جاقسىلىققا قۇشتار جازۋشى

وتكەن سەنبى كۇنى ۇلتتىق اكادەميالىق كىتاپحاناسىندا «بۇل كىتاپ الەمى...» اتتى كىتاپ ايلىعى اياسىندا كورنەكتى جازۋشى, قازاقستان رەسپۋبليكاسى مەملەكەتتىك سىيلىعىنىڭ لاۋرەاتى, م.شولوحوۆ جانە ۆ.پيكۋل اتىنداعى حالىقارالىق سىيلىقتاردىڭ يەگەرى, قازاقستاننىڭ ەڭبەك سىڭىرگەن قايراتكەرى ءسابيت دوسانوۆپەن كەزدەسۋ بولىپ ءوتتى. كەش بارىسىندا تانىمال قالامگەردىڭ بالالىق شاعىنان بۇگىنگى كۇنگە دەيىنگى ءجۇرىپ ءوت­كەن جولىنداعى قۋانىشى مەن قايعىسى, قىزىعى مەن شى­جى­عى, ءتىپتى, نەبىر تىلسىم سىر­لارعا تولى تاڭعاجايىپ الەمىنە ساياحات جاسالدى. تاياۋدا عانا شەتەلدە وتا جاسالىپ, ءدارى­گەرلەردىڭ ءبىراز كۇتىنۋ كەرەك,  دەگەن ەسكەرتپەسىن ەلەمەس­تەن, ەلور­دالىق وقىرمانىمەن قا­ۋ­ى­­­شۋعا الماتىدان ات ارىتىپ جەتكەن جازۋشىنىڭ اڭگىمەسى مەن ونىڭ ءتۇرلى وقيعالارمەن بەتپە-بەت كەلۋى, شىندىعىندا, كەش قوناقتارىن ۇيىتتى دەسەم, اسىرىپ ايتقاندىق ەمەس. جۋرناليست بولۋدى اڭساعان بالاڭ جىگىتتىڭ جازۋشىلىق ومىرگە قالاي ويىسقانى, ودان كەيىنگى ادەبيەت مايدانىندا كەزىككەن نەبىر جاق­سىلى-جاماندى جاعداياتتار, جاز­عان كوركەم دۇنيەلەردىڭ قا­لاي, قايتىپ تۋى, ت.ب. جونىندە ءور­بىگەن اڭگىمەلەر تىڭدارماننىڭ قۇلاعىنا مايداي جاقتى. زيالى قاۋىم وكىلدەرى قالام­گەردىڭ ادەبيەتتەگى الار ەرەكشە ورنىنا, شىعارماشىلىق جەتىستىكتەرى مەن ازاماتتىق قىر­لارىنا جان-جاقتى توقتالدى. سونداي-اق, ءسابيت دوسانوۆپەن بىرگە باستان وتكىزگەن ءار كەزەڭ­دەردى ەسكە الىسىپ, تۇشىمدى اڭگىمەلەر قوزعادى. ونىڭ بويىن­داعى اداممەن تەز ءتىل تابىسقىش, باۋىرمال قاسيەتتەرىن كەيىنگى جاستارعا ۇلگى-ونەگە رەتىندە ايتا وتىرىپ, ءاردايىم جاقسى, يگى ءىس جاساۋعا جانى قۇمارتىپ تۇراتىن قايراتكەر اعانىڭ سەگىز اجالدان امان قالۋى وسىنداي جاقسىلىقتارىنىڭ قايتارىمى بولار دەپ توپشىلادى. جاقسىلىق جاساۋ – جان جادىراتاتىن ساۋاپتى ءىس. وسى قاسيەت ارقىلى جاس تا, كارى دە ءوزىنىڭ ماقسات-مۇددەسىنە, ارمان-تىلەگىنە جەتەدى. ءسابيت اعا دا سولاي. سونداي-اق, كەشتىڭ قىزىقتى وتۋىنە تاعى ءبىر سەبەپ, ول قۇر­داس­تاردىڭ ادەمى ءازىل-قال­جىڭدارى دەر ەدىك. جاسىراتىنى جوق, قانشاما كەزدەسۋ كورسەك تە, ءدال وسىنداي شىبىننىڭ ىزىڭى ەستىلمەگەن كەشكە العاش كۋا بول­دىق. ءويت­كەنى, بۇل كەشتە قوز­عالعان تاقى­رىپ شىنايى, وتە قىزىقتى جانە اسەرلى شىقتى. شارا سوڭىندا ۇلتتىق اكا­دە­ميالىق كىتاپحانا باسشىسى ءۇمىت­حان مۇڭالباەۆا كەش يەسى, جازۋشى ءسابيت دوسانوۆقا ءىلياس ەسەنبەرليننىڭ «كوشپەندىلەر» كىتابىن تارتۋ ەتىپ, كوپشىلىك قاۋىم اتىنان قا­لامگەرگە مىق­تى دەنساۋلىق, شى­­عار­ماشىلىق تابىستار تىلەدى. راۋشان تاۋىرحانقىزى, «ەگەمەن قازاقستان».