«ەگەمەنگە» جاڭا باسشى تاعايىندالدى

«ەگەمەن قازاقستان» گازەتى باسشىلىعىندا وزگەرىس بولاتىنىن جۇرتشىلىقتىڭ ءبىلىپ وتىرعانى راس. قازاقتىڭ باس گازەتىنە كىم باسشى بولار ەكەن دەگەن ويدىڭ تالايلاردى تولعاندىرىپ جۇرگەنى دە جاسىرىن ەمەس. كەشە سول ءتۇيىن تارقاتىلدى. ينۆەستيتسيالار جانە دامۋ ۆيتسە-ءمينيسترى ساكەن ءسار­سەنوۆ «ەگەمەن قازاقستان» رەس­پۋب­ليكالىق گازەتى» اكتسيونەرلىك قوعامىنا كەلىپ, ۇزاق جىلدار بويى ۇجىمدى ابىرويمەن باسقارعان, ءماجىلىس دەپۋتاتى بولىپ سايلانۋىنا بايلانىستى ەڭبەك شارتى ۇزىلگەن ساۋىتبەك ابدراحمانوۆقا جەمىستى قىزمەتى ءۇشىن ءمينيستردىڭ بۇيرىعىمەن العىس جاريالانعانىن جەتكىزدى. ەلباسىنىڭ ۇيعارىمىمەن, قۇرىلتايشىنىڭ شەشىمىمەن باسىلىمنىڭ ۆيتسە-پرەزيدەنتى ەركىن قى­دىردىڭ ۇجىمنىڭ جاڭا باسشىسى – اق باسقارماسىنىڭ توراعاسى بولىپ تاعايىندالعانى ايتىلدى. ەركىن ساعىندىق ۇلى قىدىر «ەگەمەن قازاقستان» گازەتى رەداكتسياسىندا ءوسىپ, قالىپتاسقان بىلىكتى دە بەلگىلى جۋرناليست, ءبىلىمدى باسشى. ول گازەتتە 26 جىل بويى تابان اۋدارماي قىزمەت ىستەپ, سونىڭ 20 جىلىندا باس رەداكتوردىڭ ورىنباسارى, ۆيتسە-پرەزيدەنت قىزمەتتەرىن اتقارعان. بۇقارالىق اقپارات قۇرالدارىنا ارنالعان پرە­زي­دەنت سىيلىعىن العاشقى بولىپ العان جۋرناليستەردىڭ ءبىرى رەتىندە ونىڭ قالامىنان تاۋەل­سىز ەلىمىزدىڭ اياعىنان تىك تۇرۋىنا ۇلەس قوسقان تالاي وتكىر ماقالالار مەن تەرەڭ پۋب­لي­تسيس­تيكالىق تۋىندىلار جارىق كورىپ كەلدى. «ەگەمەن قازاقستان» باسى­لى­­مىن 16 جىل بويى باسقارعان ساۋىتبەك ابدراحمانوۆ ءوزىنىڭ سوزىندە رەداك­تسيا ۇجىمىنا ۇزاق ۋاقىت قاتار­لاسا, قاناتتاسا قىزمەت ەتكەن بىرلەسكەن ەڭبەك ءۇشىن العى­سىن ايتىپ, گازەتتەن قول ءۇز­بەي­تىنىن, ءماجىلىستىڭ الەۋمەت­تىك-مادەني دامۋ كومي­تەتىندە دە باس­پاسوزبەن بايلانىس جاعىنا جاۋاپتى بولىپ بەكى­تىل­گەنىن اتاپ ءوتتى. سونىمەن قاتار, ول ءوزىنىڭ ۇزاق جىلدار بويعى قىزمەتتىك, شى­عار­ماشىلىق, وتبا­سىلىق ءومىرى­نە كۋا بولعان ۇجىم­مەن قيماي قوشتاساتىنىن ايتتى. قولى­نان قالامىن تاستاماي, گازەتكە ەندى اۆتور رەتىندە قاتى­سىپ تۇ­راتىنىن دا جەتكىزدى. شىن ءجۇ­رەكتەن شىق­قان وسىناۋ جان تول­قىتارلىق سوزدەردى ءارىپ­تەس­تەرى تەبىرەنە تىڭدادى. شىعىپ سويلەگەن ۇجىم مۇشەلەرى ساۋىتبەك ابدراح­مانوۆتى ءبىلىمدى باس­شى, بىلىكتى تۇلعا, پاراساتتى ازامات رەتىندە جۇرەك تورىندە ساق­تاي­تىندارىن رياسىز پەيىلدەن ايتتى. «ەگەمەن-اقپارات».