كەلەلى كەڭەستىڭ بەرەرى كوپ

ەلباسىنىڭ تاپسىرماسىنا وراي ەلىمىزدە قىلمىسقا قارسى كۇرەس كۇننەن كۇنگە قارقىن الىپ كەلەدى. بۇل مىندەتتى ساپالى ورىنداۋ ءۇشىن قۋدالاۋ ورگاندارىنىڭ قىزمەتىنە اي­تار­لىقتاي جاڭالىقتار دا ەنىپ جاتىر. ال مۇنداي يگى وزگە­رىستەردىڭ ءبارى قىلمىسپەن كۇرەستە وڭ ناتيجەسىن بەرەتىنى ءسوزسىز. سونىڭ ءبىرى رەتىندە ايتار بولساق, كەشە استانا قالاسى ءىىد كونسۋلتاتيۆتىك كەڭەس ورگانىنىڭ العاشقى وتىرىسى ءوتتى. كونسۋلتاتيۆتىك كەڭەس ورگا­نىنىڭ العاشقى وتىرىسىن استانا قالاسى ىشكى ىستەر دەپارتامەنتى باستىعى پوليتسيا گەنەرال-مايو­رى امانتاي اۋباكىروۆ اشتى. دەپارتامەنت باسشىسى ءوز سوزىندە كونسۋلتاتيۆتىك كەڭەس ورگانى مەملەكەت باسشىسى نۇرسۇلتان نازارباەۆتىڭ «100 ناقتى قادام» – ۇلت جوسپارىندا كوزدەلگەن تالاپتارىن جۇزەگە اسىرۋ ماقساتىندا قۇرىلعاندىعىن جانە ورگاننىڭ باستى ماقساتى قازاقستان رەسپۋبليكاسى ازاماتتارىنىڭ قۇقىقتارى مەن بوستاندىقتارىن قورعاۋ, پوليتسيا قىزمەتىن ءادىل ءارى اشىق ەتۋ, ازاماتتىق قوعام مەن قۇقىق قورعاۋ ورگاندارىنىڭ اراسىندا ءوزارا بايلانىس ورناتۋ بولىپ تابىلاتىندىعىن اتاپ ءوتتى. كونسۋلتاتيۆتىك كەڭەس ور­گا­نىنىڭ قۇرامىنا پارلامەنت ءما­جىلىسىنىڭ دەپۋتاتى اباي تاس­بولاتوۆ, قالالىق ءماسليحاتتىڭ دەپۋتاتتارى جانات نۇرپەيىسوۆ, زاۋرە ءجۇسىپوۆا, «ۇلتتىق-عىلىمي مەديتسينالىق ورتالىعى» اق باس ديرەكتورى اباي بايگەنجين, «تسەس­نابانك» اق ديرەكتورلار كەڭەسىنىڭ مۇشەسى نيكولاي مەششەرياكوۆ, «ۇلتتىق-عىلىمي كاريدوحيرۋرگيا ورتالىعى» اق ديرەكتورلار كەڭەسىنىڭ توراعاسى قادىر وماروۆ جانە ت.ب. ەندى. اتالمىش كەڭەستىڭ نەگىزگى مىندەتتەرى – ىشكى ىستەر ورگاندارىنا ولاردىڭ قىزمەتىنىڭ اي­قىندىلىعىن قامتاماسىز ەتۋگە ىقپال جاساۋ, حالىقتىڭ مەم­لەكەتتىڭ ىشكى ىستەر ورگاندارىنا سەنىمىن ارتتىرۋ, ۇكىمەتتىك ەمەس ۇيىم­داردىڭ قۇقىقتىق مەملەكەتتى نى­عايتۋداعى ءرولىن ودان ءارى ارتتىرۋ, ىشكى ىستەر ورگاندارىنىڭ قىزمەتىنە كونسۋلتاتيۆتىك, ءادىس­تەمەلىك جانە وزگە دە قولداۋلار كور­سەتۋ, ىشكى ىستەر ورگاندارىنىڭ قىز­مەتكەرلەرىن الەۋمەتتىك ماسە­لەلەرىن شەشۋگە ىقپال ەتۋ بولىپ تابىلادى. ال اتالعان كون­سۋلتاتيۆتىك كەڭەس ورگانىنىڭ ءتور­اعاسى بولىپ «ۇلتتىق عىلىمي مەدي­تسينالىق ورتالىعى» اق باس دي­رەكتورى اباي بايگەنجين سايلاندى. الەكساندر تاسبولاتوۆ, «ەگەمەن قازاقستان».