زارداپ شەككەندەرگە كومەك كورسەتىلۋدە

سۋ تاسقىنىنان جاپا تارت­قان­دارعا گۋمانيتارلىق كومەك كورسەتۋشىلەردىڭ قاتارى ءوڭىر­­دە كۇن ساناپ كوبەيىپ كەلەدى. قايى­رىمدىلىق اك­تسيا­عا ال­عاش­قىلاردىڭ قاتا­رىن­­­دا وبلىستىق ىشكى ىستەر دەپارتامەنتىنىڭ قىز­مەتكەرلەرى ءۇن قاتتى. ولار قار­عىن سۋدان قاتتى زارداپ كور­گەن تايىنشا اۋدانىنىڭ تۇر­عىن­دارىنا گۋ­مانيتارلىق كومەك ءجو­نەلتتى. شەشىم وفيتسەرلەر جينالىسىندا ءبىراۋىزدان قابىلدانىپ, شارا جەدەل تۇردە جۇرگىزىلدى. جۇك تيەلگەن كولىك ءوىىد باستىعىنىڭ ورىنباسارى, پوليتسيا پولكوۆ­نيگى ۆيكتور بۋكرەەۆتىڭ باس­قارۋى­مەن اپات ايماعىنا جەتكى­زىلىپ, ازىق-ت ۇلىكتەر مەن كيىم-كە­شەكتەر, قۇرىلىس ماتەريالدارى اۋىل تۇرعىندارىنا تاراتىلدى. ەسكە سالا كەتەيىك, دو­نەتسكوە, ياسنايا پوليانا, كەل­لە­روۆكا, دوبروجانوۆكا اۋىلدارىن اعىن سۋ باسىپ قالعان بولاتىن. ال, تايىنشا ءاىىب جەكە قۇرامى تاۋلىك بويى جەرگىلىكتى حالىقتى تۋىستارىنا جانە جەر­­گىلىكتى مەكتەپكە كوشىرۋگە كومەكتەستى. بالالاردى, ءۇي مالىن جانە قاجەتتى م ۇلىكتەردى تاسىدى. جولدى شايىپ كەتكەن جەرلەردە كەزەكشىلىك ۇيىمداستىرىلدى. قىزىل اي قوعامىنىڭ جەرگىلىكتى بولىمشەسى كەللەروۆكا اۋىلىنىڭ تۇرعىندارىنا جىلى كيىمدەر, گيگيەنالىق زاتتار, ازىق-ت ۇلىك تاعامدارىن ۇلەستىردى. «ءالىبي» استىق كومپانياسىنىڭ جەتەكشىسى نۇرلان تىلەۋباەۆ 2 ميلليون تەڭگەنىڭ جاردەمىن جاسادى. وبلىستىق اكىمدىكتىڭ قورىنان قارجى ءبولىنىپ, ايتارلىقتاي زاقىم كەلگەن باسپانا يەلەرىنە وتەماقى بەرۋ باستالىپ كەتتى. سولاردىڭ ءبىرى ۆلاديمير دۆورەتس­كي قاراجاتقا مال ساتىپ الىپ, قوسالقى شارۋاشىلىقپەن اينالىسپاق. الماگۇل ابىلايحان دا كورسەتىلگەن كومەككە ءدان ريزا. ايماق باسشىسى ەرىك سۇل­تانوۆ تىكۇشاق ارقىلى سۋ تاس­قىنى اۋقىمىن تاعى ءبىر مارتە بايقاپ قايتتى. ەسىل, اققايىڭ, قىزىلجار اۋداندارىندا جاعداي الاڭداتارلىق. سەرگەەۆ گيدروتورابىندا سۋدىڭ دەڭگەيى بوگەتتەن 2 مەتر, نوۆونيكولسكوە اۋىلىندا 1 مەتر كوتەرىلگەن. وزەن سۋى كۇرە جولدىڭ بويىندا ورنالاسقان پوكروۆكا ەلدى مە­كەنىنە جەتىپ, جاعالاي قونعان اۋىلدار دا سۋ قۇرساۋىندا قالعان. ەرىك حامزا ۇلى تىكۇشاق بورتىندا دامبالاردىڭ ءتيىستى جەرلەرىن جابدىقتاۋعا تاپسىرمالار بەرىپ, وبلىس ورتالىعىنداعى زارەچنىي جانە بىلعارى زاۋىتى كەنتتەرىن سۋ باسۋ ىقتيمالدىعىن اتاپ كورسەتتى. سوعان وراي ساقتىق شارالارىن كۇشەيتۋدى, كوشىرۋ ورىندارىن دايىنداۋدى تاپسىردى. پەتروپاۆل سۋ تورابىنداعى بارلىق قاقپالار اشىلىپ, ەسىل سۋىن بوگەتسىز ءوت­كىزۋ مىندەتتەرى ءتيىستى ورىندارعا جۇكتەلدى. تىلشىلەر قوسىنىنا تۇسكەن سوڭعى اقپاراتتار بويىنشا وبلىس ورتالىعىمەن ىرگەلەس بەسكول كەنتىنىڭ بىرقاتار ايماعىن سۋ باسقانى بەلگىلى بولدى. سانتا باربارا شاعىن اۋدانىندا 21 ءۇي سۋ استىندا قالعان. قارعىن سۋ گۋسينوە كولىنەن كەلسە كەرەك. جول جيەگىندەگى ءدامحانالاردى دا سۋ شايعان. قازىر بۇل ماڭعا دا قۇتقارۋ تەحنيكالارى مەن كۇشتىك قۇرىلىمدار جۇمىلدىرىلعان. ءومىر ەسقالي, «ەگەمەن قازاقستان». سولتۇستىك قازاقستان وبلىسى.