يسپانيادا زيكا بەزگەگىن جۇقتىرعاندار سانى 80 ادامنان استى

استانا. 11 ءساۋىر. يسپانيادا 88 ادامنىڭ زيكا بەزگەگىنە شالدىققانى بەلگىلى بولدى. بۇل تۋرالى ريا «نوۆوستي» اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. يسپانيانىڭ دەنساۋلىق ساقتاۋ مينيسترلىگىنىڭ مالىمدەۋىنشە, وتكەن اپتادان بەرى اتالعان ىندەتكە شالدىققانداردىڭ سانى 24 ادامعا ارتقان. ونىڭ ىشىندەگى 11 ادام جۇكتى ايەلدەر. دەگەنمەن ولاردىڭ دەنساۋلىعىنا ەشقانداي قاۋىپتىڭ ءتونىپ تۇرماعانى انىقتالدى. مالىمەتتەر بويىنشا, ولاردىڭ ءبارى زيكا بەزگەگى تارالعان ايماقتارعا قىدىرىپ بارعاندار بولىپ شىقتى. مينيسترلىك ىندەتتىڭ بارسەلونا, مادريد, كاستيليا جانە لەون, اراگون, ۆالەنسيا, گاليسيا, اندالۋسيا, ناۆاررا, استۋريا, مۋرسيا, كانار ارالدارى, لا-ريوحا جانە باسك ەلدەرىنىڭ تۇرعىندارىندا تارالعانىن حابارلادى. وسى جىلدىڭ 1 ساۋىرىنە سايكەس زيكا بەزگەگى 47 مەملەكەتكە تاراعان. ال امەريكا ايماعىندا 190 مىڭ ادام وسى دەرتكە شالدىققان. ايتا كەتەيىك, زيكا مايمىلداردىڭ جۇقپالى اۋرۋى بولىپ ەسەپتەلەدى. ادامدار اراسىنا ماسالار ارقىلى تارايدى. ول اسىرەسە, جۇكتى ايەلدەر ءۇشىن اسا قاۋىپتى. سالدارىنان ىشتەگى ءسابيدىڭ باس سۇيەگى مەن مي قۇرىلىسىنىڭ ءوز مولشەرىندە جەتىلمەۋىنە, كورۋ, ەستۋ مۇشەلەرىندە اۋىتقۋشىلاردىڭ پايدا بولۋىنا الىپ كەلەدى. ايان ءابدۋالي. دەرەك, فوتو: ريا «نوۆوستي».