قيىر شىعىستا 1,3 مىڭ گەكتار جەر ورتەندى

استانا. 11 ءساۋىر. قيىر شىعىستا ورمان ورتىنەن 1,3 مىڭ گەكتار جەر كۇلگە اينالدى. بۇل تۋرالى ريا «نوۆوستي» اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. «وتكەن كۇنى قيىر شىعىس فەدەرالدى وكرۋگىندا 28 ورمان القابى وتقا وراندى, ونىڭ 18 پريمور ولكەسىنە قاراستى. قىزىل جالىن جالماعان جەردىڭ اۋماعى 1,29 مىڭ گەكتاردى قۇرايدى», – دەپ مالىمدەدى ايماقتىڭ ورمان شارۋاشىلىعى دەپارتامەنتى. مالىمەتتەرگە سايكەس, امۋر وبلىسىندا دا مۇنداي جاعداي تىركەلگەن. ءورت ءسوندىرۋ جۇمىستارىنا 300 ادام, ءبىر اۋە كەمەسى جانە 54 تەحنيكا جۇمىلدىرىلدى. «دۇيسەنبى كۇنگى جاعداي بويىنشا, ءورت سوندىرۋشىلەردىڭ كومەگىمەن 19 ورمان القابىنداعى قىزىل جالىن ءسوندىرىلدى. قازىرگى كەزدە ارنايى توپ امۋر وبلىسىنداعى بەس جانە پريمور ولكەسىندەگى ءتورت ورماندى سوندىرۋمەن اينالىسىپ جاتىر», – دەپ مالىمدەدى اتالعان دەپارتامەنت. وسى جىلدىڭ باسىنان بەرى جالپى كولەمى 3,04 مىڭ گەكتار بولاتىن 76 ورمان ورتەنگەن. ال وتكەن جىلى بۇل كورسەتكىش 11 مىڭ گەكتارعا دەيىن جەتكەن. ايان ءابدۋالي. دەرەك, فوتو: ريا «نوۆوستي».