ەلباسىنىڭ اپتالىق كەستەسى

پرەزيدەنتتىڭ ءباسپاسوز قىزمەتى مەملەكەت باسشىسى نۇرسۇلتان نازارباەۆتىڭ قا­تى­سۋىمەن وتەتىن الداعى ءىس-شارالار اڭداتپاسى تۋ­رالى حابارلادى. قازاقستان پرە­زيدەنتى 11-15 ءساۋىر ارا­لىعىندا بىرنەشە مەم­لەكەتكە ساپارمەن بارا­دى. اتاپ ايتقاندا, 11-12 ساۋىردە نۇرسۇلتان نازارباەۆ پرەزيدەنت حاسان ءرۋحانيدىڭ شاقىرۋىمەن يران يس­لام رەسپۋب­لي­كاسىندا بولادى. ەكى مەملەكەت باسشىلارى ح.ءرۋحانيدىڭ 2014 جى­­لى قىركۇيەكتە استاناعا مەملەكەتتىك ساپارى كەزىندە قول جەتكىزىل­گەن ۋاعدالاستىقتاردىڭ ءجۇ­زەگە اسىرىلۋ بارىسىن تالقىلايدى دەپ جوس­پارلانۋدا. سونىمەن قاتار, ساۋدا-ەكونوميكا, ينۆەستيتسيا, اۋىل شارۋاشىلىعى, كولىك-ترانزيت سالالارىنداعى ىنتىماقتاستىقتى نىعايتۋ جولدارى مەن حالىقارالىق جانە وڭىرلىك قاۋىپسىزدىك سالاسىنداعى ءوزارا ءىس-قيمىل جايى قاراستىرىلادى. 13-14 ساۋىردە قازاقستان پرەزيدەنتى يسلام ىنتىماقتاستىعى ۇيىمىنىڭ XIII سامميتىنە قاتىسۋ ءۇشىن تۇرىك رەسپۋبليكاسىنا بارادى. ءسامميتتىڭ نەگىزگى تاقىرىبى – «بىرلىك پەن ىنتىماق ادىلدىك پەن بەيبىتشىلىك ءۇشىن». ساپار بارىسىندا مەملەكەت باسشىسىنىڭ تۇركيا پرەزيدەنتى رەدجەپ تايىپ ەردوعانمەن كەزدەسۋى جوسپارلانعان. كەزدەسۋ اياسىندا استانا مەن انكارا ىنتىماقتاستىعىنىڭ نەگىزگى باعىتتارى تالقىلاناتىن بولادى. سونىمەن قاتار, سامميت اياسىندا دەلەگاتسيالار باسشىلارىمەن كەلىسسوزدەر وتكىزۋ, تۇركيانىڭ ىسكەر توپتار وكىلدەرىمەن كەزدەسۋ كوزدەلۋدە. 15 ساۋىردە نۇرسۇلتان نازارباەۆ وزبەكستان رەس­پۋب­ليكاسىنا بارىپ, پرەزيدەنت يسلام كارىموۆپەن كەزدەسەدى. كەلىسسوزدەر اياسىندا مەملەكەتتەر باسشىلارى قازاقستان مەن وزبەكستاننىڭ ەكىجاقتى قارىم-قاتىناسىنىڭ نەگىزگى اسپەكتىلەرىن تالقىلايدى دەپ جوسپارلانعان.