اقش-تا تەڭىزشىنىڭ كىناسىز ەكەنى 33 جىلدان سوڭ دالەلدەندى

استانا. 10 ءساۋىر. اقش-تا 33 جىلىن تەمىر توردىڭ ارعى جاعىندا وتكىزگەن قىلمىسكەردىڭ كىناسىز ەكەنى ەندى دالەلدەندى. بۇل تۋرالى 24.kz-كە سىلتەمە جاساعان egemen.kz ءتىلشىسى حابارلادى. ۆيردجينيا شتاتىنىڭ سوتى ادام ءولتىردى دەگەن ايىپپەن سوتتالعان كيت اللەن گارۆاردتى بوساتۋ تۋرالى ۇكىم شىعاردى. ونىڭ كىناسىز ەكەندىگىن دنق ساراپتاماسىنىڭ قورىتىندىسى دالەلدەگەن. وسىدان تۋرا 33 جىل بۇرىن گارۆارد نيۋپورت-نيۋس تۇرعىنىن ءولتىرىپ, ونىڭ ايەلىن قورلاعان دەگەن ايىپپەن قامالعان بولاتىن. ويتكەنى, ول جابىرلەنۋشىلەردىڭ ۇيىنە جاقىن ورنالاسقان اقش-تىڭ اۋە اسكەرەي كۇشتەرى كەمەسىندە قىزمەت ەتكەن. پوليتسەيلەر ونىڭ تىستەرى جاپا شەككەن ايەلدىڭ اياعىنداعى ءتىس ىزدەرىنە سايكەس كەلەتىندىگىن ايتىپ, اباقتىعا جاپقان. ايتا كەتەيىك, ءتارتىپ ساقشىلار اتالعان قىلمىستى 2006 جىلى ۇرلىق ءۇشىن جازاسىن وتەپ ءجۇرىپ قايتىس بولعان گارۆاردتىڭ كەزىندەگى ارىپتەسى جاساعان بولۋى مۇمكىن دەپ وتىر. تالعات رايىمبەك. دەرەك, فوتو: 24.kz.