09 ءساۋىر, 2016

تەننيسشى يۋليا پۋتينتسەۆا ۆينۋس ۋيليامستى جەڭدى

232 رەت
كورسەتىلدى
1 مين
وقۋ ءۇشىن
09.04.2016 AST-2 استانا. 9 ءساۋىر. قازاقستاندىق تەننيسشى يۋليا پۋتينتسەۆا اقش-تىڭ چارلستون قالاسىندا ءوتىپ جاتقان تۋرنيردە شيرەك فينالعا شىقتى. بۇل تۋرالى egemen.kz ءتىلشىسى حابارلادى. ول ءۇشىنشى اينالىمدا اقش-تىڭ وليمپيادانىڭ ءتورت دۇركىن چەمپيونى,الەمنىڭ 14-راكەتكاسى ۆينۋس ۋيليامستى 7:6, 2:6, 6:4  ەسەبىمەن ۇتتى. كەزدەسۋ ءۇش ساعاتقا سوزىلدى. بۇعان دەيىن ەكەۋى ءۇش رەت كەزدەسكەن بولاتىن. سونىڭ بارلىعىندا ۋيليامس جەڭىپ كەلگەن. پۋتينتسەۆا وسى جەڭىسىنەن كەيىن الەمدىك رەيتينگتە 75 ۇپاي قوسىپ الدى. قازاقستاندىق تەننيسشى ەندى ول شيرەك فينالدا يتاليالىق سارا ەررانيمەن كەزدەسەدى. قازىرگى پۋتينتسەۆا قازاقستاننىڭ ءبىرىنشى راكەتكاسى سانالادى. ول الەمدىك رەيتينگتە 61 ورىندا تۇر. وعان قارسىلاس بولعان ۋيليامس الەمدىك رەيتينگتە 14 ورىندا كەلە جاتىر. داستان كەنجالين. دەرەك: egemen.kz فوتو: Reuters
سوڭعى جاڭالىقتار