باسقارۋدىڭ جەر ءۇستى كەشەنىندە بولدى

پارلامەنت سەناتى حالىقارالىق قا­تىناستار, قورعانىس جانە قاۋىپ­سىزدىك كوميتەتىنىڭ مۇشەلەرى اقمولا وبلىسىندا ورنالاسقان اقكول «رەس­پۋب­ليكالىق عارىشتىق بايلانىس ورتا­لىعى» جەر ءۇستى باسقارۋ كەشەنىنىڭ قىز­مەتكەرلەرىمەن كەزدەستى. سەناتورلار كەزدەسۋ بارىسىن­دا تەلە­كوم­مۋنيكاتسيالىق «Kaz­Sat-2» جانە «KazSat-3» سەرىك­­تەرىن باسقارۋدى قامتاماسىز ەتەتىن «اقكول» جەر ءۇستى باسقارۋ كەشە­نى­نىڭ ءبولىم­شەلەرىمەن تانىستى. حالىقارالىق قاتىناستار, قورعانىس جانە قاۋىپسىزدىك كو­ميتەتىنىڭ توراعاسى يكرام ادىر­بەكوۆ ۇجىمدى دۇنيەجۇزىلىك اۆيا­تسيا جانە كوسموناۆتيكا كۇنىمەن قۇتتىقتادى. ول 10 ناۋ­­رىزدا سەنات «قازاقستان رەسپۋبليكاسىنىڭ كەي­بىر زاڭ­نا­مالىق اكتىلەرىنە عارىش قىز­مەتى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ قا­بىل­داعانى تۋرالى حاباردار ەتتى. قۇجاتتا ەكونوميكا, ازاماتتىق قورعانىس, قورشاعان ورتا, گەودەزيا جانە كارتوگرافيا, ساۋلەت جانە قالا قۇرىلىسى سالالارىندا عارىش قىزمەتىنىڭ ناتيجەلەرىن ءىس جۇزىندە پايدالانۋ ءۇشىن قۇ­قىق­تىق تەتىكتەر كوزدەلگەن. جاڭا زاڭدى تالقىلاۋ بارى­سىندا اق­پا­راتتاندىرۋ دەڭ­گەيى كەز كەلگەن مەملەكەتتىڭ قۋات­تىلىعى مەن قاۋىپسىزدىگىن باعا­لاۋدىڭ ماڭىزدى بەلگىسى ءارى ىشكى جانە سىرتقى ستراتەگيانى ءازىر­لەۋدىڭ ماڭىزدى قۇرالى ەكەنى اتاپ ءوتىلدى. تاۋەلسىزدىك جىلدارىندا قا­زاقستان قازىرگى زامانعى عا­رىش­تىق ينفراقۇرىلىم قالىپ­تاس­تىردى, بىراق ول ودان ءارى جە­تىل­دىرۋدى تالاپ ەتەدى. ودان باسقا, عا­رىش قىزمەتىندەگى  جەتىستىكتەر مەن بارلىق ينفراقۇرىلىمدار مەم­لەكەتتى دامىتۋعا جانە نى­عاي­تۋعا جۇمىس ىستەۋى قاجەت. بۇل وسى زاڭدى قابىلداۋعا سەبەپتەردىڭ ءبىرى بولدى. سەناتور ي.ادىربەكوۆ, سون­داي-اق, عارىش­تان تۇسىرىلگەن سۋ­رەتتەردى پايدالانۋ سالاسىندا عارىش جۇيەسىنىڭ ونىمدەرى مەن قىزمەتىن پايدالانۋ اياسىن كەڭەيتۋ جانە مەملەكەت پەن جەكە سەكتوردىڭ ارىپتەستىگىن ۇل­عايتۋ قاجەتتىگىن اتاپ ءوتتى. سو­نىمەن قاتار, عارىش جۇيەسىن قۇرۋ بارىسىندا قازاقستاندىق ۇلەستى ۇلعايتۋ, عارىشتىق ينفرا­قۇرىلىمنىڭ جەر ۇستىندەگى وتان­دىق نىساندارىن, ونىڭ ىشىندە عارىش تەحنيكاسىنىڭ ارناۋلى كونسترۋكتورلىق-تەحنولوگيالىق بيۋروسىن كوبەيتۋ قاجەت. كەزدەسۋ سوڭىندا العا قويىل­عان ءمىن­دەت­تەردى ىسكە اسىرۋ بارىسىندا تۋىندايتىن, زاڭنامالىق قولداۋدى تالاپ ەتەتىن وزەك­تى ماسەلەلەردى شەشۋدە سەناتورلار جاردەم­دە­سۋگە ءازىر ەكەنى اتاپ ءوتىلدى, دەپ حابارلادى پارلامەنت سەناتىنىڭ ءباسپاسوز قىزمەتى.