەجايدا ازيا ويىندارىن ۇيىمداستىرۋ كوميتەتى توراعاسىنىڭ ورىنباسارى ءسارسەن قۇرانبەك باستاعان دەلەگاتسيانى وبلىس اكىمىنىڭ ورىنباسارى سەرىك امانعاليەۆ, وبلىستىق سپورت, تۋريزم جانە دەنە شىنىقتىرۋ باسقارماسىنىڭ باستىعى بەرىك جانكەەۆ كۇتىپ الىپ, بۇقارالىق اقپارات قۇرالدارى وكىلدەرى ءۇشىن ءباسپاسوز ءماسليحاتىن وتكىزدى. ال كەشە قالانىڭ ازيا بەتىندە ورنالاسقان ماحامبەت اتىنداعى قازاق دراما تەاترى الدىندا الاۋ ەستافەتاسىنىڭ شەرۋى باستالدى. وبلىس اكىمى بەرگەي رىسقاليەۆ الاۋ ەستافەتاسىنىڭ شەرۋىن قىزىقتاۋعا جينالعان جۇرتشىلىقتى قۇتتىقتاپ, «تاۋەلسىز قازاقستاننىڭ تۇڭعىش پرەزيدەنتى نۇرسۇلتان نازارباەۆ ەلىمىزدىڭ جاھانداعى ەڭ الەۋەتتى ەلدەر قاتارىندا بولۋىنا ەرەن ەڭبەك ءسىڭىرىپ كەلەدى.
ەل ەكونوميكاسىنا داعدارىستىڭ سالقىنى تيمەدى. قازاقستانمەن ىنتىماقتاسۋعا, سەرىكتەس بولۋعا ۇمتىلىپ, ءبىزدىڭ ەلباسىنىڭ سىندارلى ساياساتىنا قولداۋىن كورسەتۋدە. سونىڭ دالەلى بىلتىر ەقىۇ ءسامميتىن وتكىزدىك, ەندى مىنە, قىسقى ازيا ويىندارىن وتكىزگەلى وتىرمىز» دەدى. سونان سوڭ الاۋ ەستافەتاسىن كسرو-نىڭ 5 ءدۇركىن, قازاقستاننىڭ 7 دۇركىن چەمپيونى اتانعان حالىقارالىق دارەجەدەگى بوكسشى بولات تەمىروۆكە بەردى.
بولات تەمىروۆ اباي كوشەسىنەن باستاۋ العان الاۋ شەرۋىن ماحامبەت كوشەسىندە توسىپ تۇرعان كەلەسى الاۋگەر – سپورت ارداگەرى جىلقىايدار سۇلتانوۆقا جالعادى. ءار 200 مەتر سايىن وسىلايشا بىرىنەن بىرىنە جالعاسقان الاۋ ەستافەتاسى ازاتتىق داڭعىلىمەن جايىق وزەنى ۇستىندەگى كوپىرمەن قالانىڭ ەۋروپا بولىگىنە ءوتتى. كوشە بويىندا شەرۋدى قىزىقتاۋشى تۇرعىندار ەسەبىندە شەك جوق. ءبارى دە – جاسى دا, قارياسى دا «العا, قازاقستان!», «جاسا, قازاقستان!», دەپ ۇرانداتىپ تۇردى. ءتىپتى, الاۋگەرمەن بىرگە جۇگىرىپ جۇرگەن بالاقايلاردىڭ جۇزىنەن قۋانىشتىڭ لەبى بايقالادى. الاۋ ەستافەتاسىنىڭ ءبىرىنشى كەزەڭى يساتاي باتىر داڭعىلىنداعى يساتاي-ماحامبەت الاڭىندا ايالدادى. بۇل الاڭعا الاۋ ەستافەتاسىن تاەكۆوندودان بەلگرادتا وتكەن بۇكىلالەمدىك ۋنيۆەرسيادا چەمپيونى گۇلنافيس ايتمۇحامبەتوۆا الىپ كەلدى.
– ازيادا ويىندارىنىڭ قازاقستاندا وتكىزىلۋى ەل سپورتىن جاڭا دەڭگەيگە كوتەرەتىنى داۋسىز, – دەدى گازەت تىلشىسىنە بوكسشى بولات تەمىروۆ. – قازاقستان قالالارىن تۇگەل ارالاپ شىعاتىن ازيادا الاۋى ءبىزدىڭ سپورتشىلارىمىزدىڭ جەڭىسىنە جولاشار بولارىنا سەنەمىن.
ال تۇستەن كەيىنگى كەزەڭدە الاۋ شەرۋشىلەرى ساتپاەۆ داڭعىلىمەن قازاقتىڭ ەرجۇرەك ۇشقىش قىزى, حالىق قاھارمانى حيۋاز دوسپانوۆا اتىنداعى مۇز سارايىنا دەيىن اكەلدى. شەرۋ الاۋگەرلەرى اراسىندا ەلىمىزگە تانىمال سپورتشىلارمەن بىرگە, ءار سالانىڭ وكىلدەرى تارتىلعان. سولاردىڭ قاتارىندا بەلگىلى كاسىپكەر ونەربەك جانبالانى, مۇنايشىلار تولەگەن بايزاقوۆتى, تالعات بايتازيەۆتاردى, ونەر شەبەرلەرى سەمبەك جۇماعاليەۆ پەن گۇلمايدان ءسۇندەتوۆالاردى اتاۋعا بولادى. اتىراۋداعى ازيادا الاۋىنىڭ ەستافەتاسىن بەيجىڭ وليمپياداسىنىڭ قولا جۇلدەگەرى, تاەكۆوندوشى ارمان شىلمانوۆ قاھارمان ۇشقىش حيۋاز دوسپانوۆا اتىنداعى مۇز ايدىنى سارايىنا جينالعان جۇرتشىلىق الدىنا الىپ جەتتى. وسىلايشا, الاۋ ەستافەتاسى ازيا مەن ەۋروپا قۇرلىعىنداعى اتىراۋ جۇرتشىلىعىنا ەرەكشە ءبىر سەرپىلىس بەردى.
جولداسبەك شوپەعۇل.
اتىراۋ وبلىسى.
–––––––––––––––––––
سۋرەتتى تۇسىرگەن تەمىرلان سۇلتانعازيەۆ.
اتىراۋ قالاسىن جايىق وزەنى قوس قۇرلىققا – ازيا مەن ەۋروپاعا ءبولىپ جاتىر. قوس قۇرلىقتا تۇرامىز دەيتىن ءوڭىر جۇرتشىلىعى قىسقى ازيادا الاۋىنىڭ ەستافەتاسىن اسىعا توستى. الاۋ ەستافەتاسى ارنايى ۇشاقپەن بۇرناعى كەشتە اتىراۋعا جەتتى. اۋەجايدا ازيا ويىندارىن ۇيىمداستىرۋ كوميتەتى توراعاسىنىڭ ورىنباسارى ءسارسەن قۇرانبەك باستاعان دەلەگاتسيانى وبلىس اكىمىنىڭ ورىنباسارى سەرىك امانعاليەۆ, وبلىستىق سپورت, تۋريزم جانە دەنە شىنىقتىرۋ باسقارماسىنىڭ باستىعى بەرىك جانكەەۆ كۇتىپ الىپ, بۇقارالىق اقپارات قۇرالدارى وكىلدەرى ءۇشىن ءباسپاسوز ءماسليحاتىن وتكىزدى. ال كەشە قالانىڭ ازيا بەتىندە ورنالاسقان ماحامبەت اتىنداعى قازاق دراما تەاترى الدىندا الاۋ ەستافەتاسىنىڭ شەرۋى باستالدى. وبلىس اكىمى بەرگەي رىسقاليەۆ الاۋ ەستافەتاسىنىڭ شەرۋىن قىزىقتاۋعا جينالعان جۇرتشىلىقتى قۇتتىقتاپ, «تاۋەلسىز قازاقستاننىڭ تۇڭعىش پرەزيدەنتى نۇرسۇلتان نازارباەۆ ەلىمىزدىڭ جاھانداعى ەڭ الەۋەتتى ەلدەر قاتارىندا بولۋىنا ەرەن ەڭبەك ءسىڭىرىپ كەلەدى.
ەل ەكونوميكاسىنا داعدارىستىڭ سالقىنى تيمەدى. قازاقستانمەن ىنتىماقتاسۋعا, سەرىكتەس بولۋعا ۇمتىلىپ, ءبىزدىڭ ەلباسىنىڭ سىندارلى ساياساتىنا قولداۋىن كورسەتۋدە. سونىڭ دالەلى بىلتىر ەقىۇ ءسامميتىن وتكىزدىك, ەندى مىنە, قىسقى ازيا ويىندارىن وتكىزگەلى وتىرمىز» دەدى. سونان سوڭ الاۋ ەستافەتاسىن كسرو-نىڭ 5 ءدۇركىن, قازاقستاننىڭ 7 دۇركىن چەمپيونى اتانعان حالىقارالىق دارەجەدەگى بوكسشى بولات تەمىروۆكە بەردى.
بولات تەمىروۆ اباي كوشەسىنەن باستاۋ العان الاۋ شەرۋىن ماحامبەت كوشەسىندە توسىپ تۇرعان كەلەسى الاۋگەر – سپورت ارداگەرى جىلقىايدار سۇلتانوۆقا جالعادى. ءار 200 مەتر سايىن وسىلايشا بىرىنەن بىرىنە جالعاسقان الاۋ ەستافەتاسى ازاتتىق داڭعىلىمەن جايىق وزەنى ۇستىندەگى كوپىرمەن قالانىڭ ەۋروپا بولىگىنە ءوتتى. كوشە بويىندا شەرۋدى قىزىقتاۋشى تۇرعىندار ەسەبىندە شەك جوق. ءبارى دە – جاسى دا, قارياسى دا «العا, قازاقستان!», «جاسا, قازاقستان!», دەپ ۇرانداتىپ تۇردى. ءتىپتى, الاۋگەرمەن بىرگە جۇگىرىپ جۇرگەن بالاقايلاردىڭ جۇزىنەن قۋانىشتىڭ لەبى بايقالادى. الاۋ ەستافەتاسىنىڭ ءبىرىنشى كەزەڭى يساتاي باتىر داڭعىلىنداعى يساتاي-ماحامبەت الاڭىندا ايالدادى. بۇل الاڭعا الاۋ ەستافەتاسىن تاەكۆوندودان بەلگرادتا وتكەن بۇكىلالەمدىك ۋنيۆەرسيادا چەمپيونى گۇلنافيس ايتمۇحامبەتوۆا الىپ كەلدى.
– ازيادا ويىندارىنىڭ قازاقستاندا وتكىزىلۋى ەل سپورتىن جاڭا دەڭگەيگە كوتەرەتىنى داۋسىز, – دەدى گازەت تىلشىسىنە بوكسشى بولات تەمىروۆ. – قازاقستان قالالارىن تۇگەل ارالاپ شىعاتىن ازيادا الاۋى ءبىزدىڭ سپورتشىلارىمىزدىڭ جەڭىسىنە جولاشار بولارىنا سەنەمىن.
ال تۇستەن كەيىنگى كەزەڭدە الاۋ شەرۋشىلەرى ساتپاەۆ داڭعىلىمەن قازاقتىڭ ەرجۇرەك ۇشقىش قىزى, حالىق قاھارمانى حيۋاز دوسپانوۆا اتىنداعى مۇز سارايىنا دەيىن اكەلدى. شەرۋ الاۋگەرلەرى اراسىندا ەلىمىزگە تانىمال سپورتشىلارمەن بىرگە, ءار سالانىڭ وكىلدەرى تارتىلعان. سولاردىڭ قاتارىندا بەلگىلى كاسىپكەر ونەربەك جانبالانى, مۇنايشىلار تولەگەن بايزاقوۆتى, تالعات بايتازيەۆتاردى, ونەر شەبەرلەرى سەمبەك جۇماعاليەۆ پەن گۇلمايدان ءسۇندەتوۆالاردى اتاۋعا بولادى. اتىراۋداعى ازيادا الاۋىنىڭ ەستافەتاسىن بەيجىڭ وليمپياداسىنىڭ قولا جۇلدەگەرى, تاەكۆوندوشى ارمان شىلمانوۆ قاھارمان ۇشقىش حيۋاز دوسپانوۆا اتىنداعى مۇز ايدىنى سارايىنا جينالعان جۇرتشىلىق الدىنا الىپ جەتتى. وسىلايشا, الاۋ ەستافەتاسى ازيا مەن ەۋروپا قۇرلىعىنداعى اتىراۋ جۇرتشىلىعىنا ەرەكشە ءبىر سەرپىلىس بەردى.
جولداسبەك شوپەعۇل.
اتىراۋ وبلىسى.
–––––––––––––––––––
سۋرەتتى تۇسىرگەن تەمىرلان سۇلتانعازيەۆ.
سوڭعى جاڭالىقتار
پاۆلوداردا ەرتىس وزەنىنە اعىپ كەتكەن ەر ادام قۇتقارىلدى
قۇتقارۋشى • كەشە
سەمەيدە ۇلەسكەرلەردى 3 ملرد تەڭگەگە الداعان قۇرىلىس كومپانياسىنىڭ باسشىلارى سوتتالدى
زاڭ مەن ءتارتىپ • كەشە
رەسەيگە سىرا ساتۋدان قازاقستان ەكىنشى ورىنعا شىقتى
ەكونوميكا • كەشە
ينتەرنەتتە بوقاۋىز ءسوز ايتقاندارعا جازا كۇشەيتىلەدى
زاڭ مەن ءتارتىپ • كەشە
گولوۆكين الەمدىك بوكس اڭىزدارىنىڭ قاتارىنا قوسىلدى
سپورت • كەشە
