الەمدەگى ەڭ بيىك عيماراتتىڭ قۇرىلىسى 2020 جىلى اياقتالادى

استانا. 11 ءساۋىر. بىرىككەن اراب امىرلىكتەرىنىڭ دۋباي قالاسىندا سالىناتىن الەمدەگى ەڭ بيىك عيماراتتىڭ قۇرىلىسى 2020 جىلى, ياعني «ەكسپو-2020» دۇنيەجۇزىلىك كورمەسىنە دەيىن اياقتالادى. بۇل تۋرالى «سينحۋا» اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. وتكەن جەكسەنبى كۇنى جاڭا عيماراتتىڭ تانىستىرۋ ءراسىمى ءوتتى. جيىن بارىسىندا Emaar Properties كومپانياسىنىڭ باسشىسى موحاممەد الابباردىڭ ايتۋىنشا, بۇل جوباعا شامامەن 1 ميلليارد دوللار قارجى جۇمسالادى. سونداي-اق, مۇنارانىڭ قانشالىقتى بيىك بولاتىنى ازىرگە بەلگىسىز ەكەنىن ايتتى. جاڭا عيماراتتىڭ قۇرىلىسى Dubai Creek Harbor جەرىندە ورنالاسقان, اۋماعى 6 مىڭ شارشى شاقىرىمدى الادى. ىشىندە رەستوراندار, دۇكەندەر جانە قوناقۇيلەر قاراستىرىلعان. سونداي-اق, تانىمال ارحيتەكتور سانتياگو كالاتراۆا بۇرىن-سوڭدى مۇنداي عيماراتتىڭ بولماعانىن ايتتى. ايتا كەتەيىك, بۇگىندە الەمدەگى ەڭ بيىك مۇنارا دۋبايدا ورنالاسقان. بۋردج-حاليفا عيماراتىنىڭ بيىكتىگى 828 مەتردى قۇرايدى. ايان ءابدۋالي. دەرەك, فوتو: «سينحۋا».