پروكۋرورلار توقتامعا الىنعان ىستەرگە تالداۋ جاسادى

باس پروكۋروردىڭ №21 بۇيرىعىمەن بەكىتىلگەن «ازاماتتىق سوت ءىسىن جۇرگىزۋدە زاڭداردىڭ قولدانىلۋىنا پروكۋرورلىق قاداعالاۋدى ۇيىمداستىرۋ جانە سوتتاردا مەملەكەتتىڭ مۇددەسىنە وكىلدىك ەتۋ تۋرالى نۇسقاۋلىعىنىڭ 20-تارماعىنا سايكەس, قىزىلوردا قالالىق پروكۋراتۋراسىمەن 2016 جىلدىڭ 3 ايىندا ازاماتتىق ىستەردى قاراۋ بارىسىندا توقتامعا الۋ كەزىندەگى زاڭدىلىقتىڭ ساقتالۋىنا تالداۋ جاسالدى. ستاتيستيكالىق ەسەپ مالىمەتتەرىنە سايكەس, ەسەپتى مەرزىمدە جەرگىلىكتى سوتتارمەن 24 ازاماتتىق ءىس بويىنشا توقتامعا الۋ تۋرالى ۇيعارىمدار قابىلدانعان, ولاردىڭ بارلىعى دا سوتپەن ساراپتاما تاعايىندالۋىنا بايلانىستى توقتامعا الىنعان. ونىڭ ىشىندە 11 ازاماتتىق ءىس بويىنشا سوت-پسيحياتريالىق ساراپتاماسى تاعايىندالسا, 6 سوت تاۋارتانۋ, 5 سوت مولەكۋليارلى-گەنەتيكالىق, 2 سوت قولتاڭبا ساراپتامالارى بويىنشا تاعايىندالعان. سونىمەن قاتار, توقتامعا الىنعان ازاماتتىق ىستەردىڭ 4-ءى ەسەپتى مەرزىمنەن قالدىققا قالدىرىلسا, 20-ى بويىنشا ءوندىرىس قايتا جاڭعىرتىلىپ, شەشىم قابىلدانعان. قىزىلوردا قالالىق سوتىنىڭ 09.03.2016-جىلعى ۇيعارىمىمەن وتىرىسىندا ارىز بەرۋشى ۋ.پ.-نىڭ بالاسى ت.پ.-تى ارەكەتكە قابىلەتسىز دەپ تانۋدى سۇراعان. ارىزعا تىركەلگەن قۇجاتتارعا قاراعاندا, ت.پ. «تۇلعانىڭ ورگانيكالىق ەتيولوگيالى بۇزىلۋى» دياگنوزىمەن 2014 جىلدان باستاپ «د» ەسەپتە تۇرادى جانە 1-ءشى توپتاعى مۇگەدەك ەكەندىگى كورىنەدى, ازاماتتىق ءىستى قاراۋعا ازىرلىك جۇمىستارىن جۇرگىزۋ بارىسىندا, ت.پ.-تىڭ پسيحيكالىق حال-جاعدايىن انىقتاۋ ءۇشىن سوت-پسيحيكالىق ساراپتاما تاعايىنداۋ قاجەتتىگى تۋىنداۋىنا بايلانىستى سوتپەن امبۋلاتورلىق سوت-پسيحياتريالىق ساراپتاما تاعايىندالىپ, ونى جۇرگىزۋ «قىزىلوردا وبلىستىق پسيحونەۆرولوگيا اۋرۋحاناسىنا تاپسىرىلعان. سوتتىڭ 31.03.2016 جىلعى ۇيعارىمىمەن ازاماتتىق ءىس قايتا جاڭعىرتىلىپ, قازىرگى تاڭدا ءىس بويىنشا تۇپكىلىكتى شەشىم قابىلدانباعان. سونداي-اق, 2016-جىلدىڭ 3 ايىندا قالالىق سوتتارمەن زاڭسىز توقتامعا الىنعان ازاماتتىق ىستەرگە جول بەرىلمەگەن جانە قالالىق پروكۋراتۋرامەن ءاربىر توقتامعا الۋ دەرەكتەرى بويىنشا ۇيعارىمداردىڭ زاڭدىلىعى مەرزىمىندە زەردەلەنۋى قامتاماسىز ەتىلگەن. لاۋرا ساگيەۆا, قىزىلوردا قالالىق پروكۋراتۋراسىنىڭ اعا پروكۋرورى.