«استانا» ءوز الاڭىندا «تارازدان» باسىم ءتۇستى

استانا. 9 ءساۋىر. بۇگىن فۋتبولدان قازاقستان پرەمەر-ليگاسىنىڭ 4-تۋرى شەڭبەرىندەگى ويىندار وينالدى. بۇل تۋرالى egemen.kz ءتىلشىسى حابارلادى. «استانا» (استانا) – «تاراز» (تاراز) 2:1 گولدار: تاڭات نوسەرباەۆ 21, دميتري شومكو 81 – يگور زەنكوۆيچ 49. «استانا» كومانداسى قاتارىنان ءتورتىنشى ويىندا جەڭىسكە جەتتى. ءوز الاڭىندا ونەر كورسەتكەن ستانيمير ستويلوۆتىڭ شاكىرتتەرى كەزەكتى ءۇش ۇپايىنا قول جەتكىزدى. جۇيەلى ويىن كورسەتىپ, «تاراز» كومانداسىنان باسىم ءتۇستى. العاشقى تايمنىڭ وزىندە بىرنەشە قاۋىپتى شابۋىل ۇيىمداستىرعانىمەن, ۇزىلىسكە دەيىن ءبىر-اق گول سوقتى. بۇل دوپتىڭ اۆتورى, كوماندا كاپيتانى – تاڭات نوسەرباەۆ. ەكىنشى تايمدا جاتتىقتىرۋشى نۇرمات مىرزاباەۆتان جاڭا نۇسقاۋ العان «تاراز» كومانداسىنىڭ ويىنشىلارى قارسىلاستارىن قىسپاققا الىپ, جاڭا ءبىر دەڭگەيدەگى ويىن كورسەتتى. شابۋىلداردىڭ بىرىندە ۇرىمتال تۇستى ۇتىمدى پايدالانا بىلگەن يگور زەنكوۆيچ تارازى باسىن تەڭەستىرىپ كەتتى. وسىدان سوڭ «استانا» ويىنشىلارى قانشاما شابۋىلداسا دا, ەكىنشى گولدى كەزدەسۋدىڭ اياقتالۋىنا ون مينۋتتاي ۋاقىت قالعاندا عانا سوقتى. مارين ءانيچيچتىڭ تاماشا پاسىن گولعا اينالدىرعان دميتري شومكو كەزدەسۋدىڭ سوڭعى دوبىن سوقتى. ال قالعان ماتچتاردىڭ ناتيجەسى تومەندەگىدەي «ورداباسى» (شىمكەنت) – «توبىل» (قوستاناي) 2:2 گولدار: ماردان تولەبەك 5, ابدۋلاي دياكاتە 66 – توماش شيمكوۆيچ 21, نۇربول جۇماسقاليەۆ 94. «شاحتەر» (قاراعاندى) – «ەرتىس» (پاۆلودار) 0:2 گولدار: گەورگاس فرەدگەيماس 26, سەمير كەرلا 58. «اقجايىق» (ورال) – «وقجەتپەس» (كوكشەتاۋ) 0:2 گولدار: الىبەك بولەشەۆ 25, ريستو ريستوۆيچ 93. «اتىراۋ» (اتىراۋ) – «قايرات» (الماتى) 0:1 گول: جەرار گوۋ 58. «اقتوبە» (اقتوبە) – «جەتىسۋ» (تالدىقورعان) 3:2 گولدار: سامات سماقوۆ 15, نيكيتا بوچاروۆ 25, توقتار جاڭعىلىشباي 86 – مارتين كلياين 52, دۋشان ساۆيچ 89. ايان ءابدۋالي. دەرەك, فوتو: egemen.kz.