جولاۋشىلار اۆتوبۋسى اپاتقا ۇشىرادى

استانا. 11 ءساۋىر. ءبۋرۋنديدىڭ باتىسىنداعى بۋجۋمبۋرا-رۋرال پروۆينتسياسىندا جولاۋشىلار اۆتوبۋسى اپاتقا ۇشىراپ,18 ادام قازا تاپتى. بۇل تۋرالى ريا «نوۆوستي» اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. اپاتقا ۇشىراعان اۆتوبۋس ءبۋرۋنديدىڭ OTRACO كومپانياسىنا تيەسىلى ەكەنى بەلگىلى بولدى. وقيعا مەملەكەت استاناسىنان شىعىسقا قاراي 18 شاقىرىم قاشىقتىقتا بولعان. «اۆتوبۋستا قانشا ادامنىڭ بولعانىن ءدوپ باسىپ ايتۋ قيىن بولىپ تۇر. بىراق ءتۇن ورتاسىندا 18 ادامنىڭ مەرت بولىپ, 55 جولاۋشىنىڭ ءتۇرلى دەڭگەيدە جاراقات العانى انىقتالدى. قازىرگى كەزدە ولار اۋرۋحانالارعا جەتكىزىلدى», – دەيدى يسار ايماعىنىڭ وكىلى گيلبەرت نيۋوكۋرۋ. زارداپ شەككەندەردىڭ ايتۋىنشا, جۇرگىزۋشى جىلدامدىقتى شامادان تىس ارتتىرعان. وسىنىڭ سالدارىنان اۆتوبۋس بىرنەشە رەت اۋدارىلىپ كەتتى. وقيعا ورنىندا پوليتسيا قىزمەتكەرلەرى تەرگەۋ امالدارىن جۇرگىزۋدە. ايان ءابدۋالي. دەرەك: ريا «نوۆوستي». فوتو: 24.kz.