مۇمكىندىگى شەكتەۋلى بالالار

ءۇشىن اتوم جوباسى اياسىنداعى ءتيىمدى ءىس-شارالار جالعاسۋدا ەلباسىنىڭ باستاماسىمەن قولعا الىنعان اتوم جوباسى اياسىندا سەمەي پوليگونىنان زارداپ شەككەن تۇرعىنداردىڭ دەنساۋلىقتارىن ساۋىقتىرۋ شارالارى جۇزەگە اسىرىلۋدا. وسىعان وراي, شىعىس قازاقستان وبلىسىنداعى بۇۇ بىرلەسكەن باعدارلاماسىنىڭ باستى ماقساتتارىنىڭ ءبىرى مۇمكىندىگى شەكتەۋلى جاندارعا الەۋمەتتىك قىزمەتتەردى قولجەتىمدى ەتۋ ءۇشىن سەمەيدەگى جالپى ءبىلىم بەرەتىن №20 جانە №4 مەكتەپتەرىندە مۇمكىندىگى شەكتەۋلى بالالارعا ارنالعان ءمودۋلدى الاڭدار اشىلدى. اتالعان جوبالاردى بۇۇ-نىڭ قارجىلاي قولداۋىمەن «قۇقىقتىق سانا اكادەمياسى» مەن «ەرەكشە الەم» قوعامدىق قورى جۇزەگە اسىرىپ وتىر. ونداعى ماقسات وقىتۋ مەن تاربيەلەۋدە قيىندىق تۋدىراتىن بالالارعا ءتيىمدى ەمدەۋ-ساۋىقتىرۋ جانە پسيحولوگيالىق-پەداگوگيكالىق كومەك كورسەتۋ بولىپ تابىلادى. ماسەلەن, №20 جالپى ءبىلىم بەرەتىن مەكتەپتە مۇمكىندىگى شەكتەۋلى بالالارعا ارنالعان كوررەكتسيالىق سىنىپ اشىلدى. «قۇقىقتىق سانا اكادەمياسى» قوعامدىق قورى جۇزەگە اسىرعان جوبا اياسىندا سويلەۋ قابىلەتى مەن پسيحولوگيالىق دامۋى تومەن بالالارعا ارنالعان ەكى سىنىپ پايدالانۋعا بەرىلدى. ال №4 جالپى ءبىلىم بەرەتىن ورتا مەكتەپتە 12 بالاعا ارنالعان كوررەكتسيالىق سىنىپ ەسىك اشتى. سىنىپتا سويلەۋ قابىلەتى تومەن, اۋتيزم دەرتىنە شالدىققان بالالار وقيدى. زامان تالابىنا وراي الەۋمەتتىك ورتاعا بەيىمدەۋگە, وقىتۋعا جاعداي جاساي­دى. بۇۇ جوبا مەنەدجەرى راۋان قاليەۆتىڭ ايتۋىنشا, جاقسى ىسكە سەمەي قالالىق اكىمدىگى, ءبىلىم ءبولىمى سەبەپكەر بولىپتى. – اۋتيزم سىرقاتىنا ۇشىراعان بالالاردى ونەر سالاسىنا, ءتۇرلى تەحنيكاعا ۇيرەتسە, الداعى ۋاقىت­­تا ولاردان سول سالانىڭ جاقسى ماما­نى شىعۋى مۇمكىن. ەگەر بالا­نى ەرتە جاستان ەمدەپ تاربيەلەگەن جاع­دايدا, جەتى جاسىندا قاراپايىم بالا­لارمەن ساباققا دا بارا الادى. وكىنىشكە قاراي, قالامىزدا ونداي ورتالىقتار جوق. ءبىزدىڭ قور قازىر مەكتەپ جاسىنا دەيىنگى بالا­لار­مەن اينالىساتىن ورتالىق اشۋ­دى جوسپارلاپ وتىر. وسى باعىت­تا جۇمىستار اتقارىلۋدا, – دەي­دى «ەرەكشە الەم» قوعامدىق قورى­نىڭ ديرەكتورى ارايلىم ءالىم­جانوۆا. – بۇل جوبالاردىڭ ماقساتى – مۇمكىندىگى شەكتەۋلى بالالاردى قوعامعا بەيىمدەۋ جانە العاشقى ءبىلىم الۋلارىنا تولىقتاي مۇمكىندىك جاساۋ. بۇگىنگى تاڭدا جەتكەن جەتىستىكتەرىمىز كوپ. سەبەبى, وسىنداي كوررەكتسيالىق سىنىپتان جالپى سىنىپقا اۋىسىپ جاتقان بالالار بار. ول ءبىز ايتىپ وتىرعان الەۋمەتتەندىرۋ ماسەلەسىنىڭ وڭ شەشىلىپ جاتقانىن كورسەتەدى. بۇل جۇمىستار الداعى ۋاقىتتا دا جالعاساتىن بولادى. كوررەكتسيالىق تۇزەتۋ سىنىپتارىندا ارنايى مۇعالىمدەرمەن قاتار, پسيحولوگتار مەن لوگوپەتتەر دە جۇمىس جۇرگىزەتىن بولادى. ولار قاجەت بولعان جاع­دايدا اۋتيزمگە شالدىققان بالا­لاردى ءتورت جىلعا دەيىن ءتار­بيەلەمەك. بالا اشىلىپ, جاقسى كور­سەت­كىش كورسەتسە, بىردەن كادىمگى سىنىپ­تارعا اۋىسۋعا مۇمكىندىك بار. راۋشان نۇعمانبەكوۆا. سەمەي.